2 Petrus 1:12 - Perjanjian Baru Bahasa Melayu Maluku Utara

¹² Kong biar ngoni so tau samua itu, deng ngoni so kuat iko Tuhan pe ajaran yang ngoni so dengar, kita tetap mo kase inga turus pa ngoni.

2 Petrus 1:12 ပူးပေါင်းရင်းမြစ်များ

1 Yohanes 2:21

Kita tulis surat ini pa ngoni, bukang karna ngoni tara tau ajaran yang butul, tapi karna ngoni so tau itu, deng ngoni me tau, tarada yang tara butul di ajaran yang butul itu.

Filipi 3:1

Sudara-sudara, ada lagi yang kita mo bilang pa ngoni: ngoni sanang suda karna ngoni so percaya pa Tuhan. Kita tara rasa barát untuk kase tau ulang apa yang kita so perna tulis, karna kita mo jaga pa ngoni supaya tara ada yang mo biking ngoni iko ajaran yang tara butul.

Kolose 2:7

Ngoni pe percaya pa Dia musti kuat, sama deng pohong pe akar yang tatanam kuat di tana. Deng ngoni pe hidup musti bagantong kuat pa Dia, sama deng ruma yang ada bangun di atas fandasi yang kuat. Kong ngoni pe percaya pa Dia me musti lebe tamba kuat, iko sama deng ajaran yang ngoni so tarima. Kong ngoni musti salalu bilang tarimakasi banya pa Tuhan Allah.

Yudas 1:5

Samua yang kita bilang ini ngoni so tau, tapi kita akan kase inga lagi: Tuhan Allah pasti kase hukuman pa orang yang biking jahat. Dulu, Tuhan Allah kase bebas pa orang-orang Israel dari bangsa Mesir yang jaja pa dorang, tapi abis itu, dari dorang ada yang tara percaya lagi pa Tuhan, jadi Dia kase mati pa dorang itu.

2 Yohanes 1:2

Torang sayang pa ngoni karna Tuhan pe ajaran itu ada pa torang pe hati, kong ajaran itu ada turus pa torang sampe slama-lamanya.

2 Petrus 1:13

Selama kita masi hidup ini, kita rasa pantas mo kase inga itu turus pa ngoni.

Yudas 1:17

Tapi ngoni sudara-sudara yang kita sayang, inga apa yang torang pe Tuhan Yesus Kristus pe utusan-utusan so perna bilang.

Yudas 1:3

Sudara-sudara yang kita sayang, sementara kita tulis surat pa ngoni tentang slamat yang torang so tarima, kita rasa ada yang musti kita tulis kamuka, supaya ngoni berusaha butul-butul untuk tetap batahang deng ngoni pe percaya. Kong ngoni pe percaya itu musti iko Tuhan Allah pe ajaran yang Dia so kase satu kali untuk slama-lamanya pa torang yang so jadi Dia pe umat.

2 Petrus 3:17

Jadi sudara-sudara yang kita sayang, ngoni so kamuka tau samua itu. Karna itu ngoni musti ati-ati deng guru-guru palsu yang jaga malawang Tuhan Yesus pe ajaran, supaya ngoni tara iko dong pe sala itu, tapi ngoni tetap percaya.

2 Petrus 3:1

Sudara-sudara yang kita sayang, ini kita pe surat yang kedua pa ngoni. Di dua surat yang kita tulis pa ngoni, kita berusaha kase inga ulang apa yang ngoni so tau, supaya ngoni tetap smangat untuk pikir yang bae tentang itu.

2 Petrus 1:15

Jadi kita berusaha turus kase tau pa ngoni, la nanti kalu kita so mati, ngoni bole inga samua itu turus-turus.

1 Petrus 5:12

Silwanus yang bantu pa kita tulis surat yang pende ini pa ngoni. Silwanus ini kita pe sudara yang percaya yang bisa kita percaya. Surat ini kita tulis untuk kase smangat pa ngoni supaya ngoni tetap percaya, deng untuk kase yakin pa ngoni tentang Tuhan Allah pe bae yang Dia salalu kase pa ngoni biar ngoni sementara dapa siksa. Ngoni musti tetap yakin Tuhan Allah pe bae itu, karna itu butul.

1 Petrus 5:10

Tapi siksa yang ngoni rasa itu cuma sementara saja. Nanti Tuhan Allah sandiri yang mo kase bae-bae ngoni pe keadaan, kase kuat ngoni pe hati, kase kuat ngoni pe percaya, deng biking ngoni tetap percaya pa Dia. Dia itu suda Tuhan Allah yang kase Dia pe bae pa manusia, yang so pangge pa ngoni untuk percaya pa Yesus Kristus, kong ngoni mo rasa Dia pe kuasa yang luar biasa untuk slama-lamanya.

Ibrani 13:9

Jang ngoni iko ajaran-ajaran yang tara butul yang bole biking ngoni jadi sesat. Barang, kalu iko aturan tentang makanang yang halal deng haram, tarada dia pe guna untuk biking ngoni jadi sempurna pa Tuhan Allah pe muka. Cuma Tuhan Allah pe sayang deng pe bae yang bisa biking ngoni pe percaya pa Tuhan jadi kuat.

Ibrani 10:32

Coba ngoni inga waktu ngoni baru tarima Kabar Bae tentang Yesus Kristus deng jadi percaya pa Dia. Waktu itu, ngoni banya menderita karna ngoni pe percaya, tapi biar bagitu, ngoni tetap pegang kuat ngoni pe percaya.

2 Timotius 1:6

Tempo hari waktu kita taru tangan untuk kase berdoa pa ngana, Tuhan Allah kase karunia satu pa ngana untuk biking Tuhan Allah pe karja. Jadi kita kase inga pa ngana supaya pake bae-bae karunia itu untuk biking Tuhan Allah pe karja.

1 Timotius 4:6

Timotius, ngana musti kase ajar hal-hal itu turus pa orang-orang percaya supaya dorang jang iko ajaran sesat. Kalu ngana kase ajar samua itu, ngana so jadi Kristus Yesus pe pelayan yang bae. Ngana pe percaya me akan jadi kuat karna ngana iko turus ajaran yang butul yang orang ajar pa ngana dari dulu.

Kisah Para Rasul 16:5

Waktu jemaat-jemaat dengar keputusan-keputusan itu, dorang pe percaya pa Tuhan Yesus tatamba kuat. Kong tiap hari, orang-orang yang percaya pa Tuhan Yesus lebe tatamba banya.

Kolose 1:5

Ngoni percaya deng sayang macam bagitu, barang ngoni so yakin, ngoni akan tarima apa yang Tuhan Allah so kase sadia untuk ngoni di sorga. Ngoni jadi yakin itu, mulai dari pertama kali ngoni dengar ajaran yang butul, itu Kabar Bae tentang Yesus Kristus.