2 Timotius 2:7 - Perjanjian Baru Bahasa Melayu Maluku Utara

⁷ Perhatikan bae-bae conto-conto yang kita so bilang itu! Kalu ngana perhatikan bae-bae, Tuhan pasti mo kase mangarti samua itu pa ngana.

2 Timotius 2:7 ပူးပေါင်းရင်းမြစ်များ

Lukas 21:15

Barang, Kita sandiri yang mo biking ngoni pande bajawab, sampe ngoni pe musu-musu tara mampo mo balas ngoni pe bicara atau mo baku malawang deng ngoni.

Lukas 24:45

Di situ Yesus biking dorang dapa mangarti Kitab Suci pe arti.

Lukas 9:44

“Dengar deng perhatikan bae-bae yang Kita bilang ini. Nanti Anak Manusia yang dari sorga mo dapa serakan pa orang-orang.”

Yohanes 14:26

Tapi kalu Kita so pigi pa Kita pe Bapa, Dia mo kase Roh Kudus untuk tolong pa ngoni, ganti pa Kita. Roh Kudus itu pe tugas, kase ajar pa ngoni samua yang ngoni musti tau, kong mo kase inga pa ngoni samua yang Kita so bilang pa ngoni.

Yohanes 16:13

Nanti kalu Roh Kudus yang mo tolong itu so datang, Dia mo kase ajar pa ngoni sampe ngoni bole mangarti samua yang butul. Barang, Roh Kudus itu tara bicara iko apa yang ada pa Dia pe pikiran sandiri, tapi Dia bicara iko apa yang Dia dengar dari Tuhan Allah. Kong Roh Kudus lagi yang mo kase tau pa ngoni apa yang mo jadi nanti.

Kisah Para Rasul 7:10

Dia kase Dia pe bae pa Yusuf kong kase lapas samua Yusuf pe sengsara. Tuhan Allah biking dia pande deng tau ator samua, sampe raja Mesir me sayang pa dia. Karna itu, raja Mesir angka pa dia jadi pemimpin untuk satu tana Mesir deng di raja pe istana.

1 Korintus 12:8

Pa yang satu, Roh Kudus kase karunia untuk pande bicara banya hal. Kong pa yang laeng, Roh Kudus yang sama itu kase karunia untuk mangarti banya hal, kong mampo kase tau tentang hal-hal itu.

Filipi 4:8

Jadi sudara-sudara, ini kita pe nasehat terahir yang kita mo bilang pa ngoni. Ngoni musti pikir turus-turus samua yang ada guna macam bagini: samua yang butul, samua yang pantas orang hormati, samua yang adil, samua yang tara biking ngoni berdosa, samua yang bae, samua yang bagus yang orang suka mo kase carita, deng samua yang pantas untuk orang puji. Ngoni musti pikir turus samua itu.

Kolose 1:9

Jadi, mulai dari torang dengar tentang ngoni pe percaya itu, torang tara berenti-berenti berdoa untuk ngoni. Torang minta pa Tuhan Allah, supaya Dia pe Roh Kudus buka ngoni pe pikiran deng biking ngoni lebe mangarti tentang Tuhan Allah, supaya ngoni butul-butul tau Dia pe mau.

1 Timotius 4:15

Ngana musti biking samua yang kita so tulis di sini. Ini musti jadi ngana pe tugas yang paling penting. Deng bagitu, orang bole lia ngana ada kemajuan urus jemaat.

2 Timotius 2:6

Ambe conto laeng. Kalu petani, dia musti karja karas di dia pe kobong, jadi dia yang pertama dapa kobong itu pe hasil. Bagitu me deng torang, torang karja untuk Tuhan pasti torang dapa berkat.

2 Timotius 2:8

Inga bae-bae, Yesus Kristus itu, raja Daud pe turunan, Dia mati tapi Tuhan Allah kase hidup ulang pa Dia lagi. Jadi, ini suda Kabar Bae yang kita salalu kase tau di mana-mana.

Ibrani 12:3

Jadi coba ngoni inga bae-bae apa yang Yesus Kristus so biking: Dia sabar turus waktu dapa pukul deng dapa sengsara dari orang-orang berdosa. Dia tarima samua itu, supaya ngoni pe percaya tetap kuat deng ngoni tara ilang smangat.

Ibrani 13:7

Ngoni inga pa ngoni pe pemimpin-pemimpin yang so kase tau Tuhan Allah pe firman pa ngoni. Ngoni perhatikan waktu dong masi hidup sampe dong pe ahir hidup, kong ngoni iko suda dong pe percaya pa Tuhan Allah.

Ibrani 3:1

Sudara-sudara yang so jadi Tuhan Allah pe umat, yang so dapa pangge untuk hidup sama-sama deng Dia di sorga, coba ngoni pikir bae-bae tentang Yesus Kristus yang torang so percaya. Dia itu Tuhan Allah pe Utusan deng Dia lagi Imam Basar, karna Dia biking sampe torang manusia deng Tuhan Allah pe hubungan bisa jadi bae ulang.

Ibrani 7:4

Jadi, dari carita itu torang dapa tau Melkisedek itu orang penting skali, karna biar Abraham itu torang pe orang tua dulu-dulu yang hebat, tapi Abraham kase spulu persen pa Melkisedek dari barang yang dia ambe waktu baku prang.

Yakobus 1:5

Kalu ada dari ngoni yang tara tau mana yang bae yang dia musti biking, dia musti berdoa tanya pa Tuhan Allah supaya Tuhan Allah kase tau. Barang, Tuhan pe hati bae, sapa saja yang minta pa Dia, Dia tara mara tapi pasti Dia kase.

Yakobus 3:15

Kalu ngoni pe pande cuma itu, itu bukang pande yang dari Tuhan, tapi dari dunia ini, dari manusia pe keinginan yang tara bae deng dari setang-setang pe mau.

Yakobus 3:17

Tapi orang yang dapa pande dari Tuhan, torang tau persis bagini: pertama, dia pe hati bersi, turus dia suka dame, suka baku bawa bae deng orang, dengar-dengaran, ada rasa kasiang, deng jaga biking hal-hal bae. Dia me tara barát sabla deng tara munafik.

1 Yohanes 5:20

Torang me tau Anak Allah so datang kong so biking torang mangarti la torang kanal Tuhan Allah yang Butul. Torang so hidup satu hati deng Tuhan Allah, karna torang so hidup satu hati deng Dia pe Anak Yesus Kristus. Dia itu suda Tuhan Allah yang Butul deng Dia yang biking orang bole dapa hidup deng Tuhan Allah slama-lamanya.