1 Yohanes 2:12 - Perjanjian Baru Bahasa Melayu Maluku Utara

¹² Ngoni yang kita sayang sama deng kita pe ana-ana, kita tulis surat ini pa ngoni, barang ngoni so dapa ampun dari ngoni pe dosa karna apa yang Yesus Kristus so biking.

1 Yohanes 2:12 ပူးပေါင်းရင်းမြစ်များ

Kisah Para Rasul 10:43

Dulu, samua nabi so perna kase tau Tuhan Allah pe pasáng yang bilang, Yesus mo datang. Dorang bilang kalu orang percaya pa Dia, orang itu pe dosa-dosa pasti mo dapa ampun karna Yesus pe kuasa.”

Kisah Para Rasul 13:38

Jadi sudara-sudara, torang kase tau pa ngoni, karna Yesus so mati di kayu salib deng so hidup ulang, ngoni pe dosa-dosa so dapa ampun.

Efesus 1:7

Barang, deng Yesus Kristus mati kong Dia pe dara tatumpa untuk tebus pa torang, torang bole dapa ampun dari torang pe dosa-dosa. Samua itu torang dapa, karna Tuhan Allah pe bae yang basar skali pa torang.

Kisah Para Rasul 4:12

Jadi, cuma Yesus saja yang bisa kase slamat pa manusia, karna di seluru dunia, cuma Dia saja yang Tuhan Allah pili untuk kase slamat pa manusia. Tara ada yang laeng.”

Kolose 1:14

Dia pe Anak itu suda yang so tebus pa torang kong so kase ampun pa torang dari torang pe dosa-dosa.

1 Yohanes 1:7

Tapi kalu torang hidup di tarang, sama deng Tuhan Allah ada di tarang, pasti torang so hidup satu hati satu deng yang laeng. Dia kase bersi pa torang dari torang pe dosa samua, karna Yesus, Dia pe Anak so mati di kayu salib.

1 Yohanes 1:4

Samua ini torang tulis untuk ngoni supaya torang samua pe hati tatamba sanang.

Lukas 24:47

Deng nanti Kita pe umat mo bawa Kabar Bae pake Kita pe nama pa samua suku bangsa di dunia supaya dorang bertobat dari dorang pe dosa kong Tuhan Allah mo kase ampun pa dorang. Kong dorang mo kase tau Kabar Bae itu pa orang-orang, mulai dari kota Yerusalem.

Lukas 5:20

Waktu Yesus lia orang lumpu pe tamang-tamang biking bagitu, Yesus tau dorang percaya pa Dia. Kong Yesus bilang pa orang lumpu itu, “Bapa, bapa pe dosa so dapa ampun.”

1 Yohanes 2:21

Kita tulis surat ini pa ngoni, bukang karna ngoni tara tau ajaran yang butul, tapi karna ngoni so tau itu, deng ngoni me tau, tarada yang tara butul di ajaran yang butul itu.

1 Yohanes 2:7

Sudara-sudara yang kita sayang, parenta yang kita tulis ini, bukang parenta yang baru tapi parenta yang so ada pa ngoni dari dulu. Parenta itu bagini: ngoni musti baku sayang satu deng yang laeng. Itu firman yang ngoni so perna dengar.

1 Yohanes 2:1

Sudara-sudara yang kita sayang sama deng kita pe ana-ana, kita tulis surat ini pa ngoni supaya jang ngoni biking dosa lagi. Tapi kalu ada dari ngoni yang biking dosa, ada yang mo bela pa dia di Tuhan Allah torang pe Bapa pe muka. Yang mo bela itu, Yesus Kristus, Dia yang adil.

1 Yohanes 1:9

Kalu torang mangaku torang pe dosa pa Tuhan Allah, Dia mo kase ampun pa torang deng Dia mo kase bersi pa torang dari samua yang jahat yang torang so biking. Dia kase ampun torang pe dosa, itu karna Dia adil deng Dia pasti mo biking samua yang Dia so janji.

Efesus 4:32

Tapi lebe bae ngoni bae-bae pa orang laeng deng sayang pa dorang. Ngoni kase ampun suda pa orang yang biking sala pa ngoni, sama deng Tuhan Allah so kase ampun pa ngoni yang so percaya pa Yesus Kristus.

1 Korintus 6:11

Deng ada babarapa dari ngoni yang dulu pe kalakuang tara bae bagitu. Tapi skarang so tarada, karna Tuhan Allah so kase bersi pa ngoni dari dosa. Tuhan Allah so biking ngoni jadi Dia pe umat sandiri deng biking ngoni jadi orang yang tara sala pa Dia pe muka. Tuhan Allah biking samua itu karna Tuhan Yesus Kristus so mati untuk kase slamat pa torang, deng karna Roh dari torang pe Tuhan Allah bakarja di ngoni pe hati.