2 Korintus 2:2 - Perjanjian Baru Bahasa Melayu Maluku Utara

² Karna kalu kita so kase sedi ngoni pe hati, sapa lagi yang bisa kase sanang kita pe hati? Tara ada lagi, barang kita so kase sedi ngoni yang bisa kase sanang pa kita.

2 Korintus 2:2 ပူးပေါင်းရင်းမြစ်များ

Matius 19:22

Waktu ana muda itu dengar Yesus bilang bagitu, dia pigi deng hati sedi, barang dia pe harta banya skali.

Roma 12:15

Turus, kalu ada orang yang sanang, ngoni iko sanang sama-sama deng dia. Kong kalu ada orang yang manangis, ngoni iko manangis sama-sama deng dia!

1 Korintus 12:26

Jadi kalu kaki atau tangan saki, samua me rasa saki. Deng kalu kaki atau tangan dapa hormat, yang laeng me rasa sanang.

2 Korintus 1:14

Skarang ngoni baru mangarti sadiki kita pe hati. Kita harap nanti waktu Tuhan Yesus datang ulang, ngoni jemaat Korintus mo hati sanang deng torang karna samua yang torang so biking, deng torang me mo hati sanang deng ngoni karna samua yang ngoni so biking.

2 Korintus 11:29

Barang, kalu ada satu dari kita pe sudara yang percaya rasa tara kuat, kita me hati susa. Kalu ada orang yang tagoda biking dosa sampe dia so tara percaya pa Tuhan, kita pe hati lagi jadi susa skali.

2 Korintus 7:8

Jadi, biar lagi kita so kase sedi ngoni pe hati deng kita pe surat yang kamuka itu, tapi kita tara manyasal ada tulis surat itu, karna ada dia pe guna pa ngoni. Memang, waktu kita baru tulis surat itu, kita rasa manyasal, karna kita tau kalu ngoni baca surat itu, pasti ngoni pe hati jadi sedi, biar lagi sedi itu cuma sementara.