1 Yohanes 3:2 - Perjanjian Baru Bahasa Melayu Maluku Utara

² Sudara-sudara yang kita sayang, skarang torang ini Tuhan Allah pe ana-ana. Jadi torang tau, nanti waktu Yesus Kristus, Raja yang Tuhan Allah pili itu so datang ulang, torang mo jadi sama deng Dia, barang torang mo lia pa Dia yang sebenarnya. Tapi tentang torang pe hidup nanti bagimana, Dia bolong kase tau samua pa torang.

1 Yohanes 3:2 ပူးပေါင်းရင်းမြစ်များ

Matius 5:8

Paling sanang suda orang-orang yang pe hati bersi pa Tuhan Allah pe muka, karna dorang akan lia pa Tuhan Allah.

Lukas 17:30

Bagitu me, orang-orang tara akan siap waktu Anak Manusia datang dari sorga.

Lukas 20:36

Barang, dorang so hidup sama deng malaekat-malaekat deng dong so tara mati lagi. Dorang itu so jadi Tuhan Allah pe ana-ana karna Dia so kase hidup ulang pa dorang.

Yohanes 1:12

Tapi biar bagitu, ada orang yang tarima pa Dia deng percaya pa Dia. Pa dorang itu, Dia kase kuasa supaya dorang jadi Tuhan Allah pe ana-ana.

Yohanes 11:52

Kong bukang cuma untuk bangsa Yahudi saja, tapi Dia mati untuk samua orang yang mo jadi Tuhan Allah pe umat, supaya dorang di samua bangsa yang tapisa-pisa bole jadi satu.

Yohanes 17:24

Bapa, Kita ingin dorang yang Bapa so kase pa Kita itu salalu ada sama-sama deng Kita di Kita pe tampa tinggal nanti, supaya dorang bisa lia Kita pe kuasa yang luar biasa. Kuasa yang luar biasa itu Bapa so kase pa Kita karna Bapa sayang pa Kita dari waktu dunia bolong ada.

Roma 8:16

Torang tau, tong ini Tuhan Allah pe ana-ana karna Dia pe Roh yang biking torang yakin pa tong pe hati.

Roma 8:18

Kita yakin, torang pe sengsara yang torang dapa skarang di dunia ini, itu cuma kacil kalu kase banding deng sanang yang luar biasa yang nanti Tuhan Allah mo kase pa torang.

Roma 8:19

Karna itu, samua yang Tuhan Allah so cipta di dunia ini, ada tunggu-tunggu waktu Tuhan Allah mo kase tunju sapa Dia pe ana-ana.

Roma 8:29

Karna dari dulu, Tuhan Allah so pili pa sapa saja yang Tuhan Allah tau dorang itu nanti mo percaya pa Dia. Tuhan Allah so pili pa dorang itu supaya dorang pe sifat bole sama deng Yesus Kristus, Tuhan Allah pe Anak. Jadi, dorang itu so sama deng Yesus Kristus pe sudara, kong Tuhan Allah biking Yesus Kristus jadi Anak yang tua dari samua sudara yang percaya.

1 Korintus 13:12

Conto itu pe arti, skarang torang bolong mangarti samua tentang Tuhan Allah, itu sama deng torang ada lia torang pe diri di kaca yang kabur. Tapi nanti kalu torang deng Tuhan Allah so baku lia muka deng muka, torang akan tau samua tentang Dia deng jelas. Skarang torang bolong tau deng sempurna tentang Tuhan Allah, jadi Dia masi kase karunia dari Dia pe Roh, tapi nanti di sorga torang mo tau itu deng sempurna, jadi Tuhan Allah tara perlu kase karunia lagi pa torang, sama deng Dia yang kanal pa tong deng sempurna.

1 Korintus 15:49

Skarang torang pe badan macam deng manusia pertama yang Tuhan Allah biking dari tana. Tapi nanti kalu torang so hidup ulang, torang pe badan akan jadi macam deng Dia yang dari sorga.

1 Korintus 2:9

Rencana itu sama deng yang tatulis di Kitab Suci, bagini: “Tuhan Allah so kase sadia banya hal untuk orang-orang yang sayang pa Dia. Yang Dia so kase sadia itu, bolong perna manusia lia deng dia pe mata, bolong perna manusia dengar deng dia pe talinga, deng bolong perna ada pa manusia pe pikiran.”

2 Korintus 3:18

Kong untuk torang samua yang percaya, so tara ada lagi yang tutu tong pe pikiran, jadi torang bisa lia Tuhan pe kuasa yang luar biasa. Turus, orang me bisa lia Tuhan pe kuasa yang luar biasa pa torang pe diri. Barang, Tuhan salalu ruba torang pe hidup supaya torang bole jadi sama deng Dia, tamba hari torang pe kalakuang deng torang pe hidup tamba bae. Tuhan yang biking torang jadi bagitu, Dia itu suda Roh Kudus.

2 Korintus 4:17

Memang, sengsara yang tong dapa di dunia ini barát, tapi kalu tong pikir apa yang Tuhan Allah so sadia pa torang di sorga, sengsara itu bole torang bilang tara barát kong cuma sementara. Jadi kalu torang tetap batahang deng sengsara itu, torang so siap untuk tarima samua yang hebat itu di sorga.

Galatia 3:26

Jadi sudara-sudara, ngoni so jadi Tuhan Allah pe ana-ana karna ngoni so percaya pa Yesus Kristus.

Galatia 4:6

Kong karna torang so jadi Tuhan Allah pe ana-ana, Tuhan Allah so suru pa Dia pe Anak pe Roh tinggal di torang pe hati, kong Roh yang ada di torang pe hati itu bakarja deng biking torang bole pangge pa Tuhan Allah itu, “Papa e, ya Bapa!”

Filipi 3:21

Nanti waktu Dia datang, Dia mo ruba torang pe badan yang bisa ancor ini, jadi sama deng Dia pe badan yang luar biasa. Dia biking bagitu, karna Dia ada kuasa untuk biking samua-samua tundu iko Dia pe mau.

Kolose 3:4

Yesus Kristus itu suda yang ruba ngoni pe hidup jadi baru. Jadi nanti waktu Dia datang ulang yang kedua kali, samua orang akan lia pa Dia deng lia pa ngoni lagi, kong ngoni dapa puji deng hormat sama-sama deng Dia.

Ibrani 9:28

Bagitu lagi Yesus Kristus mati cuma satu kali saja, Dia mati itu supaya jadi korban persembahan untuk hapus banya orang pe dosa-dosa. Kong Dia akan datang lagi yang kedua kali, bukang untuk hapus manusia pe dosa-dosa, tapi untuk kase slamat pa orang-orang yang ada tunggu-tunggu Dia mo datang ulang.

2 Petrus 1:4

Kong karna Dia hebat deng hati bae itu, Dia kase pa torang slamat, deng kase banya hal yang laeng lagi yang bagus deng berharga, sama deng yang Dia so janji. Dia kase itu supaya ngoni bisa talapas dari keinginan yang tara bae yang bisa kase rusak manusia pe hidup, deng supaya ngoni pe sifat bisa beruba jadi bae sama deng Dia pe sifat.

1 Yohanes 2:28

Ngoni yang kita sayang sama deng kita pe ana-ana, ngoni musti tetap hidup satu hati deng Yesus Kristus, supaya waktu Dia datang ulang, torang so tara tako deng tara malu mo mangada pa Dia.

1 Yohanes 2:7

Sudara-sudara yang kita sayang, parenta yang kita tulis ini, bukang parenta yang baru tapi parenta yang so ada pa ngoni dari dulu. Parenta itu bagini: ngoni musti baku sayang satu deng yang laeng. Itu firman yang ngoni so perna dengar.

1 Yohanes 3:1

Coba ngoni pikir, pe basar skali Tuhan Allah torang pe Bapa pe sayang pa torang, sampe Dia bilang torang ini Dia pe ana-ana! Deng memang torang ini Dia pe ana-ana! Karna itu, orang-orang yang jaga iko dunia pe mau, dorang tara tau torang ini Dia pe ana-ana, barang dorang me tara kanal pa Tuhan Allah.

1 Yohanes 3:10

Torang bisa tau sapa yang jadi Tuhan Allah pe ana-ana deng sapa yang jadi Iblis pe ana-ana. Orang yang tara biking Tuhan Allah pe mau deng tara sayang pa dia pe sudara yang percaya pa Tuhan, dia itu bukang Tuhan Allah pe ana.

1 Yohanes 3:21

Sudara-sudara yang kita sayang, kalu di torang pe hati torang tau torang tara sala, torang tara usa tako lagi badekat pa Tuhan Allah.

1 Yohanes 5:1

Tiap orang yang percaya Yesus itu Kristus, Raja yang Tuhan Allah pili, orang itu Tuhan Allah pe ana. Deng sapa saja yang sayang pa Tuhan Allah, orang itu pasti sayang pa Tuhan Allah pe ana-ana.

Wahyu 2:28

Deng Kita akan kase bintang timur pa dia.

Wahyu 22:4

Dorang samua akan dapa lia Tuhan Allah pe muka, deng Dia pe nama akan tatulis di dong pe testa.