2 Korintus 7:7 - Perjanjian Baru Bahasa Melayu Maluku Utara

⁷ Torang pe hati jadi kuat, bukang cuma karna Titus so datang pa torang, tapi karna ngoni so biking dia pe hati jadi kuat waktu dia sama-sama deng ngoni. Dia bilang, ngoni so ingin skali mo baku dapa deng kita, ngoni so manyasal deng apa yang ngoni biking dulu, kong ngoni smangat lagi supaya ngoni deng kita pe hubungan jadi bae-bae ulang. Samua itu biking kita pe hati tamba sanang skali.

2 Korintus 7:7 ပူးပေါင်းရင်းမြစ်များ

Matius 26:75

Kong Petrus dapa inga yang Yesus so perna bilang pa dia, sebelum ayam bakuku, dia so manyangkal tiga kali, bilang dia tara kanal pa Yesus. Petrus langsung kaluar kong manangis karna manyasal skali.

Matius 5:4

Paling sanang suda orang-orang yang pe hati sedi, karna Tuhan Allah akan hibur pa dorang.

Lukas 22:44

Yesus pe hati menderita skali kong Dia lebe tamba kuat berdoa. Dia pe suar jatu sama deng dara ada tatetes ka tana.]

Kisah Para Rasul 11:23

Waktu Barnabas sampe di sana, dia lia memang Tuhan Allah so kase Dia pe bae sampe banya orang so jadi percaya pa Yesus. Pe lia itu, dia sanang skali. Turus, dia kase smangat pa dorang supaya dorang sunggu-sunggu tetap setia pa Tuhan Yesus.

Roma 1:12

Kita pe maksut, kalu kita ada sama-sama deng ngoni, torang bisa baku kase kuat torang pe percaya pa Yesus Kristus.

1 Korintus 5:2

Tapi biar ada dari ngoni yang jaga biking bagitu me, ngoni masi saja basombong. Sebenarnya, ngoni musti hati susa skali deng yang dia biking itu, kong ngoni musti kase kaluar saja pa dia dari ngoni pe tenga-tenga.

2 Korintus 1:14

Skarang ngoni baru mangarti sadiki kita pe hati. Kita harap nanti waktu Tuhan Yesus datang ulang, ngoni jemaat Korintus mo hati sanang deng torang karna samua yang torang so biking, deng torang me mo hati sanang deng ngoni karna samua yang ngoni so biking.

2 Korintus 1:4

Dia yang kase kuat torang pe hati waktu tong dapa macam-macam sengsara, supaya deng kekuatan itu tong me bole kase kuat orang laeng pe hati yang dapa macam-macam sengsara. Torang bole kase kuat pa dorang sama deng Tuhan Allah so kase kuat pa torang.

2 Korintus 2:9

Barang, di kita pe surat yang kamuka, kita suru ngoni kase hukuman pa orang yang biking sala itu. Kita pe tujuan, kita mo cari tau ngoni iko yang kita ada suru ka tarada. Kong karna ngoni so biking apa yang kita suru itu,

2 Korintus 5:2

Selama torang masi hidup di dunia ini, torang mengelu karna sengsara, kong tong rindu mo dapa badan yang baru di sorga.

2 Korintus 7:6

Tapi Tuhan Allah yang salalu kase kuat pa orang yang ilang smangat, Dia kirim Titus datang pa torang untuk kase kuat tong pe hati.

2 Korintus 7:8

Jadi, biar lagi kita so kase sedi ngoni pe hati deng kita pe surat yang kamuka itu, tapi kita tara manyasal ada tulis surat itu, karna ada dia pe guna pa ngoni. Memang, waktu kita baru tulis surat itu, kita rasa manyasal, karna kita tau kalu ngoni baca surat itu, pasti ngoni pe hati jadi sedi, biar lagi sedi itu cuma sementara.

2 Korintus 8:16

Torang bilang tarimakasi pa Tuhan Allah karna Dia yang biking sampe Titus suka bantu pa ngoni, sama deng torang suka bantu pa ngoni.

Filipi 1:20

Kong yang butul-butul kita ingin deng harap itu, kita barani biking apa saja yang Yesus Kristus suru pa kita, sama deng yang kita so biking dari dulu, supaya kita tara biking apa-apa yang biking malu kita pe diri. Yang penting itu Yesus Kristus dapa puji deng hormat dalam kita pe hidup, waktu kita masi hidup atau kita so mati.

Kolose 2:5

Barang, biar lagi kita tara sama-sama deng ngoni di sana, tapi kita tetap inga pa ngoni, jadi anggap saja kita ada sama-sama deng ngoni. Kita sanang lagi, dapa dengar ngoni so satu hati kong ngoni pe percaya tetap kuat pa Yesus Kristus.

1 Tesalonika 3:6

Tapi skarang Timotius so bale dari ngoni di Tesalonika, kong dia kase tau kabar tentang ngoni yang biking torang sanang. Dia carita, ngoni tetap percaya pa Yesus deng baku sayang. Ngoni me inga pa torang deng rasa sanang. Kong ngoni suka mo baku dapa ulang deng torang, sama deng torang me suka baku dapa deng ngoni.

1 Tesalonika 3:8

Jadi skarang, torang rasa torang pe hidup butul-butul ada dia pe guna, karna ngoni tetap percaya pa Tuhan.

Ibrani 2:1

Jadi, karna Yesus itu yang paling hebat, torang musti lebe pegang kuat ajaran yang torang so dengar tentang Dia, supaya jang ada orang yang pengaru pa torang sampe torang mulai kase tinggal torang pe percaya.

Yakobus 5:17

Coba ngoni inga nabi Elia. Dia itu manusia biasa sama deng torang, tapi dia sunggu-sunggu berdoa pa Tuhan, dia minta supaya ujang jang turung, kong ujang tara turung selama tiga taong stenga.

2 Yohanes 1:4

Kita sanang skali karna kita dengar ada dari ibu pe ana-ana yang hidup iko Tuhan pe ajaran. Apa yang dorang biking itu sama deng yang Tuhan Allah, torang pe Bapa, parenta pa torang.

Yudas 1:3

Sudara-sudara yang kita sayang, sementara kita tulis surat pa ngoni tentang slamat yang torang so tarima, kita rasa ada yang musti kita tulis kamuka, supaya ngoni berusaha butul-butul untuk tetap batahang deng ngoni pe percaya. Kong ngoni pe percaya itu musti iko Tuhan Allah pe ajaran yang Dia so kase satu kali untuk slama-lamanya pa torang yang so jadi Dia pe umat.