2 Korintus 7:4 - Perjanjian Baru Bahasa Melayu Maluku Utara

⁴ Kita percaya skali pa ngoni, mala kita sanang skali deng apa yang ngoni biking. Jadi biar lagi torang banya kali dapa siksa, tapi kita pe hati tahibur deng sanang skali karna ngoni.

2 Korintus 7:4 ပူးပေါင်းရင်းမြစ်များ

Kisah Para Rasul 5:41

Pe kaluar dari Mahkama Agama pe tampa urus perkara, rasul-rasul itu sanang skali karna Tuhan Allah anggap dorang pantas dapa siksa karna iko pa Tuhan Yesus.

Roma 5:3

Kong bukang cuma itu saja, torang me sanang lagi waktu torang dapa siksa, karna torang tau, siksa itu biking torang jadi batahang percaya.

1 Korintus 1:4

Kita salalu bilang tarimakasi pa Tuhan Allah yang kita semba, karna ngoni. Barang, Dia so kase Dia pe bae pa ngoni karna ngoni percaya pa Kristus Yesus.

2 Korintus 1:14

Skarang ngoni baru mangarti sadiki kita pe hati. Kita harap nanti waktu Tuhan Yesus datang ulang, ngoni jemaat Korintus mo hati sanang deng torang karna samua yang torang so biking, deng torang me mo hati sanang deng ngoni karna samua yang ngoni so biking.

2 Korintus 1:4

Dia yang kase kuat torang pe hati waktu tong dapa macam-macam sengsara, supaya deng kekuatan itu tong me bole kase kuat orang laeng pe hati yang dapa macam-macam sengsara. Torang bole kase kuat pa dorang sama deng Tuhan Allah so kase kuat pa torang.

2 Korintus 10:8

Jadi kalu kita bicara banya tentang Tuhan angka pa torang untuk biking apa yang Dia suru, jang sampe ada yang anggap kita puji diri. Barang, Tuhan kase kuasa pa torang itu supaya torang pake untuk kase kuat ngoni pe percaya, bukang untuk kase ancor ngoni pe percaya.

2 Korintus 11:21

Jadi apa kita musti malu karna kita tara karas pa ngoni bagitu? Tarada! Tapi kalu utusan-utusan itu barani bapuji diri, kita me barani puji kita pe diri sama deng dorang! (Kita bicara ini sama deng orang bodo pe bicara.)

2 Korintus 2:14

Tapi biar bagitu me, kita bilang tarimakasi banya pa Tuhan Allah, karna Dia salalu pimpin pa torang yang percaya pa Yesus Kristus, supaya torang bisa menang dari kuasa jahat. Tuhan Allah pake pa torang di mana-mana untuk kase tau Kabar Bae tentang Yesus Kristus, supaya orang-orang bisa kanal pa Dia. Waktu dorang dengar Kabar Bae itu, dorang jadi sanang, sama deng dong dapa ciom bobou sadap.

2 Korintus 3:12

Jadi, karna torang bagitu yakin deng Tuhan Allah pe janji yang baru itu, torang barani kase tau Kabar Bae tentang Yesus Kristus pa orang-orang.

2 Korintus 7:14

Kita so puji-puji memang tentang ngoni pa Titus waktu dia bolong datang pa ngoni, deng ngoni memang tara kase malu pa kita. Bagitu lagi, samua yang torang so perna bilang pa ngoni itu butul, sama deng yang torang ada puji-puji pa ngoni tentang Titus itu me butul.

2 Korintus 8:24

Karna dorang dapa utus dari jemaat-jemaat, kita minta pa ngoni jemaat Korintus, tarima pa dong tiga kong kase tunju ngoni pe sayang pa dorang, supaya samua jemaat me bole tau, ngoni butul-butul sayang pa dorang, deng dorang me tau lagi apa yang torang jaga kase puji-puji tentang ngoni pe sayang deng jaga bantu pa orang-orang talebe-lebe, itu memang butul.

Filipi 1:14

Kong gara-gara kita dapa kase maso di penjara, itu yang biking banya sudara yang percaya yang tinggal di kota ini lebe tatamba kuat percaya pa Tuhan, sampe dorang lagi lebe barani kase tau Kabar Bae tentang Yesus Kristus deng tara tako-tako lagi.

Filipi 1:20

Kong yang butul-butul kita ingin deng harap itu, kita barani biking apa saja yang Yesus Kristus suru pa kita, sama deng yang kita so biking dari dulu, supaya kita tara biking apa-apa yang biking malu kita pe diri. Yang penting itu Yesus Kristus dapa puji deng hormat dalam kita pe hidup, waktu kita masi hidup atau kita so mati.

Filipi 1:26

Karna itu, nanti kalu kita so bebas kong bale ulang pa ngoni, ngoni mo lebe tamba sanang deng lebe sunggu-sunggu lagi puji pa Kristus Yesus.

Filipi 2:17

Dulu waktu pertama kita kase tau Kabar Bae tentang Yesus Kristus pa ngoni, ngoni jadi percaya deng ngoni kase ngoni pe diri untuk biking Dia pe mau. Jadi biar lagi orang mo bunu pa kita nanti gara-gara kita so kase tau Kabar Bae, itu tara apa-apa. Barang, itu sama deng kita pe dara so tatumpa untuk jadi korban persembahan pa Tuhan Allah. Jadi biar kita pe dara tatumpa sampe mati, kita pe hati tetap sanang deng kita rasa sanang sama-sama deng ngoni samua.

Kolose 1:24

Skarang ini kita pe hati sanang saja, karna siksa yang kita dapa waktu kase tau Kabar Bae tentang Yesus Kristus, itu untuk ngoni pe bae. Siksa itu memang musti kita rasa, karna kita karja untuk Yesus Kristus. Deng kalu kita dapa siksa, itu sama saja deng kita ambe bagian dalam siksa yang Yesus Kristus rasa untuk tolong Dia pe jemaat. Jemaat itu sama deng Dia pe badan sandiri.

1 Tesalonika 2:19

Torang mau skali pigi pa ngoni, karna ngoni suda yang dengar Kabar Bae dari torang, sampe ngoni so percaya pa Yesus butul-butul. Ngoni pe percaya itu yang biking sampe torang pe hati sanang deng biking sampe torang bole baharap deng yakin, nanti waktu torang pe Tuhan Yesus datang ulang, torang bole angka muka karna ngoni pe percaya pa Tuhan.

1 Tesalonika 2:2

Ngoni me tau, waktu torang bolong datang pa ngoni, torang dapa siksa deng dapa hina di kota Filipi. Tapi biar ada orang yang tantang Kabar Bae itu, Tuhan Allah tetap tolong pa torang sampe torang me barani kase tau Kabar Bae dari Tuhan Allah pa ngoni.

2 Tesalonika 1:4

Jadi, torang pe hati sanang sampe tong bacarita tentang ngoni pa Tuhan Allah pe jemaat-jemaat, karna biar orang siksa pa ngoni deng ngoni dapa banya susa yang laeng, ngoni tetap batahang deng tetap percaya pa Tuhan Yesus.

Filemon 1:7

Filemon, kita pe sudara, ngana pe sayang pa orang-orang yang so jadi Tuhan Allah pe umat, itu yang biking kita sanang skali. Kong itu biking kita pe hati jadi lebe kuat, karna ngana so biking dorang pe hati jadi sanang ulang.

Yakobus 1:2

Sudara-sudara, kalu ngoni dapa cobaan apa saja, ngoni musti tarima deng sanang hati.