1 Yohanes 3:3 - Perjanjian Baru Bahasa Melayu Maluku Utara

³ Samua orang yang baharap pa Tuhan sama deng itu, orang itu musti salalu hidup deng hati bersi sama deng Yesus Kristus yang suci itu.

1 Yohanes 3:3 ပူးပေါင်းရင်းမြစ်များ

Matius 5:48

Jadi, ngoni musti sayang pa samua orang deng sempurna, sama deng ngoni pe Bapa di sorga yang sayang pa samua orang deng sempurna.”

Lukas 6:36

Ngoni musti kase tunju rasa kasiang pa orang-orang, sama deng torang pe Bapa di sorga yang kase tunju Dia pe rasa kasiang pa samua orang.”

Yohanes 17:19

Bapa, Kita serakan Kita pe hidup pa Bapa. Kita biking bagitu untuk Kita pe orang-orang yang iko pa Kita, supaya dorang lagi mo serakan dorang pe hidup pa Bapa iko ajaran yang butul itu.”

Kisah Para Rasul 15:9

Tuhan Allah me tara pili-pili antara torang deng dorang, jadi Dia biking bersi dorang pe hati, karna dorang so percaya pa Yesus.

Roma 15:12

Kong nabi Yesaya me tulis Tuhan Allah pe janji di Kitab Suci bagini, “Nanti dari Isai pe turunan, ada yang jadi Raja pa orang-orang yang bukang Yahudi. Kong dorang itu nanti pe tampa baharap pa Dia.”

2 Korintus 7:1

Sudara-sudara yang kita sayang, karna torang so tarima Tuhan Allah pe janji-janji itu, mari suda torang kase bersi torang pe diri dari samua yang biking torang berdosa, bae itu yang ada pa tong pe hati, pikiran deng yang torang biking. Kong deng torang biking bagitu, torang yang so bersi dari dosa pa Tuhan Allah pe muka tamba hari jadi lebe tamba sempurna deng tako pa Tuhan Allah.

Kolose 1:5

Ngoni percaya deng sayang macam bagitu, barang ngoni so yakin, ngoni akan tarima apa yang Tuhan Allah so kase sadia untuk ngoni di sorga. Ngoni jadi yakin itu, mulai dari pertama kali ngoni dengar ajaran yang butul, itu Kabar Bae tentang Yesus Kristus.

2 Tesalonika 2:16

Yesus Kristus, torang pe Tuhan, deng Tuhan Allah, torang pe Bapa, sayang skali pa torang deng salalu kase kuat torang pe hati sampe torang bole baharap deng yakin torang dapa hidup deng Dia slama-lamanya. Torang bole yakin bagitu, karna torang tau, Yesus Kristus pe bae pa torang.

Titus 3:7

Tuhan Allah kase Dia pe bae pa torang, itu yang biking torang jadi orang yang tara sala pa Dia pe muka, kong deng bagitu, torang ada hak tarima Tuhan Allah pe janji untuk hidup deng Dia slama-lamanya, sama deng yang torang so harap.

Ibrani 12:14

Ngoni berusaha suda hidup baku bawa bae-bae deng samua orang, deng ngoni berusaha lagi hidup deng hati yang bersi pa Tuhan Allah pe muka. Kalu orang tara hidup deng hati bersi pa Tuhan Allah pe muka, orang itu nanti tara mo lia pa Tuhan Allah.

Ibrani 6:18

Jadi ada dua hal yang tara perna beruba: pertama, Tuhan Allah pe janji, deng kedua, Dia pe sumpa. Barang, Tuhan Allah tara perna bafoya. Kong karna itu, torang yang cari slamat pa Dia, torang pe hati jadi kuat kong torang bole percaya deng yakin, tong akan tarima samua yang Tuhan Allah so janji pa torang.

Ibrani 7:26

Yesus Kristus itu cocok skali jadi torang pe Imam Basar yang kase bae-bae torang pe hubungan deng Tuhan Allah, barang Dia itu Kudus, Dia tarada sala, deng Dia tara perna biking dosa. Tuhan Allah taru pa Yesus Kristus di tampa yang jao dari orang-orang berdosa, kong Dia angka pa Yesus Kristus di tampa yang paling terhormat di sorga.

Yakobus 4:8

Berusaha suda hidup dekat deng Tuhan Allah, supaya Dia badekat deng ngoni. Ee, ngoni orang-orang yang berdosa, kase bersi suda ngoni pe tangan yang jaga biking dosa! Deng ngoni yang masi tara tau mo iko yang mana: Tuhan Allah pe mau ka, dunia pe mau ka, ngoni musti kase bersi ngoni pe hati.

1 Petrus 1:15

Tapi ngoni musti hidup suci di samua-samua yang ngoni biking, sama deng Tuhan Allah yang pangge pa ngoni itu suci.

1 Petrus 1:3

Puji suda pa Tuhan Allah, Dia itu torang pe Tuhan Yesus Kristus pe Bapa. Dia pe rasa kasiang pa torang basar skali, sampe Dia kase pa torang hidup yang baru waktu Dia so kase hidup ulang pa Yesus Kristus. Kong karna itu, torang bole baharap deng percaya sunggu-sunggu pa Dia.

2 Petrus 1:4

Kong karna Dia hebat deng hati bae itu, Dia kase pa torang slamat, deng kase banya hal yang laeng lagi yang bagus deng berharga, sama deng yang Dia so janji. Dia kase itu supaya ngoni bisa talapas dari keinginan yang tara bae yang bisa kase rusak manusia pe hidup, deng supaya ngoni pe sifat bisa beruba jadi bae sama deng Dia pe sifat.

2 Petrus 3:14

Karna itu, sudara-sudara yang kita sayang, sementara ngoni tunggu samua itu mo jadi, ngoni musti berusaha turus-turus supaya ngoni pe hidup bersi deng tarada sala apa-apa pa Tuhan Allah pe muka, deng lagi ngoni pe hubungan deng Dia tetap bae.

1 Yohanes 2:6

Jadi sapa saja yang bilang dia hidup satu hati deng Tuhan Allah, dia musti hidup sama deng Yesus Kristus pe cara hidup.

1 Yohanes 4:17

Tuhan Allah pe sayang itu biking torang butul-butul baku sayang iko Dia pe mau, supaya nanti di hari kiamat, waktu Tuhan mo adili pa samua orang, torang tara tako, karna waktu torang hidup di dunia ini, torang iko sama deng yang Tuhan Yesus biking.