2 Korintus 2:1 - Perjanjian Baru Bahasa Melayu Maluku Utara

¹ Jadi waktu itu, kita so ambe keputusan dalam hati, kita tara mo datang togor pa ngoni di ngoni pe muka lagi, karna kita tara mo biking ngoni pe hati sedi lagi sama deng kita datang tuhari tu.

2 Korintus 2:1 ပူးပေါင်းရင်းမြစ်များ

Kisah Para Rasul 11:29

Pe dengar bagitu, orang-orang yang percaya pa Yesus ambe keputusan la mo kumpul doi sumbangan kong kirim pa orang-orang yang percaya yang tinggal di daera Yudea. Dorang kase itu, iko dorang pe kemampuan masing-masing.

Kisah Para Rasul 15:2

Pe dengar itu, Paulus deng Barnabas tara setuju kong malawang karas dorang pe ajaran itu. Dia pe ahir kabawa, orang-orang yang percaya di Antiokhia ambe keputusan la suru pa Paulus, Barnabas deng orang-orang percaya yang laeng, pigi di jemaat di Yerusalem. Di Yerusalem, dorang mo baku dapa deng Yesus pe utusan-utusan yang orang sebut rasul-rasul, deng pa penatua-penatua, supaya dorang samua bicara tentang masala itu.

Kisah Para Rasul 15:37

Barnabas suka mo bawa lagi pa Yohanes yang dorang jaga pangge Markus.

1 Korintus 2:2

Barang waktu itu, kita so ambe keputusan bagini: selama kita ada sama-sama deng ngoni, yang paling penting yang kita mo bicara pa ngoni itu tentang Yesus Kristus, bukang mo pusing deng hal-hal laeng. Kita cuma mo bicara pa ngoni tentang Dia yang so mati di kayu salib untuk kase slamat pa manusia.

1 Korintus 4:21

Jadi skarang tinggal ngoni pili saja: kalu kita datang pa ngoni kong ngoni tetap tara beruba deng ngoni pe kalakuang itu, ngoni mau kita pukul pa ngoni deng tali? Atau ngoni mo beruba la kita bicara bae-bae pa ngoni deng kase tunju kita pe sayang?

1 Korintus 5:3

Memang kita tara sama-sama deng ngoni di situ, tapi kita pe hati ada di situ. Karna itu, kita so ambe keputusan, orang yang biking jahat itu, ngoni musti kase hukuman pa dia.

2 Korintus 1:23

Tuhan Allah tau, kita bolong jadi datang pa ngoni di kota Korintus, barang kita tara mau togor karas pa ngoni sampe biking ngoni hati saki deng jadi malu. Tuhan Allah yang jadi saksi, barang Dia tau kita pe isi hati.

2 Korintus 13:10

Jadi kita tulis surat ini untuk ngoni waktu kita masi jao dari ngoni la ngoni bertobat, supaya nanti waktu kita so sama-sama deng ngoni kita tara usa ambe tindakan karas untuk togor pa ngoni karna memang Tuhan so kase kuasa pa kita deng maksut untuk kase kuat ngoni pe percaya, bukang mo kase ancor ngoni pe percaya.

2 Korintus 2:4

Waktu kita tulis surat yang kamuka itu pa ngoni, kita pe hati sedi, kita rasa barát sampe kita pe aer mata me malele. Kita tulis surat itu bukang untuk biking ngoni sedi, tapi supaya ngoni tau, kita sayang skali pa ngoni samua.

Titus 3:12

Titus, kita mo suru pa Artemas atau Tikhikus pigi ka sana pa ngana. Kalu dia so sampe, ngana berusaha capat-capat datang kamari pa kita di kota Nikopolis, karna kita so ambe keputusan la mo tinggal di kota itu selama musim dingin ini.