2 Timotius 1:4 - Perjanjian Baru Bahasa Melayu Maluku Utara

⁴ Kita inga tempo hari ngana manangis waktu torang dua mo baku pisa, jadi kita ingin skali mo baku dapa lagi deng ngana supaya kita pe hati jadi sanang.

2 Timotius 1:4 ပူးပေါင်းရင်းမြစ်များ

Yohanes 16:22

Bagitu lagi deng ngoni. Skarang ini ngoni pe hati sedi, tapi nanti torang mo baku dapa ulang. Di situ, ngoni pe hati mo sanang skali kong tara ada orang biar cuma satu yang bole rampas ngoni pe sanang itu.

Yohanes 16:24

Dari dulu sampe skarang ngoni bolong minta apa-apa pa Kita pe Bapa pake Kita pe nama. Minta suda apa yang ngoni perlu kong ngoni akan dapa itu, supaya ngoni pe hati mo jadi sanang skali.

Kisah Para Rasul 20:19

Ngoni tau, kita bakarja untuk Tuhan deng hati yang tara sombong, mala banya kali kita karja deng mamanangis. Kita me dapa banya cobaan dari orang-orang Yahudi yang baku skongkol mo bunu pa kita.

Kisah Para Rasul 20:31

Jadi, ngoni musti jaga bae-bae, deng jang lupa, selama tiga taong, siang deng malam kita tara berenti-berenti kase nasehat pa ngoni, sampe kita pe aer mata me malele.

Roma 1:11

Barang, kita ingin skali baku dapa deng ngoni untuk kase ajar pa ngoni apa yang Roh Kudus ada ajar pa kita, supaya ngoni pe percaya lebe tamba kuat.

Filipi 1:8

Tuhan Allah suda yang jadi kita pe saksi, kita ini paling rindu skali mo baku dapa deng ngoni, karna kita sayang pa ngoni sama deng Kristus Yesus sayang pa ngoni.

Filipi 2:26

Kita kirim dia pa ngoni, barang dia itu so inga skali pa ngoni samua di situ, kong dia lagi pe hati susa skali, karna ngoni so dengar kabar, dia ada saki.

1 Tesalonika 2:17

Sudara-sudara, torang terpaksa baku pisa deng ngoni sementara waktu. Tapi biar torang jao dari ngoni, torang salalu inga pa ngoni. Torang rindu skali pa ngoni kong torang berusaha la mo baku dapa ulang deng ngoni.

2 Timotius 4:21

Ngana berusaha datang kamari sebelum musim dingin. Ebulus, Pudes, Linus, Klaudia, deng samua orang percaya laeng di sini, kirim salam pa ngana.

2 Timotius 4:9

Timotius! Ngana berusaha capat-capat datang pa kita.

1 Yohanes 1:4

Samua ini torang tulis untuk ngoni supaya torang samua pe hati tatamba sanang.

Wahyu 21:4

Dia akan hapus dorang samua pe aer mata. So tarada lagi yang mo mati, so tarada lagi yang mo rasa sedi atau manangis, deng so tarada lagi yang mo rasa saki. Barang, samua yang lama itu so tarada.”

Wahyu 7:17

Karna Anak Domba yang ada di tenga-tenga kursi raja pe muka itu, Dia mo jadi dorang pe Gembala. Dia mo bawa pa dorang minum di mata aer yang biking dorang hidup, kong Tuhan Allah mo hapus dorang samua pe aer mata.”