1 Yohanes 4:6 - Perjanjian Baru Bahasa Melayu Maluku Utara

⁶ Torang ini dari Tuhan Allah. Jadi orang yang kanal pa Tuhan Allah, dia dengar pa torang. Tapi orang yang tara kanal pa Tuhan Allah, dia tara dengar pa torang. Dari situ torang dapa tau, orang yang ada Tuhan Allah pe Roh, dia bawa ajaran yang butul, deng orang yang tarada Tuhan Allah pe Roh, dia bawa ajaran yang tara butul.

1 Yohanes 4:6 ပူးပေါင်းရင်းမြစ်များ

Lukas 10:22

Samua yang ada pa Kita pe Bapa, Bapa so kase pa Kita. Tara ada satu orang yang tau sapa sebenarnya Kita Anak Allah, cuma Bapa yang tau. Kong tara ada satu orang yang tau sapa itu Bapa, cuma Kita, Anak Allah yang tau, deng orang-orang yang Kita pili untuk kanal pa Bapa.”

Yohanes 10:16

Tapi pa Kita lagi ada domba-domba laeng, yang bukang dari kandang ini. Domba-domba itu musti Kita bawa lagi kong dorang mo dengar Kita pe suara. Dorang itu mo jadi satu kelompok deng Kita pe domba-domba yang ada di kandang ini, kong Kita jadi dorang samua pe gembala.

Yohanes 10:27

Barang, Kita pe umat dengar Kita pe suara kong Kita kanal pa dorang, turus dong iko pa Kita, sama deng domba iko dia pe gembala.

Yohanes 10:3

Kalu gembala itu mo maso di kandang, orang yang jaga pintu kandang akan buka pintu pa dia. Turus, gembala itu pangge pa dia pe domba-domba, iko dong pe nama masing-masing, kong bawa pa dorang kaluar dari kandang itu. Domba-domba itu iko pa dorang pe gembala, barang dong kanal gembala itu pe suara.

Yohanes 13:20

Inga bae-bae yang Kita bilang ini. Sapa saja yang tarima pa orang-orang yang Kita utus, itu berarti dia so tarima lagi pa Kita. Kong sapa saja yang tarima pa Kita, itu berarti orang itu so tarima pa Bapa yang utus pa Kita.

Yohanes 14:17

Penolong itu Tuhan Allah pe Roh, yang mo kase ajar pa ngoni apa yang butul tentang Tuhan Allah. Orang-orang yang tara percaya pa Tuhan Allah, tara bisa tarima Tuhan Allah pe Roh itu, barang dorang tara dapa lia pa Dia deng tara kanal pa Dia. Tapi ngoni ini kanal pa Dia karna Dia ada sama-sama deng ngoni kong akan jadi satu deng ngoni.

Yohanes 15:26

Nanti Kita mo utus Roh Kudus untuk tolong pa ngoni, Roh Kudus itu dari Tuhan Allah. Roh Kudus itu yang mo kase tau yang butul tentang Tuhan Allah deng mo kase tau pa orang-orang tentang Kita.

Yohanes 16:13

Nanti kalu Roh Kudus yang mo tolong itu so datang, Dia mo kase ajar pa ngoni sampe ngoni bole mangarti samua yang butul. Barang, Roh Kudus itu tara bicara iko apa yang ada pa Dia pe pikiran sandiri, tapi Dia bicara iko apa yang Dia dengar dari Tuhan Allah. Kong Roh Kudus lagi yang mo kase tau pa ngoni apa yang mo jadi nanti.

Yohanes 18:37

Turus gubernur Pilatus batanya lagi pa Yesus, “Jadi Bapa ini Raja?” Yesus jawab pa dia, “Bapa yang bilang Kita ini Raja, deng memang itu butul suda dia pe tujuan Kita lahir deng Kita datang di dunia ini, supaya Kita bole kase tau yang butul. Kong sapa yang suka yang butul, dia pasti dengar pa Kita.”

Yohanes 20:21

Kong Yesus bilang ulang pa dorang, “Tuhan Allah biking ngoni hidup deng hati tenang! Kita pe Bapa so utus pa Kita, bagitu lagi Kita utus pa ngoni skarang.”

Yohanes 8:19

Kong dorang bilang pa Dia, “Di mana Guru pe Bapa kong?” Yesus jawab, “Ngoni tara kanal pa Kita, deng ngoni me tara kanal pa Kita pe Bapa. Kalu ngoni kanal pa Kita, pasti ngoni kanal lagi pa Kita pe Bapa.”

Yohanes 8:23

Kong Yesus bilang pa dorang, “Ngoni ini orang-orang yang pe asal dari dunia ini, tapi Kita pe asal dari sorga. Ngoni cuma tau orang-orang di dunia pe pikiran, tapi Kita lebe dari itu.

Roma 1:1

Sudara-sudara yang percaya di kota Roma. Salam dari kita Paulus. Kita ini orang yang jaga biking apa yang Kristus Yesus suru. Dia pili pa kita jadi Dia pe utusan yang orang jaga sebut rasul, deng Dia me kase tugas kusus pa kita untuk kase tau Kabar Bae dari Tuhan Allah pa orang-orang.

Roma 11:8

Dorang sama deng yang so tatulis di Kitab Suci bagini, “Tuhan Allah biking dorang pe hati deng pikiran sama deng orang yang so tasono. Dia biking dorang pe mata so tara bisa lia apa-apa, deng biking dorang pe talinga so tara bisa dapa dengar. Jadi, sampe hari ini dorang tara mangarti apa yang butul.”

1 Korintus 14:37

Kalu ada orang yang rasa dia ada karunia untuk kase turus pasáng dari Tuhan Allah, atau kalu dia rasa dia ada karunia yang laeng dari Roh Kudus, dia itu musti sadar, apa yang kita bilang ini, itu butul-butul parenta dari Tuhan Allah.

2 Korintus 10:7

Sudara-sudara, inga bae-bae apa yang butul yang ngoni so tau. Ada orang di situ yang bilang kata, cuma dorang itu saja yang biking apa yang Yesus Kristus suru, tapi dorang musti inga lagi, torang lagi orang yang biking apa yang Yesus Kristus suru, sama deng dorang.

2 Tesalonika 1:8

Kong Dia mo hukum orang-orang yang tara mau kanal pa Tuhan Allah deng yang tara mau iko Kabar Bae tentang Yesus Kristus, torang pe Tuhan.

1 Timotius 4:1

Roh Kudus so bilang deng jelas, nanti dekat-dekat hari kiamat, ada orang percaya yang akan kase tinggal lagi dorang pe percaya pa Tuhan Allah, kong taiko pa setang-setang yang jaga kase sesat pa manusia. Dorang itu cuma mo iko setang-setang pe ajaran.

2 Petrus 3:2

Ngoni musti inga Tuhan Allah pe pasáng yang dulu Dia pe nabi-nabi so perna kase tau. Ngoni me musti inga parenta dari torang pe Tuhan Yesus yang kase slamat pa torang. Parenta itu, Yesus pe utusan-utusan yang orang sebut rasul ada kase tau pa ngoni.

1 Yohanes 4:1

Sudara-sudara yang kita sayang, jang ngoni percaya pa samua orang yang bilang, pa dorang ada Tuhan Allah pe Roh. Lebe bae ngoni lia dulu bae-bae kalu dorang butul dari Tuhan ka bukang, karna banya orang yang datang skarang bilang kata, dong kase turus Tuhan Allah pe pasáng, padahal bafoya. Dorang cuma nabi palsu.

1 Yohanes 4:4

Tapi, ngoni yang kita so sayang sama deng kita pe ana-ana, ngoni ini dari Tuhan Allah. Jadi ngoni so kase kala pa nabi-nabi palsu, karna Roh yang ada pa ngoni Dia pe kuasa lebe basar dari roh yang ada di dunia ini.

1 Yohanes 4:8

Tapi sapa yang tara sayang orang, dia tara kanal pa Tuhan Allah, barang Tuhan Allah itu pangsayang.

1 Yohanes 5:19

Biar Iblis kuasai seluru dunia ini, torang tau, torang ini Tuhan Allah pe ana-ana.

Yudas 1:17

Tapi ngoni sudara-sudara yang kita sayang, inga apa yang torang pe Tuhan Yesus Kristus pe utusan-utusan so perna bilang.