2 Korintus 9:2 - Perjanjian Baru Bahasa Melayu Maluku Utara

² karna kita so tau ngoni suka mo bantu pa dorang. Jadi kita puji pa ngoni di jemaat-jemaat di daera Makedonia bagini, “Torang pe sudara-sudara yang percaya di daera Akhaya, dari taong lalu dorang so siap untuk kase doi sumbangan.” Jadi deng ngoni smangat bakase doi sumbangan itu, banya orang di daera Makedonia yang jadi lebe tamba smangat lagi untuk bantu sama deng yang ngoni biking itu.

2 Korintus 9:2 ပူးပေါင်းရင်းမြစ်များ

Kisah Para Rasul 18:12

Tapi waktu Galio so jadi gubernur di daera Akhaya, orang-orang Yahudi baku kompak kong tangka pa Paulus, turus dorang bawa pa dia di pengadilan.

Kisah Para Rasul 24:17

Sebenarnya so babarapa taong kita so tara pigi-pigi di Yerusalem. Tapi yang kita pigi baru-baru itu, kita mo antar doi sumbangan pa orang-orang Yahudi yang hidup susa deng mo kase binatang jadi korban persembahan pa Tuhan Allah di Ruma Ibada Pusat.

Roma 15:26

Karna jemaat-jemaat dari daera Makedonia deng Akhaya, dorang deng sanang hati so kumpul doi untuk kase sumbangan pa orang-orang yang so jadi Tuhan Allah pe umat di Yerusalem.

1 Korintus 16:15

Sudara-sudara, ngoni pasti so tau, Stefanus deng dia pe keluarga yang kakamuka percaya pa Yesus Kristus di daera Akhaya. Kong ngoni me tau lagi, dorang yang kase dong pe diri deng sunggu-sunggu untuk layani pa orang-orang yang so jadi Tuhan pe umat. Karna itu, kita minta pa ngoni,

2 Korintus 1:1

Sudara-sudara Tuhan Allah pe jemaat yang ada di kota Korintus, deng ngoni samua orang yang so jadi Tuhan Allah pe umat yang ada di seluru daera Akhaya. Salam dari kita Paulus, deng dari Timotius, torang pe sudara yang percaya. Kita ini Kristus Yesus pe utusan yang orang sebut rasul. Kita jadi rasul, itu karna Tuhan Allah pe mau.

2 Korintus 7:14

Kita so puji-puji memang tentang ngoni pa Titus waktu dia bolong datang pa ngoni, deng ngoni memang tara kase malu pa kita. Bagitu lagi, samua yang torang so perna bilang pa ngoni itu butul, sama deng yang torang ada puji-puji pa ngoni tentang Titus itu me butul.

2 Korintus 7:4

Kita percaya skali pa ngoni, mala kita sanang skali deng apa yang ngoni biking. Jadi biar lagi torang banya kali dapa siksa, tapi kita pe hati tahibur deng sanang skali karna ngoni.

2 Korintus 8:10

Jadi menurut kita yang ada dia pe guna untuk ngoni itu bagini: ngoni jemaat yang so kamuka pikir untuk bantu pa orang-orang percaya yang hidup susa di Yerusalem. Kong ngoni me yang kamuka kumpul doi sumbangan itu taong lalu.

2 Korintus 8:11

Jadi kase selesai suda kumpul ngoni pe doi sumbangan itu. Dulu ngoni smangat skali kumpul doi sumbangan itu, jadi skarang ngoni musti smangat lagi bagitu untuk kase selesai kumpul, kong bakase itu iko apa yang ada pa ngoni.

2 Korintus 8:19

Bukang cuma karna itu sampe torang utus pa dia, tapi karna jemaat-jemaat yang pili pa dia untuk antar doi sumbangan pa orang-orang percaya di Yerusalem. Torang biking samua itu supaya Tuhan bole dapa puji deng hormat, deng supaya orang bole tau, torang memang suka bantu orang.

2 Korintus 8:24

Karna dorang dapa utus dari jemaat-jemaat, kita minta pa ngoni jemaat Korintus, tarima pa dong tiga kong kase tunju ngoni pe sayang pa dorang, supaya samua jemaat me bole tau, ngoni butul-butul sayang pa dorang, deng dorang me tau lagi apa yang torang jaga kase puji-puji tentang ngoni pe sayang deng jaga bantu pa orang-orang talebe-lebe, itu memang butul.

2 Korintus 8:8

Kita bicara tentang doi sumbangan itu, bukang berarti kita mo parenta pa ngoni. Tapi kita mau ngoni tau, jemaat-jemaat di daera Makedonia suka skali bantu pa orang yang perlu, supaya ngoni lagi ada smangat untuk bantu orang sama deng yang jemaat-jemaat Makedonia so biking. Karna kalu ngoni biking bagitu, orang bisa tau, ngoni itu butul-butul sayang orang.

1 Tesalonika 1:7

Deng bagitu, ngoni pe percaya so jadi conto untuk samua orang yang percaya pa Yesus di daera Makedonia deng Akhaya.

Ibrani 10:24

Deng mari suda torang baku perhatikan, deng baku kase smangat, supaya torang samua lebe tamba sayang pa orang-orang, deng lebe tamba biking hal-hal yang bae.