1 Yohanes 4:3 - Perjanjian Baru Bahasa Melayu Maluku Utara

³ Tapi orang yang tara mangaku Yesus Kristus datang di dunia jadi manusia, pa dorang itu tarada Tuhan Allah pe Roh. Roh yang ada pa orang itu roh yang musu pa Yesus Kristus. Ngoni pasti so dengar roh itu mo datang kong skarang so ada di dunia ini.

1 Yohanes 4:3 ပူးပေါင်းရင်းမြစ်များ

Matius 24:5

Barang, banya orang akan datang pake Kita pe nama, deng dorang bilang bagini, ‘Kita ini suda Mesias, Raja yang Tuhan Allah janji mo kase slamat pa manusia!’ Tapi dorang itu cuma biking tipu banya orang la iko pa dorang.

1 Yohanes 2:18

Ngoni yang kita sayang sama deng kita pe ana-ana, hari kiamat so dekat, kong ngoni so dengar to, satu orang yang musu pa Yesus Kristus akan datang. Mala skarang dorang itu so banya yang datang. Itu dia pe tanda torang bole tau, hari kiamat so dekat.

1 Yohanes 2:22

Sapa yang pangbafoya? Tantu orang yang bilang kata, Yesus Kristus itu bukang Raja yang Tuhan Allah pili untuk kase slamat pa manusia. Orang itu musu pa Yesus Kristus. Dia tara percaya pa Bapa torang pe Tuhan Allah deng pa Anak Allah.

2 Yohanes 1:7

Kita tulis surat ini pa ngoni karna ada banya orang skarang pigi bakuliling di seluru dunia untuk kase sesat orang. Dorang itu tara percaya, Yesus Kristus itu datang di dunia sebagai manusia. Dorang itu pangbafoya deng dong musu pa Yesus Kristus.