2 Petrus 2:10 - Perjanjian Baru Bahasa Melayu Maluku Utara

¹⁰ Lebe-lebe lagi pa orang-orang yang cuma hidup iko dong pe napsu yang tara bae, deng yang pandang enteng Tuhan Allah pe kuasa yang luar biasa. Guru-guru palsu itu barani skali deng makang puji, sampe dorang tara tako-tako mo bahina pa samua yang berkuasa di sorga.

2 Petrus 2:10 ပူးပေါင်းရင်းမြစ်များ

Lukas 11:25

Waktu dia bale pa orang itu, dia lia orang itu pe hati kosong, macam deng ruma kosong satu yang so sapu bersi kong so taator bae-bae.

Lukas 19:14

Tapi orang-orang yang tinggal satu daera deng dia itu, dorang binci pa dia. Jadi, waktu dia so barangkat, dong kirim dong pe utusan untuk bilang bagini, ‘Torang tara mau orang ini jadi torang pe raja.’

Kisah Para Rasul 23:5

Kong Paulus bilang, “Oo, maaf sudara-sudara e, kita tara tau, dia itu imam basar. Memang butul di Kitab Suci ada tulis bagini, ‘Jang ngoni bicara tara bae tentang ngoni pe pemimpin.’ ”

Roma 8:1

Jadi, skarang Tuhan Allah so tara hukum lagi pa torang karna torang so satu hati deng Kristus Yesus.

1 Korintus 6:9

Ngoni pasti tau, orang-orang yang biking tara butul, dorang tara mungkin jadi Tuhan Allah pe umat yang Dia Berkuasa sebagai Raja pa dorang pe hidup. Jang dengar orang yang bilang kata, Tuhan Allah pe umat bole biking barang tara bae, conto sama deng bagini: orang yang baseks sabarang, orang yang semba pa dia pe puji-puji, orang yang baku suka deng orang yang bukang dia pe laki atau bini, laki-laki yang baseks deng laki-laki,

2 Korintus 10:3

Memang torang manusia biasa, tapi kalu ada orang yang malawang Tuhan pe firman, torang tara lawan pa dorang pake manusia pe cara.

Efesus 4:19

Dorang pe urat malu so putus, dorang kase dong pe diri untuk hidup iko dong pe napsu yang tara bae, deng dorang paling suka biking hal-hal yang cafarune.

Efesus 5:5

Ngoni inga suda ini bae-bae: orang yang baseks sabarang, yang biking hal-hal yang cafarune, deng yang ingin orang pe barang jadi dia punya, tara ada yang akan jadi Tuhan Allah deng Yesus Kristus pe umat yang Dia Berkuasa sebagai Raja pa dorang pe hidup, barang dorang lebe kase penting hal-hal itu daripada Tuhan.

Kolose 3:5

Jadi, karna Yesus Kristus so ruba ngoni pe hidup jadi baru, ngoni berenti suda iko dunia pe mau, macam deng: baseks sabarang, biking hal-hal yang cafarune, iko napsu yang tara bae, ingin biking barang yang jahat, deng golojo orang pe barang. Karna kalu torang golojo orang pe barang, itu berarti, torang so kase lebe penting barang itu daripada Tuhan.

1 Tesalonika 4:7

Barang, Tuhan Allah so pangge pa torang jadi Dia pe umat untuk hidup deng hati bersi, bukang untuk mo biking hal-hal yang tara bae iko ngoni pe napsu.

2 Timotius 3:2

Hari-hari itu, orang-orang cuma sayang dorang pe diri sandiri, deng dong pe doi. Dorang suka bicara tinggi deng sombong. Dorang suka kase tara bae orang pe nama, malawang pa dong pe orang tua, deng tara tau batarimakasi. Dorang sama skali tara mau iko Tuhan pe mau.

Titus 1:7

Barang, orang yang pimpin jemaat, dia pe karja itu urus Tuhan Allah pe jemaat. Dia pe cara hidup musti butul, tara sombong, tara pangmara, tara pangmabo, tara pukul-pukul orang, deng tara gila doi.

Ibrani 13:4

Samua orang musti hargai dong pe perkawinan. Laki bini musti setia, tara bole baku suka deng orang laeng. Barang, Tuhan Allah akan hukum pa orang-orang yang baseks sabarang deng pa orang yang baku suka deng orang pe laki atau orang pe bini.

2 Petrus 3:3

Ini yang paling penting yang ngoni musti tau, kalu so mo kiamat, nanti ada banya orang yang suka bahina torang pe percaya, barang dorang hidup cuma iko dong pe keinginan yang jahat.

Yudas 1:10

Tapi orang-orang yang bawa ajaran tara butul itu, dorang bicara tara bae tentang samua ajaran yang dong tara mangarti. Dorang itu pe kalakuang sama deng binatang. Dorang itu tara bapikir, tapi iko saja apa yang dong pe badan pe mau. Itu yang nanti biking dong dapa hukuman tapisa deng Tuhan Allah slama-lamanya.

Yudas 1:16

Orang-orang itu cuma mengelu-mengelu deng suka kase sala orang laeng. Dorang hidup cuma iko dong pe keinginan tara bae. Dorang pe bicara angka-angka dong pe diri sandiri, kong suka cari muka deng baambe hati di orang la dorang dapa untung.

Yudas 1:18

Dorang bilang, nanti waktu so mo kiamat, akan datang orang-orang yang suka bahina torang pe percaya. Dorang itu akan hidup iko dong pe napsu yang baku lawan deng Tuhan Allah pe mau.

Yudas 1:4

Barang, ada orang-orang yang bawa ajaran yang tara butul yang so maso pa ngoni pe jemaat, tapi ngoni tara sadar. Dorang itu tara iko Tuhan Allah pe mau. Dorang memang so tarima ajaran tentang torang pe Tuhan Allah pe bae, tapi dorang kase putar bale ajaran itu la orang bisa iko dorang pe napsu yang tara bae. Deng dorang me manyangkal, Yesus Kristus yang cuma satu itu saja torang pe Tuhan, yang berkuasa pa samua-samua. Orang-orang model bagini, dari dulu ada tatulis di Kitab Suci, dorang memang akan dapa hukuman.