2 Timotius 2:18 - Perjanjian Baru Bahasa Melayu Maluku Utara

¹⁸ Dorang dua itu so tara iko ajaran yang butul. Dorang ajar kata, Tuhan Allah so kase hidup lagi orang-orang yang so mati, jadi nanti so tarada lagi orang yang mati kong hidup ulang. Dorang ajar bagitu, jadi ada babarapa orang so tara percaya lagi yang butul pa Yesus.

2 Timotius 2:18 ပူးပေါင်းရင်းမြစ်များ

Matius 15:13

Tapi Yesus bilang pa dorang bagini, “Orang-orang yang ajar ajaran yang tara iko Kita pe Bapa yang di sorga pe mau, itu bole kase sama deng samua tanaman yang Dia tara tanam kong batumbu sandiri, kong tanaman-tanaman itu akan dapa cabu sampe pa dia pe akar-akar.

Matius 22:29

Kong Yesus bilang pa dorang bagini, “Ngoni so sala skali, karna ngoni tara mangarti Kitab Suci, deng ngoni tara tau Tuhan Allah pe kuasa.

Lukas 8:13

Bibit yang jatu di tana yang babatu-batu, itu sama deng orang-orang yang dengar firman kong tarima itu deng hati sanang. Tapi firman itu dorang tara simpang bae-bae di dong pe hati, jadi tara batahang lama. Kalu dorang dapa susa deng cobaan, dorang tara percaya lagi pa Tuhan.

Kisah Para Rasul 5:39

Tapi kalu ajaran itu memang butul dari Tuhan Allah, ngoni tara mampo kase berenti pa dorang, mala dia pe ahir kabawa nanti ngoni sandiri yang baku malawang deng Tuhan Allah.” Pe dengar bagitu, anggota-anggota Mahkama Agama itu tarima samua yang Gamaliel bilang.

1 Korintus 11:19

Memang ngoni musti tapisa-pisa satu deng yang laeng, supaya jadi jelas, sapa yang butul-butul iko pa Tuhan deng sapa yang tarada.

1 Korintus 15:12

Torang kan so kase ajar pa orang-orang, Yesus Kristus mati tapi so hidup ulang. Masa ada dari ngoni yang bilang kata, orang yang so mati tara akan hidup ulang?

Kolose 3:1

Sudara-sudara yang percaya, karna Yesus Kristus so mati kong so hidup ulang, ngoni lagi sama deng so mati kong hidup ulang, kong ngoni dapa hidup deng Tuhan Allah slama-lamanya. Karna itu, taru suda ngoni pe hati deng pikiran pa apa yang ada di sorga, tampa Yesus Kristus ada, tampa yang terhormat, pa Tuhan Allah pe sabla kanan.

1 Timotius 1:19

Barang, ada babarapa orang yang so tara iko lagi yang butul yang dorang tau itu, sampe dorang so tara percaya lagi pa Tuhan.

1 Timotius 6:10

Karna orang yang gila doi, dorang itu mo biking macam-macam kajahatan. Dorang itu so tara percaya lagi Yesus pe ajaran karna dorang berusaha mo jadi kaya. Jadi dia pe ahir kabawa, dorang dapa sengsara skali yang biking sampe dong pe hati saki.

1 Timotius 6:21

Ada babarapa orang yang iko ajaran yang sesat itu, sampe dorang so tara percaya lagi pa Yesus. Kita minta pa Tuhan Allah la Dia kase Dia pe bae pa ngoni.

2 Timotius 2:14

Timotius, kase inga pa orang-orang percaya apa yang kita so bilang pa ngana. Bilang pa dorang sunggu-sunggu pa Tuhan Allah pe muka, dorang tara bole baku malawang tentang kata-kata pe arti, karna tarada guna, deng cuma mo biking kaco pa orang-orang yang dengar.

Titus 1:11

Orang-orang yang bagitu, ngana musti larang pa dorang supaya jang dong ajar lagi ajaran yang tara butul itu. Barang, dorang so biking kaco banya keluarga deng dong pe ajaran itu. Padahal dorang itu mangajar cuma karna mau dapa doi.

Ibrani 3:10

Jadi itu yang biking Kita mara skali pa dorang. Kong Kita bilang bagini, ‘Dorang pe hati cuma mau iko apa yang tara butul, deng dorang tara mau tau apa yang Kita suru.’

Yakobus 5:19

Sudara-sudara, kalu ada dari ngoni yang dulu percaya pa Tuhan tapi so tara iko lagi Tuhan pe ajaran, lebe bae ada orang yang bantu pa dia supaya dia bale ulang pa Tuhan.

1 Yohanes 2:19

Dorang yang musu pa Yesus Kristus itu, dulu dorang satu jemaat deng torang. Tapi dorang so kaluar dari torang. Kalu dorang butul iko Tuhan sama deng torang, dorang tara kase tinggal pa torang. Tapi biar bagitu suda, supaya torang tau, dorang itu tara sama deng torang yang iko pa Tuhan.