2 Timotius 1:7 - Perjanjian Baru Bahasa Melayu Maluku Utara

⁷ Karna Tuhan Allah kase Dia pe Roh Kudus pa torang. Roh Kudus itu tara biking torang panako tapi biking torang pe hati kuat untuk iko Tuhan pe mau, untuk sayang orang, deng untuk kuasai torang pe diri.

2 Timotius 1:7 ပူးပေါင်းရင်းမြစ်များ

Lukas 10:19

Inga bae-bae yang Kita bilang pa ngoni. Kuasa yang Kita so kase pa ngoni itu basar, sampe ngoni me bisa injang ular bisa deng kalajengking, deng supaya ngoni bole kase kala ngoni pe musu, itu Iblis, setang-setang pe raja. Deng kuasa itu, tara ada yang bisa kase cilaka pa ngoni.

Lukas 15:17

Lama-lama dia sadar deng dia pe keadaan, kong dia bilang bagini, ‘Kita pe papa pe orang karja di ruma dong pe makanang talebe-lebe, tapi kita di sini amper mati lapar.

Lukas 24:49

Turus Kita sandiri yang mo kase turung Roh Kudus pa ngoni, yang Kita pe Bapa so janji dari dulu. Tapi ngoni musti tinggal di kota ini dulu, sampe kuasa yang dari Tuhan Allah itu turung kuasai pa ngoni.”

Lukas 8:35

Abis itu, orang-orang dari kota deng kampong-kampong di dekat situ datang untuk lia apa yang jadi. Dorang datang pa Yesus kong lia orang yang kemasukan so dudu di dekat Yesus pe kaki, dia so bae kong dia so pake baju. Pe lia itu, dorang jadi tako.

Yohanes 14:27

Skarang Kita mo pigi, tapi hati tenang yang ada pa Kita, Kita mo kase itu pa ngoni. Hati tenang yang Kita kase itu, dunia tara bisa mo kase pa ngoni. Jang ngoni hawater deng tako.

Kisah Para Rasul 1:8

Tapi nanti Roh Kudus mo turung pa ngoni, baru ngoni mo dapa kuasa. Kong deng kuasa itu, ngoni mo jadi Kita pe saksi la pigi kase tau tentang Kita pa orang-orang di kota Yerusalem, di daera Yudea, daera Samaria, sampe di tampa-tampa yang jao skali di dunia ini.”

Kisah Para Rasul 10:38

Tuhan Allah pili pa Yesus dari Nazaret kong kase Dia pe Roh Kudus deng kase Dia pe kuasa. Abis itu, Yesus bajalang bakuliling kong biking banya barang yang bae, deng kase sembu pa orang-orang yang Iblis kuasai, barang Tuhan Allah ada sama-sama deng Dia.

Kisah Para Rasul 20:24

Biar bagitu, kita tara peduli deng kita pe hidup, tapi yang penting kita bisa kase selesai tugas yang Tuhan Yesus suru kita biking. Kita pe tugas itu, kita musti kase tau Kabar Bae tentang Tuhan Allah pe bae pa torang manusia.

Kisah Para Rasul 21:13

Tapi Paulus bilang pa torang, “Bikiapa kong ngoni manangis? Ngoni bagini biking kita pe hati tamba barát. Kita siap pigi di Yerusalem biar apa saja yang mo jadi pa kita di situ. Kita so siap, bukang cuma mo dapa ika saja, tapi kita me so siap mati karna kase tau tentang Tuhan Yesus.”

Kisah Para Rasul 26:11

Banya kali kita cari pa dorang di ruma-ruma ibada agama Yahudi. Kita siksa deng paksa pa dorang supaya dorang manyangkal pa Yesus. Kita tara suka skali deng ajaran itu, jadi kita salalu cari pa orang-orang yang percaya pa Yesus itu, sampe di kota-kota di luar torang orang Yahudi pe daera.”

Kisah Para Rasul 26:25

Tapi Paulus bilang, “Bapa gubernur Festus yang kita hormati. Kita tara gila! Kita masi waras! Samua yang kita bilang itu butul deng maso akal.

Kisah Para Rasul 6:8

Tuhan Allah kase Dia pe bae deng Dia pe kuasa pa Stefanus, sampe Stefanus biking mujizat-mujizat deng tanda-tanda yang kase tunju Tuhan Allah pe kuasa di banya orang pe muka.

Kisah Para Rasul 9:22

Tapi biar dorang bilang bagitu me, Saulus pe pengaru lebe tamba basar. Dia kase bukti pake Kitab Suci, Yesus itu butul-butul Mesias, Raja yang Tuhan Allah janji mo kase slamat pa manusia. Kong orang-orang Yahudi langsung tabadiam karna tara mampo malawang pa Saulus.

Roma 5:5

Kong karna torang so baharap deng yakin pa Tuhan Allah, torang tau, torang tara akan kecewa karna Tuhan Allah akan kase samua yang Dia janji. Torang so tau itu butul karna Tuhan Allah so kase Roh Kudus yang bakarja di torang pe hati sampe torang bole rasa Dia pe sayang yang basar.

Roma 8:15

Torang tau, tong itu Tuhan Allah pe ana-ana, karna Tuhan Allah pe Roh yang Dia so kase pa torang itu, tara biking torang tako sama deng orang karja yang tako dia pe tuang. Tapi Tuhan Allah pe Roh itu so biking torang jadi Tuhan Allah pe ana-ana, sampe torang me bole pangge pa Dia itu, “Papa e, ya Bapa!”

1 Korintus 2:4

Waktu kita babicara pa ngoni, kita tara pake manusia pe pande untuk kase yakin pa ngoni apa yang kita bilang. Tapi waktu itu, Roh Kudus pe kuasa yang kase yakin pa ngoni sampe ngoni tau yang kita bilang itu, butul.

Galatia 5:22

Tapi orang yang Roh Kudus kuasai itu dapa lia dari dorang pe hidup macam bagini: pangsayang, hati sanang, hati tenang, pangsabar, pangbae, biking barang yang bae, setia,

Kolose 1:8

Epafras itu lagi yang kase carita pa torang, ngoni samua salalu baku sayang karna Roh Kudus ada di ngoni pe hati.

Ibrani 2:15

Deng karna Yesus kase kala Iblis pe kuasa yang biking orang mati slama-lamanya itu, Dia kase ilang torang manusia pe rasa tako mati yang kuasai torang pe hidup ini. Barang, selama manusia hidup, manusia rasa tako mati, macam deng orang karja yang tako pa dia pe tuang.

1 Petrus 1:22

Jadi karna ngoni so iko ajaran yang butul tentang Yesus Kristus, ngoni pe hati so jadi bersi. Deng bagitu, ngoni bisa baku sayang deng hati yang tulus di antara ngoni sudara-sudara yang sama-sama percaya. Karna itu, ngoni musti sunggu-sunggu baku sayang satu deng yang laeng deng hati yang tulus,

1 Yohanes 4:18

Kalu Tuhan Allah pe sayang ada di torang pe hati, torang tara ada rasa tako. Barang, Tuhan Allah biking torang bole baku sayang iko Dia pe mau, kong itu yang biking torang pe rasa tako jadi ilang. Kalu orang rasa tako, itu karna dia tau dia pe diri masi ada sala deng mo dapa hukuman dari Tuhan Allah. Jadi orang yang bagitu, dia bolong sayang iko Tuhan Allah pe mau.