2 Korintus 13:3 - Perjanjian Baru Bahasa Melayu Maluku Utara

³ Kita mo hukum pa ngoni yang masi biking dosa, karna ngoni sandiri yang minta bukti pa kita, apa Yesus Kristus yang suru kita kase tau Dia pe firman pa ngoni ka tarada. Yesus Kristus itu kalu togor pa ngoni, tara palang-palang, tapi Dia hukum pa ngoni deng Dia pe kuasa.

2 Korintus 13:3 ပူးပေါင်းရင်းမြစ်များ

Matius 10:20

Barang, bukang ngoni sandiri pe kata-kata yang kaluar tapi ngoni pe Bapa pe Roh, Dia yang mo kase kata-kata itu pa ngoni.

Lukas 21:15

Barang, Kita sandiri yang mo biking ngoni pande bajawab, sampe ngoni pe musu-musu tara mampo mo balas ngoni pe bicara atau mo baku malawang deng ngoni.

1 Korintus 7:40

Tapi menurut kita, bagus kalu dia so tara kawing lagi. Deng, kita rasa Tuhan Allah pe Roh yang pimpin pa kita untuk kase nasehat ini.

2 Korintus 10:1

Kita Paulus, minta pa ngoni supaya ngoni dengar bae-bae yang kita mo bilang ini. Ada dari ngoni yang bilang, kita tara barani togor karas pa ngoni waktu kita ada sama-sama deng ngoni. Kata, kita cuma barani togor karas waktu torang baku jao pake surat. Tapi skarang, sama deng Yesus Kristus pe sifat yang tara sombong deng tara kasar,

2 Korintus 10:4

Barang, torang tara lawan pake senjata dunia yang manusia pake, tapi torang pake kuasa dari Tuhan Allah yang bisa kase kala pa apa saja yang malawang Tuhan pe firman. Kuasa dari Tuhan Allah itu bole kase sama deng senjata yang tentara jaga pake untuk kase ancor dong pe musu-musu pe benteng-benteng yang kuat.

2 Korintus 12:12

Waktu kita masi sama-sama deng ngoni, kita so kase bukti, kita ini memang Yesus Kristus pe utusan, karna kita biking mujizat-mujizat, deng tanda-tanda laeng yang kase tunju Tuhan Allah pe kuasa sampe orang-orang jadi herang. Kong samua yang kita biking itu, kita biking deng sabar.

2 Korintus 2:10

jadi skarang, kita bilang pa ngoni, jang hukum lagi pa dia. Kalu ngoni kase ampun orang yang biking sala pa ngoni, kita me kase ampun pa dia. Kong kalu memang ada yang musti kita kase ampun, pasti kita kase ampun. Kita kase ampun orang itu untuk ngoni pe bae, kong Yesus Kristus yang jadi saksi kita kase ampun pa orang itu.

2 Korintus 2:6

Kong pa dia yang so biking torang sedi itu, banya dari ngoni jemaat yang so hukum pa dia, jadi itu so cukup suda.

2 Korintus 9:8

Kong karna Tuhan Allah pe bae yang talebe-lebe, Dia mampo kase lengkap ngoni pe perlu. Deng bagitu, dalam hal apa saja ngoni tara kurang apa-apa, deng ngoni akan mampo biking banya hal yang bae untuk bantu pa orang laeng.