2 Petrus 3:4 - Perjanjian Baru Bahasa Melayu Maluku Utara

⁴ Dorang bilang bagini, “Yesus ada janji Dia mo datang ulang, tapi skarang mana Dia? Karna dari dulu, dari tong pe orang tua dulu-dulu mati sampe skarang, tarada yang beruba. Mulai dari dunia ini ada sampe skarang, samua tetap sama.”

2 Petrus 3:4 ပူးပေါင်းရင်းမြစ်များ

Matius 16:27

Barang, Anak Manusia yang dari sorga mo datang ulang di dunia ini, sama-sama deng Bapa pe malaekat-malaekat deng Dia pe kuasa yang luar biasa. Kong waktu itu, Anak Manusia mo balas pa tiap orang iko deng apa yang dorang so biking.

Matius 16:28

Dengar bae-bae yang Kita bilang pa ngoni. Dari antara ngoni yang ada di sini, ada yang tara akan mati sebelum dorang lia Anak Manusia datang Berkuasa sebagai Raja.”

Matius 24:28

Umpama ada binatang mati di satu tampa, samua orang jadi tau karna nanti burung-burung bakumpul makang bangke di situ.”

Matius 24:48

Tapi kalu orang karja itu jahat, dia akan babilang di dia pe dalam hati bagini,

Markus 10:6

Mulai dari pertama Tuhan Allah cipta dunia ini, Dia biking laki-laki deng parampuang.

Markus 13:19

Barang, hari-hari itu sengsara skali, lebe sengsara dari samua yang orang perna rasa. Mulai dari pertama Tuhan Allah biking dunia ini sampe skarang, so tara ada sengsara yang mo jadi sama deng itu, deng itu so tara akan jadi lagi.

Lukas 12:45

Tapi kalu orang karja itu jahat, dia akan babilang di dia pe dalam hati bagini, ‘Kita pe tuang masi lama baru pulang.’ Kong dia mulai pukul pa orang-orang karja laki-laki deng parampuang, turus dia makang deng minum sampe mabo.

Kisah Para Rasul 7:60

Turus, dia berlutut kong babilang pa Tuhan deng suara yang kuat bagini, “Tuhan, jang hukum pa dorang, gara-gara dorang biking dosa ini!” Abis bilang bagitu, langsung Stefanus putus napas.

1 Tesalonika 2:19

Torang mau skali pigi pa ngoni, karna ngoni suda yang dengar Kabar Bae dari torang, sampe ngoni so percaya pa Yesus butul-butul. Ngoni pe percaya itu yang biking sampe torang pe hati sanang deng biking sampe torang bole baharap deng yakin, nanti waktu torang pe Tuhan Yesus datang ulang, torang bole angka muka karna ngoni pe percaya pa Tuhan.

2 Petrus 3:12

sementara torang tunggu Yesus Kristus mo datang ulang di hari kiamat yang Tuhan Allah so tentukan, deng lagi biking apa yang mau supaya Yesus Kristus mo datang capat. Di hari itu, api akan bakar kase ancor langit, kong matahari, bulan deng bintang mo malele karna panas.

Wahyu 3:14

Anak Manusia yang dari sorga bilang lagi pa kita, “Yohanes, tulis suda untuk malaekat yang jaga pa jemaat di kota Laodikia. Ngana tulis bagini: Ini pasáng dari yang pe nama Amin, yang pe arti, Yang Butul, deng yang setia kase tau samua tentang Tuhan Allah, deng samua yang Dia bilang itu butul. Kong Tuhan Allah pake pa Dia untuk biking samua-samua yang ada di dunia ini: