1 Yohanes 1:6 - Perjanjian Baru Bahasa Melayu Maluku Utara

⁶ Kalu torang bilang torang so hidup satu hati deng Dia tapi torang pe hidup masi di galap, torang so bafoya kong yang torang biking itu tara butul.

1 Yohanes 1:6 ပူးပေါင်းရင်းမြစ်များ

Matius 7:22

Nanti di hari kiamat, banya orang yang mo bilang pa Kita bagini, ‘Tuhan! Tuhan! Torang ini so kase turus Tuhan Allah pe pasáng pake Tuhan Allah pe nama. Torang me so user setang dari orang-orang, pake Tuhan pe kuasa. Deng torang lagi so biking banya mujizat pake Tuhan pe kuasa.’

Yohanes 11:10

Tapi kalu orang bajalang malam-malam, dia pe kaki pasti tagate, barang pa dia tara ada tarang.”

Yohanes 12:35

Kong Yesus bilang pa dorang, “So tara lama lagi, Tarang ini ada sama-sama deng ngoni. Jadi waktu Tarang ini masi ada, ngoni musti bajalang sama-sama deng Tarang ini turus, jang sampe galap tutu ngoni pe jalang. Barang, sapa yang bajalang di galap, dia tara akan tau ka mana dia mo pigi.

Yohanes 12:46

Kita datang di dunia ini sebagai Tarang, supaya sapa saja yang percaya pa Kita, dia itu so tara hidup lagi di dalam galap.

Yohanes 8:12

Yesus kase turus Dia pe bicara pa orang banya yang masi ada di situ bagini, “Kita ini tarang dunia yang kase tarang manusia pe hati. Sapa saja yang iko pa Kita, dia itu tara akan hidup dalam galap, tapi dia akan hidup di dalam tarang, yang biking dia dapa hidup deng Tuhan Allah slama-lamanya.”

Yohanes 8:55

Tapi sebenarnya ngoni tara kanal pa Dia. Kita ini yang kanal pa Dia. Kalu Kita bilang Kita tara kanal pa Dia, Kita ini pangbafoya sama deng ngoni. Tapi yang sebenarnya, Kita kanal pa Dia, deng Kita jaga iko apa yang Dia bilang.

1 Timotius 4:2

Orang-orang yang jaga kase ajar ajaran sesat, dorang itu munafik deng tukang bafoya. Dorang so tarada hati lagi, so tara tau mana yang butul.

Yakobus 2:14

Sudara-sudara, kalu satu orang bilang dia percaya pa Tuhan, tapi dia tara biking apa yang Tuhan mau dalam dia pe hidup, dia pe percaya itu tarada guna. Jadi, Tuhan tara kase slamat pa orang-orang yang percaya macam bagitu.

Yakobus 2:16

Kong ada dari ngoni yang cuma bilang pa dia, “Bae-bae di jalang, e! Tuhan berkati pa ngana la jang ngana dingin deng jang ngana lapar.” Yang ngoni bilang itu tarada dia pe guna, karna ngoni tara bantu apa yang dia perlu.

Yakobus 2:18

Mangkali ada yang tara setuju kong mo bilang bagini, “Ada orang yang cuma percaya saja pa Tuhan, deng ada orang yang cuma biking saja barang yang bae.” Kita mo bilang pa orang yang bilang bagitu, “Ngana tara bisa kase bukti ngana percaya pa Tuhan, karna ngana cuma biking hal yang bae. Tapi kita, kita mo kase tunju kita pe percaya pa Tuhan deng cara biking hal yang bae.”

1 Yohanes 1:10

Kalu torang bilang torang tara perna biking dosa, itu sama saja deng torang so bilang Tuhan Allah pangbafoya kong Dia pe firman tarada di torang pe hati.

1 Yohanes 1:3

Skarang torang kase tau pa ngoni apa yang torang so lia deng so dengar dari Dia, supaya ngoni deng torang bole hidup satu hati, deng bagitu torang samua bole hidup satu hati deng torang pe Bapa, Tuhan Allah deng Dia pe Anak Yesus Kristus.

1 Yohanes 1:8

Kalu torang bilang torang tarada dosa, torang so tipu torang pe diri sandiri, kong yang butul pa torang so tara ada.

1 Yohanes 2:4

Sapa saja yang bilang, “Kita kanal pa Tuhan Allah,” tapi dia tara biking Tuhan Allah pe parenta-parenta, dia itu pangbafoya kong ajaran yang butul tara ada di dia pe dalam hati.

1 Yohanes 4:20

Kalu ada orang bilang, “Kita sayang pa Tuhan Allah,” tapi dia binci dia pe sudara yang percaya, itu dia bafoya. Karna sapa saja yang tara sayang pa orang laeng yang dia lia, tara mungkin dia sayang pa Tuhan Allah yang dia tara dapa lia.