2 Korintus 5:4 - Perjanjian Baru Bahasa Melayu Maluku Utara

⁴ Memang selama torang hidup deng tong pe badan di dunia ini, torang mengelu karna banya sengsara. Tapi biar torang mengelu, itu bukang berarti torang ingin capat mati la torang lapas tong pe badan yang skarang, tapi torang mau supaya torang ganti tong pe badan yang lama deng badan yang baru di sorga.

2 Korintus 5:4 ပူးပေါင်းရင်းမြစ်များ

Roma 8:23

Kong bukang cuma dunia deng dia pe isi saja yang tunggu dia pe hari itu, tapi torang lagi yang so percaya ada mengelu susa deng sengsara sementara tunggu Tuhan Allah mo kase Dia pe janji pa torang yang jadi Dia pe ana-ana. Tuhan Allah so kase Dia pe Roh kamuka pa torang, kong torang tunggu-tunggu Dia mo kase badan yang baru pa torang di sorga. Badan baru itu yang tara perna mo saki deng tara perna mo mati.

1 Korintus 15:51

Jadi dengar bae-bae, kita mo kase tau rahasia satu ini: tara samua torang yang percaya akan mati, tapi torang yang masi hidup ka, mati ka, torang samua pe badan akan beruba.

2 Korintus 5:2

Selama torang masi hidup di dunia ini, torang mengelu karna sengsara, kong tong rindu mo dapa badan yang baru di sorga.

2 Korintus 5:3

Barang, deng torang dapa badan yang baru itu, itu sama deng tong kase lapas tong pe pakeang lama la pake pakeang baru, biar torang tara talanjang.

2 Petrus 1:13

Selama kita masi hidup ini, kita rasa pantas mo kase inga itu turus pa ngoni.