2 Timotius 1:16 - Perjanjian Baru Bahasa Melayu Maluku Utara

¹⁶ Tapi cuma Onesiforus yang tara bagitu. Kita minta Tuhan kase tunju Dia pe rasa kasiang pa Onesiforus pe keluarga. Barang, dia banya kali hibur pa kita, dia lagi tara malu jaga datang pa kita, biar kita ada di penjara.

2 Timotius 1:16 ပူးပေါင်းရင်းမြစ်များ

Matius 25:17

Bagitu lagi deng orang karja yang tarima doi mas dua tas. Dia kase putar doi itu, kong dia dapa untung doi mas dua tas lagi.

Matius 5:7

Paling sanang suda orang-orang yang kase tunju dorang pe rasa kasiang pa orang laeng, karna Tuhan Allah akan kase tunju Dia pe rasa kasiang pa dorang.

Kisah Para Rasul 21:33

Turus, komandan batalion tangka pa Paulus kong suru ika pa dia deng rante dua. Abis itu, dia tanya-tanya pa dorang, Paulus itu sapa deng dia ada biking sala apa.

Kisah Para Rasul 28:20

Karna itu, kita minta mo baku dapa deng bapa-bapa di sini la kita kase tau, samua yang dorang kase sala pa kita itu tara butul. Kita dapa ika bagini, barang kita percaya deng yakin pa Mesias, Raja yang Tuhan Allah janji mo kase slamat pa torang orang Israel.”

1 Korintus 16:18

Barang, dorang itu kase kuat kita pe hati, sama deng dorang me kase kuat ngoni pe hati, jadi ngoni musti hormati orang-orang yang sama deng dorang itu.

Efesus 6:20

Kita ini Yesus Kristus pe utusan yang kase tau Kabar Bae itu. Kong karna kita kase tau Kabar Bae itu, kita dapa kase maso di penjara ini. Ngoni kase berdoa supaya kita bole barani kase tau Kabar Bae itu, sama deng yang musti kita bilang.

2 Timotius 1:12

Kong karna kita kase tau Kabar Bae itu, kita dapa siksa dari orang-orang yang tara suka Kabar Bae itu sampe dong kase maso pa kita di penjara. Tapi biar bagitu me, kita tara malu, karna kita tau butul Tuhan yang kita percaya itu, deng kita yakin Dia pe kuasa ada pa kita turus untuk jaga tugas yang Dia so kase percaya pa kita sampe Dia datang ulang yang kedua kali.

2 Timotius 1:17

Waktu Onesiforus datang di Roma, dia berusaha cari pa kita sampe dia baku dapa deng kita.

2 Timotius 1:18

Ngana tau butul, tempo hari dia so banya kali bantu pa kita di kota Efesus. Jadi, nanti waktu hari Kiamat, hari yang Tuhan adili pa orang-orang, kita minta supaya Tuhan kase tunju Dia pe rasa kasiang pa Onesiforus.

2 Timotius 1:8

Jadi jang ngana malu kase tau tentang torang pe Tuhan. Ngana me jang malu mangaku kita ini ngana pe tamang, biar skarang kita di penjara. Kita ada di penjara karna kita iko pa Tuhan. Ngana me musti siap-siap tarima siksa, karna ngana salalu kase tau Kabar Bae tentang Yesus Kristus pa orang-orang, sama deng kita. Kalu ngana dapa siksa, Tuhan Allah pasti kase kuat ngana pe hati.

2 Timotius 4:19

Timotius, kase tau kita pe salam pa Onesiforus pe keluarga, deng kase tau lagi kita pe salam pa Priskila deng Akwila.

Filemon 1:20

Jadi, kita pe sudara Filemon, kita minta pa ngana yang percaya pa Tuhan supaya ngana tarima suda pa Onesimus. Torang dua ini so sama-sama percaya Kristus Yesus, kong kalu ngana tarima pa Onesimus, kita pe hati pasti sanang.

Filemon 1:7

Filemon, kita pe sudara, ngana pe sayang pa orang-orang yang so jadi Tuhan Allah pe umat, itu yang biking kita sanang skali. Kong itu biking kita pe hati jadi lebe kuat, karna ngana so biking dorang pe hati jadi sanang ulang.

Ibrani 10:34

Ngoni memang rasa kasiang kong so bantu pa orang-orang yang maso penjara karna percaya pa Yesus Kristus. Kong waktu orang rampas ngoni pe harta, ngoni tarima deng hati sanang saja, barang ngoni tau, nanti ngoni akan dapa harta dari Tuhan di sorga yang lebe bagus, kong harta itu akan tetap ada sampe slama-lamanya.

Ibrani 6:10

Barang, Tuhan Allah itu adil, jadi Dia tetap inga ngoni pe bae yang ngoni so biking untuk Dia, deng ngoni pe sayang yang ngoni so kase tunju pa orang-orang yang so jadi Tuhan Allah pe umat, yang ngoni layani dari dulu sampe skarang.