2 Petrus 2:2 - Perjanjian Baru Bahasa Melayu Maluku Utara

² Biar bagitu me, banya orang akan iko guru-guru palsu itu deng dong pe napsu yang tara bae. Jadi, karna guru-guru palsu itu, banya orang akan hina-hina Tuhan pe ajaran yang butul.

2 Petrus 2:2 ပူးပေါင်းရင်းမြစ်များ

Matius 22:16

Jadi dorang suru pa dong pe murit-murit deng babarapa orang yang jaga iko pa raja Herodes pigi ka sana supaya bilang bagini, “Guru, torang tau, Guru ini jujur. Guru jaga kase ajar pa orang-orang yang butul tentang bagimana hidup iko Tuhan Allah pe mau. Kong Guru tara tako pa sapa-sapa, karna Guru tara cari muka.

Matius 24:24

Karna nanti ada banya orang datang bilang kata, dorang Mesias, atau bilang kata, dorang nabi yang kase turus Tuhan Allah pe pasáng. Deng dorang me biking mujizat-mujizat deng tanda-tanda yang kase tunju dong pe kuasa yang hebat, supaya orang percaya pa dorang kong jang percaya pa Tuhan yang butul lagi. Deng kalu bisa, dorang me mo biking sesat pa orang-orang yang Tuhan Allah so pili.

Matius 7:14

Tapi, kalu ngoni maso iko pintu yang sempit, ngoni mo dapa hidup deng Tuhan Allah slama-lamanya, dia pe jalang memang sengsara, deng cuma sadiki orang yang iko di situ.”

Markus 12:14

Dorang datang pa Yesus kong bilang bagini, “Guru, torang tau guru orang jujur, deng guru tara cari muka. Guru mangajar yang butul tentang bagimana hidup iko Tuhan Allah pe mau, barang guru tara tako pa sapa-sapa. Jadi skarang torang mo tanya, kalu mo iko tong pe aturan agama, bole ka tarada torang bayar pajak pa raja basar Roma? Torang musti bayar pajak itu ka tarada?”

Markus 13:22

Karna nanti ada banya orang datang bilang kata, dorang Mesias, atau bilang kata, dorang nabi yang kase turus Tuhan Allah pe pasáng. Deng dorang me biking mujizat-mujizat deng tanda-tanda yang kase tunju dong pe kuasa supaya orang percaya pa dorang kong jang percaya pa Tuhan yang butul lagi. Deng kalu bisa, dorang me mo biking sesat pa orang-orang yang Tuhan Allah so pili.

Yohanes 14:6

Kong Yesus bilang pa dia, “Kita ini jalang yang mo pigi pa Tuhan Allah, deng Kita ini yang kase tau yang butul tentang Tuhan Allah, deng Kita lagi yang kase hidup deng Tuhan Allah slama-lamanya. Jadi, tara ada satu orang yang bole pigi pa Tuhan Allah kalu tara iko pa Kita.

Kisah Para Rasul 13:10

kong bilang, “Woe Iblis pe ana! Ngana memang tukang foya deng jahat. Ngana tukang malawang samua yang butul. Tuhan Allah pe rencana mo kase slamat pa manusia, tapi ngana salalu berusaha kase putar rencana itu.

Kisah Para Rasul 14:2

Tapi, ada babarapa orang Yahudi yang tara tarima Paulus deng Barnabas pe ajaran. Turus dorang mulai pengaru pa orang-orang yang bukang Yahudi, la dorang malawang pa orang-orang yang so percaya itu.

Kisah Para Rasul 16:17

Dia iko pa Paulus deng torang dari balakang kong dia kase tau deng babataria, “Dorang ini orang-orang yang jaga biking apa yang Tuhan Allah yang Paling Tinggi itu suru. Dorang jaga kase tau bagimana supaya orang-orang bisa dapa slamat.”

Kisah Para Rasul 18:26

Apolos mulai mangajar deng barani di ruma ibada agama Yahudi. Satu kali, Priskila deng Akwila ada dengar waktu Apolos mangajar, kong abis itu dorang sigaro pa dia pigi pa dong pe ruma. Di situ, dorang kase tau lebe jelas pa dia tentang bagimana hidup iko ajaran tentang Tuhan Yesus.

Kisah Para Rasul 19:9

Tapi ada babarapa orang yang tetap tara tarima yang Paulus ajar pa dorang, barang dorang pe hati karas. Karna itu, dorang mulai bicara tara bae tentang Yesus pe ajaran di orang banya pe muka. Jadi Paulus kase tinggal pa dorang, kong dia deng orang-orang yang percaya itu kaluar dari ruma ibada agama Yahudi, kong pigi di satu gedung yang biasa orang-orang pande pake untuk mangajar. Gedung itu, dia pe nama Tiranus. Di situ, Paulus mangajar kong badiskusi deng orang-orang yang datang di situ.

Kisah Para Rasul 22:4

Kong dulu itu, waktu kita dapa tau ada orang-orang yang iko ajaran tentang Yesus, kita siksa pa dorang sampe ada yang mati. Laki-laki deng parampuang kita tangka kong kase maso di penjara.

Kisah Para Rasul 24:14

Tapi biar bagitu me, kita mo bilang satu barang pa bapa. Kita jaga semba pa Tuhan Allah yang torang orang Yahudi pe orang tua dulu-dulu jaga semba. Kita semba pa Tuhan Allah itu iko ajaran yang Tuhan Yesus kase ajar, yang orang Yahudi laeng jaga bilang itu aliran yang tara butul. Padahal, sama deng dorang, kita percaya samua yang ada tatulis di lima kitab Musa deng di kitab yang nabi-nabi laeng tulis.

Roma 2:24

Itu sama deng yang so tatulis di Kitab Suci bagini, “Gara-gara ngoni orang-orang Yahudi pe kajahatan sampe orang-orang bukang Yahudi kase tara bae Tuhan Allah pe nama.”

1 Timotius 5:14

Karna itu, kita bilang, janda-janda yang masi muda lebe bae dorang kawing lagi, supaya dorang bole dapa ana, kong urus dong pe ruma tangga sandiri. Deng bagitu, Iblis tara dapa jalang untuk kase tara bae torang yang percaya pe nama.

Titus 2:5

dorang hidup iko Tuhan pe ajaran, dorang pe hati bersi pa Tuhan pe muka, dorang mampo ator dong pe ruma tangga bae-bae, dorang pe hati bae, deng dorang dengar-dengaran pa dong pe laki. Kalu dorang pe hidup bagitu, orang tara dapa alasan untuk kase tara bae Tuhan Allah pe firman.

Titus 2:8

Ngana musti pande pake kata-kata yang pas supaya orang tarima pa ngana kong tara dapa alasan mo kase sala pa torang. Orang yang malawang pa torang akan jadi malu sandiri.

1 Petrus 2:12

Ngoni pe kalakuang musti bagus di orang-orang yang tara kanal pa Tuhan Allah pe muka, supaya kalu dong bicara tara bae tentang ngoni kong bilang kata, ngoni jaga biking barang yang jahat, dorang tau itu tara butul karna dorang akan dapa lia ngoni pe kalakuang-kalakuang yang bagus. Jadi, waktu hari kiamat kong Tuhan Allah datang ulang, dorang akan puji deng hormat pa Tuhan Allah.

2 Petrus 2:12

Tapi guru-guru palsu itu bahina hal-hal yang dorang sandiri tara mangarti, dorang asal bicara saja, sama deng binatang yang tara akal, atau sama deng binatang yang lahir cuma untuk dapa tangka deng dapa bunu. Jadi, sama deng binatang liar dapa bunu dari manusia, bagitu lagi guru-guru palsu akan dapa hukum dari Tuhan Allah karna dong pe kalakuang yang jahat.

2 Petrus 2:15

Guru-guru palsu itu so tara iko Tuhan Allah pe ajaran, jadi dorang so tara butul. Dorang so iko conto nabi dulu-dulu, yang dia pe nama Bileam. Bileam ini Beor pe ana. Dia suka biking barang yang jahat, yang penting dapa doi.

2 Petrus 2:18

Barang, dorang kalu bicara, makang puji skali, padahal yang dong bicara itu tara ada guna. Dorang buju orang-orang yang baru percaya pa Tuhan supaya dorang biking barang yang tara bae iko manusia pe napsu saja. Padahal orang-orang yang dapa buju itu bolong lama talapas dari dong pe percaya yang sala.

2 Petrus 2:21

Jadi lebe bae dorang tara perna tau ajaran tentang bagimana dorang bole jadi orang yang tara sala pa Tuhan Allah pe muka, daripada dorang so tau kong tara mau iko lagi parenta yang kudus yang orang so kase tau pa dorang.

2 Petrus 2:7

Tapi Lot, Tuhan Allah kase slamat pa dia dari kota itu. Lot itu orang yang jaga biking apa yang butul pa Tuhan Allah pe muka. Dia turus-turus sedi skali karna orang-orang yang ada di sekitar dia pe cara hidup tara bae, karna dorang cuma iko dong pe napsu.

Yudas 1:10

Tapi orang-orang yang bawa ajaran tara butul itu, dorang bicara tara bae tentang samua ajaran yang dong tara mangarti. Dorang itu pe kalakuang sama deng binatang. Dorang itu tara bapikir, tapi iko saja apa yang dong pe badan pe mau. Itu yang nanti biking dong dapa hukuman tapisa deng Tuhan Allah slama-lamanya.

Yudas 1:15

Dia datang untuk adili pa samua orang, deng Dia lagi mo hukum pa orang-orang yang tara semba pa Tuhan Allah karna samua dong pe kalakuang yang tara iko Tuhan Allah pe mau deng samua dong pe kata-kata kasar tentang Tuhan.”

Yudas 1:4

Barang, ada orang-orang yang bawa ajaran yang tara butul yang so maso pa ngoni pe jemaat, tapi ngoni tara sadar. Dorang itu tara iko Tuhan Allah pe mau. Dorang memang so tarima ajaran tentang torang pe Tuhan Allah pe bae, tapi dorang kase putar bale ajaran itu la orang bisa iko dorang pe napsu yang tara bae. Deng dorang me manyangkal, Yesus Kristus yang cuma satu itu saja torang pe Tuhan, yang berkuasa pa samua-samua. Orang-orang model bagini, dari dulu ada tatulis di Kitab Suci, dorang memang akan dapa hukuman.

Yudas 1:7

Bagitu lagi yang jadi di kota Sodom deng Gomora, deng kota-kota laeng yang baku dekat deng dua kota itu. Orang-orang di kota-kota itu jaga baseks sabarang, deng baseks iko napsu yang tara pantas dorang biking. Karna itu, dorang dapa hukuman di api yang tara mati-mati, kong itu jadi conto untuk kase inga pa samua orang, orang jahat pasti mo dapa hukum dari Tuhan.

Wahyu 12:9

Naga basar itu, setang-setang pe raja yang dong jaga bilang ‘Iblis’. Naga itu yang dari dulu salalu kase sesat orang-orang di seluru dunia ini. Dia deng malaekat-malaekat yang iko pa dia, samua dapa buang dari sorga di bumi.

Wahyu 13:14

Dia biking tanda-tanda itu di binatang pertama pe muka, sampe dia kase sesat orang-orang di bumi. Dia me suru dorang biking patong satu sama deng binatang yang pertama, binatang yang ada luka barát tapi so sembu itu.

Wahyu 13:8

Kong samua orang yang tinggal di bumi mo semba pa binatang itu. Orang-orang yang semba itu, dorang yang pe nama tara tatulis di Anak Domba pe buku kehidupan waktu dunia ini bolong jadi. Buku kehidupan itu, Anak Domba yang so perna dapa bunu pe buku. Di buku itu, Tuhan Allah tulis orang-orang pe nama yang mo dapa hidup deng Tuhan Allah slama-lamanya.