1 Yohanes 1:8 - Perjanjian Baru Bahasa Melayu Maluku Utara

⁸ Kalu torang bilang torang tarada dosa, torang so tipu torang pe diri sandiri, kong yang butul pa torang so tara ada.

1 Yohanes 1:8 ပူးပေါင်းရင်းမြစ်များ

Yohanes 8:44

Ngoni pe papa itu Iblis, setang-setang pe raja, barang ngoni suka biking ngoni pe papa itu pe mau. Iblis itu, dari dulu sampe skarang ini, dia pangbunu orang. Dia tara tau biking yang butul, karna pa dia itu tara ada yang butul. Waktu dia bafoya, dia bilang itu memang dari dia pe sifat sandiri, karna dia itu pangbafoya, kong dia itu samua pangbafoya pe papa.

Roma 3:10

Sama deng yang tatulis di Kitab Suci bagini, “Tarada orang yang butul pa Tuhan Allah pe muka, biar cuma satu lagi.

Roma 3:23

Barang, samua orang so biking dosa, kong so tara dapa lia lagi Tuhan Allah pe kuasa yang luar biasa dalam dorang pe hidup.

1 Korintus 3:18

Kalu ngoni anggap ngoni pe diri pande, itu ngoni so tipu ngoni pe diri sandiri, karna ngoni cuma pande di manusia pe muka saja. Lebe bae, ngoni tarima Tuhan Allah pe ajaran. Deng bagitu, biar manusia di dunia anggap ngoni bodo, tapi Tuhan Allah anggap ngoni pande.

Galatia 6:3

Karna kalu ada orang yang pikir kata, dia pe diri itu lebe penting dari orang laeng, padahal tara bagitu, dia itu so kase foya pa dia pe diri sandiri.

1 Timotius 6:5

Orang yang jaga kase ajar ajaran sesat itu, dong pe hidup suka baku malawang, deng dorang itu tara tau apa yang butul, kong dong kira deng hidup iko Tuhan Allah pe mau, dong mo jadi kaya.

2 Timotius 3:13

Tapi orang yang jahat deng yang tukang tipu, dorang itu lebe hari lebe tamba jahat. Dorang tipu pa orang-orang kong orang laeng me tipu pa dorang.

Yakobus 1:22

Jadi jang ngoni cuma dengar Tuhan Allah pe firman saja, tapi ngoni musti biking itu. Karna kalu tarada, itu sama deng ngoni tipu ngoni pe diri sandiri.

Yakobus 1:26

Kalu ada orang yang anggap dia pe diri rajin baibada, tapi dia salalu bicara yang tara bae atau tara jaga dia pe mulu, itu dia tipu dia pe diri sandiri. Jadi dia pe ibada pa Tuhan itu tarada guna.

Yakobus 3:2

Torang samua jaga biking sala di banya hal. Orang yang mampo jaga dia pe mulu sampe tara sala bicara, dia itu orang yang sempurna, yang bole kuasai dia pe diri sandiri.

2 Petrus 2:13

Tuhan Allah akan kase hukuman yang barát pa dorang untuk balas samua yang tara bae yang dorang so biking. Siang-siang me, dorang suka skali biking apa yang cuma kase sanang dong pe diri sandiri. Kong kalu ada acara makang-makang, dorang itu cuma kase puas dong pe diri saja. Dorang tara tau malu, jadi dong biking sampe ngoni jemaat pe nama bae rusak. Deng biking bagitu dorang sama deng noda yang biking kotor di kaeng satu yang bersi.

1 Yohanes 1:10

Kalu torang bilang torang tara perna biking dosa, itu sama saja deng torang so bilang Tuhan Allah pangbafoya kong Dia pe firman tarada di torang pe hati.

1 Yohanes 1:6

Kalu torang bilang torang so hidup satu hati deng Dia tapi torang pe hidup masi di galap, torang so bafoya kong yang torang biking itu tara butul.

1 Yohanes 2:4

Sapa saja yang bilang, “Kita kanal pa Tuhan Allah,” tapi dia tara biking Tuhan Allah pe parenta-parenta, dia itu pangbafoya kong ajaran yang butul tara ada di dia pe dalam hati.

1 Yohanes 4:20

Kalu ada orang bilang, “Kita sayang pa Tuhan Allah,” tapi dia binci dia pe sudara yang percaya, itu dia bafoya. Karna sapa saja yang tara sayang pa orang laeng yang dia lia, tara mungkin dia sayang pa Tuhan Allah yang dia tara dapa lia.

2 Yohanes 1:2

Torang sayang pa ngoni karna Tuhan pe ajaran itu ada pa torang pe hati, kong ajaran itu ada turus pa torang sampe slama-lamanya.

3 Yohanes 1:3

Kita sanang skali waktu torang pe sudara-sudara yang percaya datang kase tau ngana pe kabar pa kita. Dorang bilang ngana tetap percaya ajaran yang butul, deng memang ngana iko samua ajaran yang butul itu.