2 Timotius 1:1 - Perjanjian Baru Bahasa Melayu Maluku Utara

¹ Timotius, salam dari kita Paulus. Kita ini Kristus Yesus pe utusan yang orang sebut rasul. Kita jadi rasul, itu karna Tuhan Allah pe mau. Tuhan Allah pili pa kita untuk kase tau pa orang-orang Tuhan Allah pe janji. Tuhan Allah janji, kalu orang percaya pa Kristus Yesus, orang itu mo dapa hidup deng Dia slama-lamanya.

2 Timotius 1:1 ပူးပေါင်းရင်းမြစ်များ

Yohanes 10:28

Kong Kita mo biking dorang hidup deng Tuhan Allah slama-lamanya deng dong pasti tara akan mati sampe slama-lamanya. Deng tarada satu orang yang bisa rampas pa dorang dari Kita pe tangan.

Yohanes 17:3

Kong hidup deng Bapa slama-lamanya itu, pe maksut bagini: dorang so kanal Bapa itu Tuhan Allah yang butul, tara ada yang laeng, deng dorang so kanal Yesus Kristus itu yang Bapa utus untuk datang di dunia ini.

Yohanes 5:24

Inga bae-bae yang Kita bilang ini. Sapa saja yang dengar apa yang Kita bilang deng percaya pa Tuhan Allah yang utus pa Kita, dia itu akan dapa hidup deng Tuhan Allah slama-lamanya. Dia so tara dapa hukuman tapisa deng Tuhan Allah tapi dia so talapas dari hukuman itu, kong so dapa hidup deng Tuhan Allah slama-lamanya.

Yohanes 6:40

Barang, ini yang Kita pe Bapa mau: Dia mau supaya tiap orang yang lia pa Dia pe Anak kong percaya pa Anak itu, dorang itu mo dapa hidup deng Tuhan Allah slama-lamanya, deng nanti di hari kiamat, Kita mo kase hidup ulang pa dorang.”

Yohanes 6:54

Sapa saja yang makang Kita pe badan deng minum Kita pe dara, dia mo dapa hidup deng Tuhan Allah slama-lamanya, kong Kita mo kase hidup ulang pa dia di hari kiamat.

Roma 1:1

Sudara-sudara yang percaya di kota Roma. Salam dari kita Paulus. Kita ini orang yang jaga biking apa yang Kristus Yesus suru. Dia pili pa kita jadi Dia pe utusan yang orang jaga sebut rasul, deng Dia me kase tugas kusus pa kita untuk kase tau Kabar Bae dari Tuhan Allah pa orang-orang.

Roma 5:21

Dulu, dosa kuasai pa samua orang, jadi torang musti mati kong tapisa deng Tuhan Allah slama-lamanya. Tapi skarang, karna apa yang Yesus Kristus torang pe Tuhan so biking, Tuhan Allah kase Dia pe bae pa torang, Dia biking torang jadi orang yang tara sala pa Dia pe muka. Turus, karna Tuhan Allah pe bae itu, samua orang bole hidup deng Dia slama-lamanya.

Roma 6:23

Karna orang yang jaga biking dosa, dia pe akibat dia mo mati kong tapisa deng Tuhan Allah slama-lamanya. Tapi Tuhan Allah kase deng cuma-cuma hidup deng Dia slama-lamanya karna torang so satu hati deng Kristus Yesus, torang pe Tuhan.

1 Korintus 1:1

Salam dari kita Paulus, Kristus Yesus pe utusan yang orang sebut rasul. Kita jadi rasul, itu karna Tuhan Allah pili pa kita iko Dia pe mau. Surat ini lagi dari Sostenes, torang pe sudara yang percaya.

2 Korintus 1:1

Sudara-sudara Tuhan Allah pe jemaat yang ada di kota Korintus, deng ngoni samua orang yang so jadi Tuhan Allah pe umat yang ada di seluru daera Akhaya. Salam dari kita Paulus, deng dari Timotius, torang pe sudara yang percaya. Kita ini Kristus Yesus pe utusan yang orang sebut rasul. Kita jadi rasul, itu karna Tuhan Allah pe mau.

2 Korintus 1:20

Torang tau itu butul, barang samua yang Tuhan Allah janji pa Dia pe umat, Dia so biking waktu Yesus Kristus datang untuk kase slamat pa torang. Karna itu torang bilang, “Amin, memang butul”. Kong karna Yesus itu butul, mari torang puji deng hormat pa Tuhan Allah.

Galatia 3:26

Jadi sudara-sudara, ngoni so jadi Tuhan Allah pe ana-ana karna ngoni so percaya pa Yesus Kristus.

Galatia 3:28

Karna itu, samua orang yang so percaya pa Yesus Kristus so tarada beda pa Tuhan Allah pe muka. Biar ngoni itu orang Yahudi atau orang bukang Yahudi, biar ngoni orang karja yang tara bebas atau orang bebas, deng biar ngoni itu laki-laki atau parampuang, Tuhan Allah lia ngoni samua itu sama, karna ngoni itu orang-orang yang so sama-sama percaya pa Kristus Yesus.

Efesus 3:6

Tuhan Allah pe rencana itu bagini: ngoni orang-orang yang bukang Yahudi akan percaya Kabar Bae tentang Yesus Kristus, jadi ngoni me bole sama-sama deng orang-orang Yahudi jadi Dia pe ana-ana yang tarima samua yang Tuhan Allah so janji. Ngoni orang bukang Yahudi deng torang orang Yahudi so jadi satu sama deng jadi satu badan. Kong torang samua itu mo dapa yang Tuhan Allah janji pa torang yang so percaya pa Kristus Yesus.

1 Timotius 6:19

Kalu dorang biking bagitu, itu sama deng dorang so kumpul harta yang paling bagus di sorga la jadi dasar untuk dorang pe hidup nanti deng Tuhan Allah slama-lamanya. Itu suda hidup yang sebenarnya.

2 Timotius 1:10

Kong skarang Tuhan Allah so kase Dia pe bae itu pa torang. Yesus Kristus so datang deng kase slamat pa torang dari tong pe dosa, kong kase ancor kuasa yang biking sampe orang bisa mati slama-lamanya. Jadi sapa yang percaya Kabar Bae tentang Yesus Kristus, dia hidup deng Tuhan Allah sampe slama-lamanya.

2 Timotius 1:13

Jadi Timotius, iko saja ajaran yang ngana so dengar dari kita. Ajaran itu butul deng bisa jadi conto la ngana kase ajar pa orang laeng. Ngana musti percaya turus pa Yesus deng sayang pa samua orang, itu yang jadi bukti ngana jadi satu deng Kristus Yesus.

2 Timotius 1:9

Tuhan Allah yang so kase slamat pa torang dari dosa-dosa deng Dia pangge pa torang untuk jadi Dia pe umat sandiri la hidup deng hati bersi. Dia biking samua itu bukang karna torang ada biking yang bae, tapi karna Tuhan Allah pe mau deng karna Dia pe hati bae pa manusia. Memang, dari dulu waktu Tuhan Allah bolong biking dunia ini, Dia so sayang pa torang, jadi Tuhan Allah biking rencana Kristus Yesus datang di dunia.

2 Timotius 2:1

Timotius, ngana so sama deng kita pe ana sandiri! Kristus Yesus so kase Dia pe bae pa ngana, jadi pake itu untuk kase kuat ngana pe hati karna ngana so percaya pa Dia.

2 Timotius 2:10

Karna itu, kita sabar tanggung siksa itu samua deng tetap kase tau Kabar Bae tentang Yesus Kristus, supaya orang yang Tuhan Allah so pili mo jadi Dia pe umat bole percaya pa Kristus Yesus. Deng bagitu, dong bole dapa slamat deng dapa puji deng hormat sama-sama deng Tuhan Allah slama-lamanya.

2 Timotius 2:3

Kalu ngana biking ngana pe tugas kong menderita, ngana musti batahang. Ngana iko pa Kristus Yesus turus, sama deng tentara yang setia pa dia pe komandan.

2 Timotius 3:15

Waktu ngana masi kacil, ngana so tau Kitab Suci. Kitab Suci itu yang biking ngana jadi tau Tuhan pe jalang yang butul sampe ngana bole percaya pa Kristus Yesus kong Dia bole kase slamat pa ngana.

Titus 1:2

Kita ajar pa orang-orang yang percaya itu, supaya dorang bole baharap deng yakin, dorang bole dapa hidup deng Tuhan Allah slama-lamanya, sama deng Tuhan Allah so janji. Karna waktu Tuhan Allah bolong biking dunia ini, Dia so janji kamuka, Dia mo kase hidup slama-lamanya pa orang-orang yang percaya pa Dia. Dia pe janji itu pasti jadi, karna Tuhan Allah tara perna bafoya.

Titus 1:4

Titus, torang dua sama-sama percaya pa Yesus Kristus, jadi kita anggap ngana so sama deng kita pe ana sandiri. Kita minta pa Tuhan Allah, torang pe Bapa, deng pa Kristus Yesus yang kase slamat pa manusia, supaya kase yang bae pa ngana, deng salalu biking ngana pe hati tetap tenang.

Ibrani 9:15

Kong deng samua yang Yesus Kristus biking itu, Dia jadi sama deng jambatan untuk biking janji yang baru antara Tuhan Allah deng manusia. Deng Yesus Kristus mati untuk kase slamat itu, samua orang yang Tuhan Allah pangge iko pa Dia mo tarima apa yang Dia janji. Janji itu hidup deng Tuhan Allah slama-lamanya. Barang, Yesus Kristus mati untuk tebus manusia pe dosa-dosa yang dong biking waktu masi iko janji yang lama.

1 Yohanes 2:25

Kong Anak itu pe janji pa torang bagini: torang mo hidup deng Tuhan Allah slama-lamanya.