1 Yohanes 4:8 - Perjanjian Baru Bahasa Melayu Maluku Utara

⁸ Tapi sapa yang tara sayang orang, dia tara kanal pa Tuhan Allah, barang Tuhan Allah itu pangsayang.

1 Yohanes 4:8 ပူးပေါင်းရင်းမြစ်များ

2 Korintus 13:11

Sudara-sudara, di ahir kita pe surat ini, kita minta ngoni samua hati sanang suda karna Tuhan. Ngoni berusaha la ngoni tamba butul-butul iko pa Tuhan Allah. Kong ngoni tarima kita pe nasehat samua ini. Ngoni hidup satu hati, deng hidup baku bawa bae-bae. Kalu ngoni hidup bagitu, Tuhan Allah yang sayang pa torang deng yang biking torang pe hati jadi tenang, akan sama-sama deng ngoni.

Efesus 2:4

Tapi Tuhan Allah pe rasa kasiang pa torang itu basar skali. Karna itu, Dia sayang skali pa torang.

Ibrani 12:29

Barang, Tuhan Allah yang torang semba itu, Dia sama deng api yang kase angus samua-samua.

1 Yohanes 1:5

Ini berita yang torang so dengar dari Yesus, kong torang kase tau pa ngoni bagini: Tuhan Allah itu tarang, jadi pa Dia sama skali tarada galap.

1 Yohanes 2:4

Sapa saja yang bilang, “Kita kanal pa Tuhan Allah,” tapi dia tara biking Tuhan Allah pe parenta-parenta, dia itu pangbafoya kong ajaran yang butul tara ada di dia pe dalam hati.

1 Yohanes 2:9

Sapa saja yang bilang dia hidup di tarang tapi dia binci pa dia pe sudara yang percaya, itu sama deng dia masi hidup di galap sampe skarang.

1 Yohanes 3:10

Torang bisa tau sapa yang jadi Tuhan Allah pe ana-ana deng sapa yang jadi Iblis pe ana-ana. Orang yang tara biking Tuhan Allah pe mau deng tara sayang pa dia pe sudara yang percaya pa Tuhan, dia itu bukang Tuhan Allah pe ana.

1 Yohanes 3:6

Jadi tiap orang yang tetap hidup satu hati deng Tuhan Yesus, dia tara biking dosa lagi. Barang, kalu orang itu masi biking dosa, dia tara perna mangarti sapa Yesus Kristus deng tara perna kanal pa Dia.

1 Yohanes 4:16

Torang so tau deng so percaya, Tuhan Allah paling sayang pa torang. Tuhan Allah itu pangsayang. Jadi sapa yang sayang pa orang-orang, orang itu tetap satu hati deng Tuhan Allah, kong Tuhan Allah me satu hati deng dia.

1 Yohanes 4:7

Sudara-sudara yang kita sayang, mari suda torang baku sayang satu deng yang laeng, karna sayang itu dari Tuhan Allah. Jadi sapa saja yang sayang orang, dia itu kanal pa Tuhan Allah kong so jadi Tuhan Allah pe ana.