2 Korintus 5:2 - Perjanjian Baru Bahasa Melayu Maluku Utara

² Selama torang masi hidup di dunia ini, torang mengelu karna sengsara, kong tong rindu mo dapa badan yang baru di sorga.

2 Korintus 5:2 ပူးပေါင်းရင်းမြစ်များ

Roma 7:24

Ado, kasiang e kita ini! Sapa yang mo tolong pa kita supaya kita jang biking dosa? Kalu tara ada to, kita mo dapa hukum tapisa deng Tuhan Allah slama-lamanya.

Roma 8:23

Kong bukang cuma dunia deng dia pe isi saja yang tunggu dia pe hari itu, tapi torang lagi yang so percaya ada mengelu susa deng sengsara sementara tunggu Tuhan Allah mo kase Dia pe janji pa torang yang jadi Dia pe ana-ana. Tuhan Allah so kase Dia pe Roh kamuka pa torang, kong torang tunggu-tunggu Dia mo kase badan yang baru pa torang di sorga. Badan baru itu yang tara perna mo saki deng tara perna mo mati.

1 Korintus 15:51

Jadi dengar bae-bae, kita mo kase tau rahasia satu ini: tara samua torang yang percaya akan mati, tapi torang yang masi hidup ka, mati ka, torang samua pe badan akan beruba.

Filipi 1:23

Kita ini sama deng ada mangada dua pilihan. Kita suka mo kase tinggal dunia ini supaya bisa tinggal sama-sama deng Yesus Kristus di sorga, karna itu memang yang paling bae.