2 Petrus 1:8 - Perjanjian Baru Bahasa Melayu Maluku Utara

⁸ Kalu ngoni biking samua yang bae itu, kong ngoni tamba biking itu turus, itu ada guna untuk ngoni, karna itu akan bantu pa ngoni untuk lebe kanal pa Yesus Kristus, torang pe Tuhan.

2 Petrus 1:8 ပူးပေါင်းရင်းမြစ်များ

Matius 13:22

Bibit yang jatu di tana yang ada rumpu baduri, itu sama deng orang-orang yang so dengar firman, tapi dong pe hati tara tenang tentang dong pe hidup, deng dong cuma cari harta. Jadi firman yang dorang dengar itu dorang tara biking, sampe firman itu tara bawa hasil apa-apa.

Matius 20:3

Kira-kira jam sembilan pagi, dia kaluar ulang kong pigi di pasar. Di sana, dia lia ada babarapa orang yang tara ada karja.

Matius 20:6

Abis itu, kira-kira jam lima sore, dia kaluar lagi kong dia lia masi ada orang-orang laeng lagi di pasar yang tara bakarja. Kong dia tanya pa dorang, ‘Bikiapa kong satu hari ini ngoni cuma badiri di sini kong tara bakarja?’

Matius 25:26

Turus, dia pe tuang bilang pa dia, ‘He, ngana ini memang orang karja yang jahat deng pamalas. Ngana tau, kita jaga bapanen di tampa yang kita tara perna baambur bibit, deng kita jaga baambe hasil di tampa yang kita tara perna batanam.

Yohanes 15:2

Kong Kita pe umat sama deng anggur pe cabang-cabang. Cabang-cabang yang babua, Dia potong sadiki supaya bersi kong lebe banya babua lagi, baru cabang-cabang yang tara babua, Dia potong kong buang.

Yohanes 17:3

Kong hidup deng Bapa slama-lamanya itu, pe maksut bagini: dorang so kanal Bapa itu Tuhan Allah yang butul, tara ada yang laeng, deng dorang so kanal Yesus Kristus itu yang Bapa utus untuk datang di dunia ini.

Yohanes 5:42

Tapi Kita tau tentang ngoni, di ngoni pe dalam hati, ngoni tara sayang pa Tuhan Allah.

Roma 12:11

Ngoni karja deng rajin untuk Tuhan, jang ngoni pamalas. Ngoni karja untuk Tuhan itu deng smangat.

1 Korintus 15:58

Jadi sudara-sudara yang kita sayang, ngoni pe percaya musti tetap kuat. Jang kase biar ada yang pengaru pa ngoni sampe ngoni ragu deng ngoni pe percaya itu. Ngoni karja turus untuk Tuhan butul-butul, karna ngoni tau, apa yang ngoni biking untuk Tuhan itu tara akan parcuma.

2 Korintus 13:5

Coba ngoni uji ngoni pe diri sandiri, ngoni butul-butul percaya ka tarada. Priksa ngoni pe hati, apa ngoni tau pasti, Kristus Yesus ada di ngoni pe hati? Kalu tarada, berarti ngoni tara tahang uji.

2 Korintus 8:2

Biar jemaat-jemaat itu dapa banya penderitaan yang barát, tapi Tuhan Allah biking dorang pe hati tetap sanang skali. Deng biar lagi dorang hidup susa skali, tapi dorang pe hati bae sampe dong bisa bantu talebe-lebe pa orang laeng.

2 Korintus 8:7

Ngoni so bagus skali suda dalam hal-hal ini: ngoni pe percaya so kuat, ngoni so bisa bicara di muka umum, ngoni so tau banya tentang Tuhan, ngoni so bantu orang deng sunggu-sunggu, deng ngoni lagi so sayang skali pa torang. Jadi, ngoni musti lebe bagus lagi bakase doi sumbangan pa orang-orang susa.

2 Korintus 9:14

Kong dorang me sayang pa ngoni sampe dorang kase berdoa lagi pa ngoni, karna dorang tau Tuhan Allah kase Dia pe bae pa ngoni deng cara Dia kase pa ngoni hati yang suka skali bakase pa orang, laeng.

Filipi 1:9

Jadi ini kita pe doa untuk ngoni: kita minta pa Tuhan supaya ngoni pe sayang lebe tatamba turus pa Tuhan Allah deng pa samua orang, deng ngoni lebe tamba tau deng mangarti sagala macam hal deng butul-butul,

Filipi 2:5

Kong ngoni pe sifat musti sama deng Kristus Yesus pe sifat yang macam bagini:

Filipi 3:8

Mala, samua-samua itu, skarang kita anggap tarada dia pe guna, barang kita skarang so bole butul-butul kanal pa Kristus Yesus kita pe Tuhan, kong itu lebe bagus lagi. Jadi karna Dia, kita kase tinggal samua-samua itu, kita anggap sama deng sampa, supaya kita bole kanal pa Yesus Kristus,

Kolose 1:10

Barang, kalu ngoni so tau Tuhan Allah pe mau, ngoni akan hidup deng kalakuang yang pantas dapa sebut orang yang percaya pa Tuhan, kong ngoni akan biking Dia pe hati sanang. Ngoni me akan biking hal-hal yang bae turus-turus, deng ngoni me akan lebe tamba kanal pa Tuhan Allah.

Kolose 2:7

Ngoni pe percaya pa Dia musti kuat, sama deng pohong pe akar yang tatanam kuat di tana. Deng ngoni pe hidup musti bagantong kuat pa Dia, sama deng ruma yang ada bangun di atas fandasi yang kuat. Kong ngoni pe percaya pa Dia me musti lebe tamba kuat, iko sama deng ajaran yang ngoni so tarima. Kong ngoni musti salalu bilang tarimakasi banya pa Tuhan Allah.

Kolose 3:16

Ngoni musti inga turus-turus Yesus Kristus pe ajaran, deng simpang itu bae-bae di ngoni pe hati, supaya ajaran itu bisa bawa hasil yang basar pa ngoni pe hidup. Pake suda hikmat yang Tuhan Allah kase pa ngoni untuk baku kase ajar deng baku kase inga Dia pe ajaran. Pake lagi lagu-lagu mazmur, lagu-lagu yang puji pa Tuhan, deng lagu-lagu laeng yang Roh Kudus kase pa ngoni. Ngoni manyanyi suda deng hati yang bilang tarimakasi banya pa Tuhan Allah.

1 Tesalonika 3:12

Torang minta la Tuhan Allah biking ngoni lebe tamba baku sayang, deng ngoni pe sayang pa orang laeng lebe tatamba, sama deng torang pe sayang pa ngoni.

1 Tesalonika 4:1

Sudara-sudara, torang so kase ajar pa ngoni cara hidup untuk biking sanang Tuhan Allah pe hati, kong ngoni so hidup sama deng itu. Tapi skarang karna torang samua so satu hati deng Tuhan Yesus, torang minta supaya ngoni lebe tamba berusaha biking sanang Tuhan Allah pe hati.

2 Tesalonika 1:3

Sudara-sudara, torang salalu bilang tarimakasi pa Tuhan Allah untuk ngoni. Torang memang musti biking bagitu karna ngoni pe percaya pa Yesus Kristus lebe tatamba, deng karna ngoni lebe tamba baku sayang.

1 Timotius 5:13

Jadi kalu jemaat so bantu pa janda-janda yang umur bolong anam pulu taong, jang sampe dorang jadi pamalas deng suka kaluar maso orang pe ruma kong bacarita orang pe busu, suka campur orang laeng pe urusan, deng bacarita barang yang tara bae.

Titus 3:14

Torang pe orang-orang yang percaya musti rajin biking yang bae supaya bole tolong orang laeng pe keperluan hari-hari. Deng bagitu, dong pe hidup ada dia pe guna.

Filemon 1:6

Deng kita berdoa, supaya ngoni yang so percaya bole lebe tamba hidup satu hati satu deng yang laeng. Kong karna itu, ngoni bole lebe mangarti samua Tuhan pe bae yang Dia kase pa ngoni karna ngoni so satu hati deng Yesus Kristus.

Ibrani 6:12

Kong jang ngoni pamalas. Tapi ngoni musti hidup iko conto dari orang-orang percaya yang akan tarima samua yang Tuhan Allah so janji, karna dorang pe percaya kuat deng dorang tara berenti sampe ahir.

2 Petrus 1:2

Kita minta pa Tuhan Allah supaya Dia kase Dia pe bae pa ngoni deng Dia salalu biking ngoni pe hati tetap tenang, kong Dia kase itu talebe-lebe karna ngoni so kanal pa Tuhan Allah deng pa Yesus Kristus, torang pe Tuhan.

2 Petrus 1:3

Tuhan Allah itu hebat deng hati bae, kong karna itu, Dia pangge pa torang untuk iko pa Dia la torang kanal pa Dia. Kong karna torang so kanal pa Dia, Dia pake Dia pe kuasa yang basar untuk kase pa torang samua yang torang perlu supaya torang bole hidup iko Dia pe mau.

2 Petrus 2:20

Kita pe maksut, kalu dorang itu so kanal pa Yesus Kristus torang pe Tuhan deng Juruslamat, dorang me so lapas dari dunia pe mau yang jahat. Tapi kalu dorang bale ulang untuk iko keinginan-keinginan yang jahat itu, dorang pe keadaan nanti mo lebe soe dari yang pertama.

2 Petrus 3:18

Lebe bae tiap hari ngoni tamba sadar Yesus Kristus pe bae deng lebe tamba kanal pa Dia. Dia itu torang pe Tuhan Yesus Kristus yang kase slamat pa torang dari dosa-dosa. Kong untuk Dia suda puji deng hormat dari skarang sampe slama-lamanya. Amin.