2 Petrus 2:6 - Perjanjian Baru Bahasa Melayu Maluku Utara

⁶ Bagitu lagi deng orang-orang di kota Sodom deng kota Gomora dulu yang tara dengar-dengaran pa Tuhan Allah, Tuhan Allah hukum pa dorang pake api sampe dong pe kota samua angus tabakar. Tuhan Allah biking bagitu la orang tau, orang-orang yang tara iko Tuhan Allah pe mau akan dapa hukuman.

2 Petrus 2:6 ပူးပေါင်းရင်းမြစ်များ

Matius 10:15

Inga bae-bae e, nanti di hari kiamat, waktu Tuhan mo adili pa samua orang, orang yang tara tarima pa ngoni itu akan dapa hukuman yang paling barát, lebe barát dari hukuman yang orang dari kota Sodom deng kota Gomora perna dapa.”

Matius 11:23

Kong ngoni orang-orang Kapernaum, ngoni kira Tuhan Allah mo angka pa ngoni di sorga? Tarada. Mala, Dia mo buang pa ngoni di neraka, karna ngoni so lia-lia Kita biking mujizat-mujizat tapi ngoni tetap tara mau bertobat. Padahal kalu jaman dulu mujizat-mujizat itu Kita biking di kota Sodom, pasti kota itu masi ada sampe skarang.

Roma 9:29

Kong ini lagi yang nabi Yesaya bilang tentang orang Yahudi dulu, “Torang itu untung karna Tuhan Yang Paling Berkuasa itu masi sayang pa torang, kong kase biar babarapa orang dari torang pe turunan itu bisa hidup. Kalu tarada, torang samua so abis dapa hukum, sama deng yang so jadi pa orang-orang di kota Sodom deng kota Gomora.”

1 Korintus 10:11

Samua cilaka yang dorang dapa itu ada, supaya torang jang iko dorang pe conto, kong itu ada tulis di Kitab Suci untuk kase inga pa torang yang hidup di jaman skarang ini yang so dekat deng hari kiamat.

Ibrani 4:11

Jadi, mari suda torang berusaha supaya torang bole baistrahat sama-sama deng Tuhan Allah. Jang sampe ada satu dari torang yang tara dapa baistrahat itu karna dia iko torang pe orang tua dulu-dulu pe sifat yang tara dengar-dengaran pa Tuhan Allah.

Yudas 1:15

Dia datang untuk adili pa samua orang, deng Dia lagi mo hukum pa orang-orang yang tara semba pa Tuhan Allah karna samua dong pe kalakuang yang tara iko Tuhan Allah pe mau deng samua dong pe kata-kata kasar tentang Tuhan.”

Yudas 1:7

Bagitu lagi yang jadi di kota Sodom deng Gomora, deng kota-kota laeng yang baku dekat deng dua kota itu. Orang-orang di kota-kota itu jaga baseks sabarang, deng baseks iko napsu yang tara pantas dorang biking. Karna itu, dorang dapa hukuman di api yang tara mati-mati, kong itu jadi conto untuk kase inga pa samua orang, orang jahat pasti mo dapa hukum dari Tuhan.