1 Yohanes 2:9 - Perjanjian Baru Bahasa Melayu Maluku Utara

⁹ Sapa saja yang bilang dia hidup di tarang tapi dia binci pa dia pe sudara yang percaya, itu sama deng dia masi hidup di galap sampe skarang.

1 Yohanes 2:9 ပူးပေါင်းရင်းမြစ်များ

Yohanes 9:41

Yesus jawab pa dorang, “Kalu ngoni buta, itu berarti ngoni tara tau apa yang butul, jadi waktu ngoni biking dosa, ngoni tara tau ngoni ada biking dosa. Tapi ngoni bilang kata, ngoni mangarti yang butul, kong ngoni tetap biking dosa, jadi Tuhan Allah bilang ngoni masi tetap ada dosa.”

Kisah Para Rasul 1:15

Satu kali bagini, waktu orang-orang yang percaya pa Yesus bakumpul sama-sama, dorang itu pe banya mangkali saratus dua pulu orang. Turus Petrus badiri pa dong pe tenga-tenga kong bilang,

2 Petrus 1:9

Tapi orang-orang percaya yang tara biking samua itu, dorang pe cara bapikir pende, dorang itu lagi sama deng orang buta, karna dorang lupa Tuhan Allah so kase ampun dong pe dosa-dosa.

1 Yohanes 1:6

Kalu torang bilang torang so hidup satu hati deng Dia tapi torang pe hidup masi di galap, torang so bafoya kong yang torang biking itu tara butul.

1 Yohanes 2:11

Tapi sapa yang binci pa dia pe sudara yang percaya pa Tuhan, dia itu masi hidup di galap. Dia tara tau mo pigi di mana, karna galap itu yang biking sampe dia so tara lia apa-apa.

1 Yohanes 2:4

Sapa saja yang bilang, “Kita kanal pa Tuhan Allah,” tapi dia tara biking Tuhan Allah pe parenta-parenta, dia itu pangbafoya kong ajaran yang butul tara ada di dia pe dalam hati.

1 Yohanes 3:10

Torang bisa tau sapa yang jadi Tuhan Allah pe ana-ana deng sapa yang jadi Iblis pe ana-ana. Orang yang tara biking Tuhan Allah pe mau deng tara sayang pa dia pe sudara yang percaya pa Tuhan, dia itu bukang Tuhan Allah pe ana.

1 Yohanes 4:20

Kalu ada orang bilang, “Kita sayang pa Tuhan Allah,” tapi dia binci dia pe sudara yang percaya, itu dia bafoya. Karna sapa saja yang tara sayang pa orang laeng yang dia lia, tara mungkin dia sayang pa Tuhan Allah yang dia tara dapa lia.