2 Korintus 6:3 - Perjanjian Baru Bahasa Melayu Maluku Utara

³ Torang berusaha hidup bae-bae supaya jang torang biking orang tara mo iko pa Yesus Kristus. Jadi, deng torang hidup bae-bae bagitu, tara ada orang yang mo kase sala apa-apa pa torang di torang pe pelayanan.

2 Korintus 6:3 ပူးပေါင်းရင်းမြစ်များ

Matius 17:27

Bagitu lagi deng torang, tong ini Tuhan Allah pe ana-ana, jadi sebenarnya tong tara usa bayar pajak untuk Tuhan Allah pe Ruma Ibada. Tapi supaya dorang tara tersinggung, ngana pigi suda di talaga la mangael ikang. Ambe ikang yang pertama skali ngana dapa, kong buka dia pe mulu. Di situ ngana mo dapa doi yang cukup untuk bayar torang dua pe pajak untuk Ruma Ibada Pusat. Ngana ambe suda doi itu kong bayar tong dua pe pajak.”

Matius 18:6

Yesus bilang lagi, “Kalu ada orang yang biking orang biasa-biasa sama deng ana-ana kacil ini jadi berdosa sampe tara percaya lagi pa Kita, lebe bae ika orang itu pe leher, deng gantong batu basar satu pa dia kong kase tenggelam di dalam laut.

Kisah Para Rasul 19:27

Jadi, kalu samua orang iko apa yang Paulus bilang, torang pe hasil karja ini orang so tara pake lagi. Kong lebe soe lagi, torang pe tampa semba untuk puji-puji Artemis, orang-orang mo pandang enteng. Dia pe ahir kabawa, samua orang di daera Asia Kecil deng di seluru dunia so tara semba lagi pa torang pe puji-puji Artemis.”

Roma 14:13

Nanti Tuhan Allah mo adili pa torang samua, jadi jang torang baku kase sala lagi. Tapi lebe bae torang ati-ati supaya jang torang biking barang yang biking sampe torang pe sudara jatu dalam dosa!

1 Korintus 9:12

Orang laeng yang ajar firman pa ngoni me baharap pa ngoni untuk dong pe hidup hari-hari, apalagi torang. Pasti torang me ada hak lebe basar untuk dapa itu dari ngoni, to? Tapi biar bagitu me, torang tara pake torang pe hak itu. Biar torang susa, torang tetap batahang kong tara minta apa-apa pa orang yang tong kase tau Tuhan pe firman. Jang sampe deng torang minta itu, biking orang tara mo dengar Kabar Bae tentang Yesus Kristus lagi.

1 Korintus 9:22

Waktu kita sama-sama deng orang yang dong pe percaya pa Tuhan Yesus bolong kuat, kita batamang deng dorang kong tara biking apa-apa yang dong anggap tara bagus, supaya kita bole pengaru pa dorang la jadi percaya kuat pa Tuhan Yesus, biar cuma sadiki orang dari dorang yang iko.

2 Korintus 1:12

Sudara-sudara, yang biking torang pe hati sanang, itu karna tong pe dalam hati sandiri yang kase tau ini butul: torang pe kalakuang pa samua orang di dunia itu bae deng lebe-lebe lagi tong pe hubungan deng ngoni me bae. Torang pe hidup jujur, deng tong pe tujuan butul iko Tuhan Allah pe mau. Kong samua yang tong biking itu bukang karna tong iko manusia pe pande, tapi karna Tuhan Allah pe bae sampe tong mampo biking samua itu.

2 Korintus 8:20

Torang utus pa sudara satu itu la iko deng torang sama-sama untuk antar doi itu karna torang baati-ati skali, jang sampe ada orang yang mo kase sala pa torang waktu antar doi sumbangan yang banya skali ini.