1 Yohanes 5:9 - Perjanjian Baru Bahasa Melayu Maluku Utara

⁹ Kalu manusia jadi saksi, torang percaya apa yang dia kase tau, apa lagi kalu Tuhan Allah yang jadi saksi, torang musti lebe percaya. Barang, yang Tuhan Allah kase tau itu tentang Dia pe Anak sandiri.

1 Yohanes 5:9 ပူးပေါင်းရင်းမြစ်များ

Matius 17:5

Waktu Petrus masi bicara, kage-kage awan yang tarang turung tutu pa dorang. Kong dorang dengar dari dalam awan itu ada suara yang bilang bagini, “Ini Kita pe Anak yang Kita sayang. Dia biking Kita pe hati sanang. Dengar suda pa Dia!”

Yohanes 10:38

Tapi Kita ini jaga biking yang Kita pe Bapa suru. Jadi, biar ngoni tara mau percaya pa Kita, tapi paling tarada ngoni musti percaya mujizat-mujizat yang Kita so biking. Deng bagitu, ngoni akan jadi tau deng mangarti, Kita pe Bapa deng Kita itu satu.”

Yohanes 5:39

Ngoni ini ada balajar bae-bae Kitab Suci, karna ngoni pikir, deng balajar bae-bae bagitu, ngoni mo dapa hidup deng Tuhan Allah slama-lamanya. Padahal di Kitab Suci itu suda ada kase tau tentang Kita mo datang.

Kisah Para Rasul 17:31

Barang, Tuhan Allah so ator satu waktu nanti mo adili pa torang samua deng adil. Tuhan Allah so tunju satu Orang untuk adili pa torang samua. Kong torang bole yakin samua itu akan jadi, karna Orang yang mo adili itu Tuhan Allah so kase hidup ulang pa Dia waktu Dia mati.”

Kisah Para Rasul 5:32

Torang ini yang jadi saksi tentang samua itu, barang torang so lia deng torang pe mata kapala sandiri. Roh Kudus me tau samua itu butul. Roh Kudus itu yang Tuhan Allah so kase pa samua orang yang dengar-dengaran pa Dia.”

Ibrani 2:4

Deng supaya orang bole yakin ajaran yang dorang kase tau itu butul, Tuhan Allah kase Dia pe kuasa pa dorang untuk biking mujizat-mujizat, deng tanda-tanda yang kase tunju Tuhan Allah pe kuasa sampe orang jadi herang. Deng Dia kase barbage Dia pe Roh Kudus pe kuasa pa dorang iko Dia pe mau la dorang ada karunia-karunia untuk pake layani pa orang-orang.

Ibrani 6:18

Jadi ada dua hal yang tara perna beruba: pertama, Tuhan Allah pe janji, deng kedua, Dia pe sumpa. Barang, Tuhan Allah tara perna bafoya. Kong karna itu, torang yang cari slamat pa Dia, torang pe hati jadi kuat kong torang bole percaya deng yakin, tong akan tarima samua yang Tuhan Allah so janji pa torang.

1 Yohanes 5:10

Sapa saja yang percaya pa Anak Allah, di dia pe hati dia so tarima apa yang Tuhan Allah so kase tau tentang Dia pe Anak. Tapi sapa saja yang tara percaya pa Tuhan Allah, dia biking Tuhan Allah sama deng pangbafoya, barang dia tara percaya apa yang Tuhan Allah so kase tau tentang Dia pe Anak.

1 Yohanes 5:8

Tuhan pe Roh, aer yang Yohanes pake untuk baptis Yesus, deng Yesus pe dara yang tatumpa di kayu salib. Tiga ini yang kase bukti Yesus datang dari Tuhan Allah.