2 Korintus 1:3 - Perjanjian Baru Bahasa Melayu Maluku Utara

³ Mari suda torang puji pa Tuhan Allah, torang pe Tuhan Yesus Kristus pe Bapa! Dia itu Bapa yang salalu kasiang pa torang, deng Dia itu Tuhan Allah yang salalu kase kuat torang pe hati.

2 Korintus 1:3 ပူးပေါင်းရင်းမြစ်များ

Yohanes 10:30

Kita deng Kita pe Bapa itu satu.”

Yohanes 20:17

Yesus bilang pa Maria, “Jang pegang pa Kita, karna Kita bolong bale pa Kita pe Bapa. Tapi ngana pigi suda pa Kita pe sudara-sudara yang jaga iko pa Kita kong bilang pa dorang, Kita skarang mo nae pigi pa Kita pe Bapa deng ngoni pe Bapa lagi. Dia itu lagi Kita pe Tuhan Allah deng ngoni lagi pe Tuhan Allah.”

2 Korintus 11:31

Yang kita bilang itu, butul. Tuhan Allah, torang pe Tuhan Yesus pe Bapa, Dia tau kita tara bafoya. Puji suda pa Dia sampe slama-lamanya.

2 Korintus 7:6

Tapi Tuhan Allah yang salalu kase kuat pa orang yang ilang smangat, Dia kirim Titus datang pa torang untuk kase kuat tong pe hati.

Efesus 1:17

Kita berdoa pa Tuhan Allah, torang pe Tuhan Yesus Kristus pe Bapa yang hebat. Kita minta supaya Dia pe Roh pe kuasa buka ngoni pe pikiran deng biking ngoni lebe mangarti tentang Tuhan Allah, sampe ngoni kanal pa Dia lebe dalam lagi.

Efesus 1:3

Mari suda torang puji pa Tuhan Allah, torang pe Tuhan Yesus Kristus pe Bapa! Dia so kase sagala berkat rohani dari sorga pa torang, karna torang so percaya pa Yesus Kristus.

Filipi 2:11

Dorang samua mo mangaku, “Yesus Kristus itu suda Tuhan.” Deng bagitu Tuhan Allah torang pe Bapa, mo dapa puji deng hormat!

Kolose 1:3

Tiap kali torang berdoa untuk ngoni, torang salalu bilang tarimakasi pa Tuhan Allah, torang pe Tuhan Yesus Kristus pe Bapa.

1 Petrus 1:3

Puji suda pa Tuhan Allah, Dia itu torang pe Tuhan Yesus Kristus pe Bapa. Dia pe rasa kasiang pa torang basar skali, sampe Dia kase pa torang hidup yang baru waktu Dia so kase hidup ulang pa Yesus Kristus. Kong karna itu, torang bole baharap deng percaya sunggu-sunggu pa Dia.

2 Yohanes 1:4

Kita sanang skali karna kita dengar ada dari ibu pe ana-ana yang hidup iko Tuhan pe ajaran. Apa yang dorang biking itu sama deng yang Tuhan Allah, torang pe Bapa, parenta pa torang.

2 Yohanes 1:9

Tiap orang yang so tara iko Yesus Kristus pe ajaran, kong iko ajaran laeng, dia itu so tara hidup satu hati deng Tuhan Allah. Tapi orang yang iko Yesus Kristus pe ajaran, dia itu so hidup satu hati deng Tuhan Allah, torang pe Bapa, deng Yesus Kristus, Anak Allah.