1 Yohanes 1:5 - Perjanjian Baru Bahasa Melayu Maluku Utara

⁵ Ini berita yang torang so dengar dari Yesus, kong torang kase tau pa ngoni bagini: Tuhan Allah itu tarang, jadi pa Dia sama skali tarada galap.

1 Yohanes 1:5 ပူးပေါင်းရင်းမြစ်များ

Yohanes 1:19

Satu kali bagini, Yohanes Pembaptis sementara kase tau pa orang-orang sapa itu yang Tuhan Allah ada utus untuk datang kase slamat pa dorang, kong ada babarapa imam deng orang-orang dari suku Lewi yang jaga layani di Ruma Ibada Pusat, dorang datang pa dia. Dorang dapa utus dari pemimpin-pemimpin agama Yahudi untuk batanya pa Yohanes bagini, “Ngana ini sebenarnya sapa?”

Yohanes 1:4

Dia itu yang kase hidup pa samua-samua yang ada. Kong Dia itu lagi yang kase tarang pa manusia pe hati yang galap supaya dorang bole tau tentang Tuhan Allah.

Yohanes 1:9

Tarang yang butul itu Yesus suda, kong Dia sementara datang di dunia. Dia mo kase tarang samua orang pe hati la dorang bole tau tentang Tuhan Allah.

Yohanes 8:12

Yesus kase turus Dia pe bicara pa orang banya yang masi ada di situ bagini, “Kita ini tarang dunia yang kase tarang manusia pe hati. Sapa saja yang iko pa Kita, dia itu tara akan hidup dalam galap, tapi dia akan hidup di dalam tarang, yang biking dia dapa hidup deng Tuhan Allah slama-lamanya.”

Yohanes 9:5

Jadi selama Kita masi ada di dalam dunia, Kita ini tarang dunia yang kase tarang manusia pe hati.”

1 Korintus 11:23

Karna, kita so kase tau pa ngoni apa yang kita so dengar dari Tuhan Yesus sandiri: malam itu, waktu Tuhan Yesus mo dapa serakan, Dia ambe roti,

1 Timotius 6:16

Cuma Tuhan Allah saja yang tara perna mati. Dia hidup di dalam tarang. Tarang itu tarang skali, sampe orang me tara bole badekat pa Dia. Deng tarada orang yang perna lia pa Dia, deng memang butul tara orang bisa lia pa Dia. Samua hormat untuk Dia, deng samua kuasa ada pa Dia sampe slama-lamanya. Amin!

Yakobus 1:17

Barang, samua yang bae deng sempurna yang torang dapa, itu datang dari Tuhan Allah yang di sorga. Dia itu torang pe Bapa yang biking matahari, bulan, deng bintang untuk kase tarang langit. Matahari, bulan, deng bintang itu basinar iko dia pe waktu untuk kase tarang dunia ini. Tapi Tuhan Allah tara bagitu, Dia tara beruba, Dia salalu bae.

1 Yohanes 3:11

Dari dulu ngoni so dengar berita ini: torang samua musti baku sayang.

Wahyu 21:23

Kota itu tara perlu sinar matahari deng bulan untuk kase tarang, karna Tuhan Allah pe cahaya yang luar biasa yang kase tarang kota itu, deng Anak Domba itu yang so jadi sama deng lampu yang manyala.

Wahyu 22:5

Di kota itu, tarada malam. Jadi Tuhan Allah pe umat, dong so tara perlu lagi cahaya lampu atau sinar matahari, karna Tuhan Allah pe diri sandiri yang jadi sinar untuk kase tarang pa dorang. Kong dorang mo berkuasa sebagai raja sampe slama-lamanya.