1 Yohanes 2:3 - Perjanjian Baru Bahasa Melayu Maluku Utara

³ Kalu torang iko Tuhan Allah pe parenta-parenta, itu kase tunju torang butul-butul kanal pa Tuhan Allah.

1 Yohanes 2:3 ပူးပေါင်းရင်းမြစ်များ

Lukas 6:46

Yesus bilang lagi, “Bikiapa kong ngoni pangge pa Kita, ‘Tuhan, Tuhan’, padahal ngoni tara biking apa yang Kita bilang?

Yohanes 14:15

Yesus bilang lagi, “Kalu ngoni sayang pa Kita, ngoni akan biking Kita pe parenta-parenta.

Yohanes 15:10

Kalu ngoni biking Kita pe parenta, ngoni mo rasa turus Kita pe sayang, sama deng Kita biking Kita pe Bapa pe parenta, kong Kita bole rasa turus Dia pe sayang.

Yohanes 15:14

Ngoni itu memang Kita pe tamang bae, kalu ngoni jaga biking Kita pe parenta.

Yohanes 17:3

Kong hidup deng Bapa slama-lamanya itu, pe maksut bagini: dorang so kanal Bapa itu Tuhan Allah yang butul, tara ada yang laeng, deng dorang so kanal Yesus Kristus itu yang Bapa utus untuk datang di dunia ini.

2 Korintus 4:6

Barang, waktu Tuhan Allah biking dunia ini, Dia bicara supaya galap jadi tarang. Bagitu lagi, Dia biking torang pe hati yang galap jadi tarang, supaya tong bole mangarti Tuhan Allah pe kuasa yang luar biasa, kong itu torang bole lia dari Yesus Kristus pe hidup.

Ibrani 5:9

Deng Yesus biking bagitu, Tuhan Allah so biking Dia jadi sempurna, supaya Dia yang bisa kase slamat pa sapa saja yang dengar-dengaran pa Dia untuk slama-lamanya.

1 Yohanes 2:13

Bapa-bapa, kita tulis surat ini pa ngoni, karna ngoni so kanal pa Dia yang so ada dari dulu waktu dunia ini bolong ada. Kita me tulis surat ini pa ngoni pemuda-pemuda karna ngoni so kase kala Iblis, setang-setang pe raja.

1 Yohanes 3:14

Kalu torang sayang torang pe sudara yang percaya, torang tau torang so tara hidup tapisa dari Tuhan Allah lagi, torang so hidup deng Tuhan Allah slama-lamanya. Tapi sapa yang tara sayang dia pe sudara yang percaya, dia pe hidup tetap tapisa deng Tuhan Allah slama-lamanya, macam deng orang yang so mati.

1 Yohanes 3:19

Kalu torang sayang pa orang bagitu, torang bisa tau torang ini iko yang butul, deng torang pe hati jadi tenang pa Tuhan Allah pe muka,

1 Yohanes 3:6

Jadi tiap orang yang tetap hidup satu hati deng Tuhan Yesus, dia tara biking dosa lagi. Barang, kalu orang itu masi biking dosa, dia tara perna mangarti sapa Yesus Kristus deng tara perna kanal pa Dia.

1 Yohanes 4:13

Tuhan Allah so kase Dia pe Roh pa torang supaya torang bole tau, Tuhan Allah tetap ada di torang pe hati, kong torang tetap jadi satu hati deng Dia.

1 Yohanes 4:7

Sudara-sudara yang kita sayang, mari suda torang baku sayang satu deng yang laeng, karna sayang itu dari Tuhan Allah. Jadi sapa saja yang sayang orang, dia itu kanal pa Tuhan Allah kong so jadi Tuhan Allah pe ana.

1 Yohanes 5:19

Biar Iblis kuasai seluru dunia ini, torang tau, torang ini Tuhan Allah pe ana-ana.

1 Yohanes 5:2

Turus kalu torang sayang pa Tuhan Allah deng iko Dia pe parenta-parenta, itu jadi bukti torang me sayang Dia pe ana-ana.

1 Yohanes 5:3

Kalu torang sayang pa Tuhan Allah, torang iko Dia pe parenta-parenta. Kong Dia pe parenta-parenta itu tara susa untuk torang biking.

Wahyu 12:17

Abis itu, naga itu jadi mara skali pa parampuang itu. Karna itu, dia pigi baku prang deng parampuang itu pe turunan yang laeng. Turunan itu orang-orang yang iko Tuhan Allah pe parenta deng mangaku dorang itu Tuhan Yesus pe umat.

Wahyu 14:12

Jadi yang penting di sini, orang-orang yang so jadi Tuhan Allah pe umat, musti batahang percaya pa Dia biar dapa siksa. Dorang itu yang iko Tuhan Allah pe parenta, deng tetap percaya pa Yesus.

Wahyu 22:14

Orang-orang yang pe hati so bersi, dorang sama deng orang yang cuci dong pe pakeang sampe bersi. Dorang itu paling sanang suda, karna nanti dong bole maso di dalam kota itu iko pintu-pintu gerbang, deng dorang lagi ada hak untuk makang bua yang biking dorang hidup deng Tuhan Allah sampe slama-lamanya.