1 Yohanes 1:3 - Perjanjian Baru Bahasa Melayu Maluku Utara

³ Skarang torang kase tau pa ngoni apa yang torang so lia deng so dengar dari Dia, supaya ngoni deng torang bole hidup satu hati, deng bagitu torang samua bole hidup satu hati deng torang pe Bapa, Tuhan Allah deng Dia pe Anak Yesus Kristus.

1 Yohanes 1:3 ပူးပေါင်းရင်းမြစ်များ

Yohanes 17:11

Kita tara lama lagi di dunia ini karna Kita mo pigi pa Bapa, tapi dorang akan tetap ada di dunia ini. Ya Bapa yang kudus, tolong jaga pa dorang pake Bapa pe kuasa yang Bapa so kase pa Kita, supaya dorang bole jadi satu hati satu deng yang laeng, sama deng Kita deng Bapa lagi so satu.

Yohanes 17:21

Bapa, Kita minta supaya dorang itu jadi satu hati satu deng yang laeng, sama deng Kita lagi jadi satu deng Bapa kong Bapa jadi satu deng Kita. Kita minta dorang jadi satu hati satu deng yang laeng supaya dorang lagi jadi satu deng Torang. Kita minta bagitu supaya kalu torang samua jadi satu, samua orang di dunia ini jadi percaya, Bapa yang utus pa Kita.

Yohanes 17:25

Ya Bapa yang adil, orang-orang yang ada di dunia ini tara kanal pa Bapa, tapi Kita kanal pa Bapa. Deng Kita pe murit-murit tau, Bapa itu yang utus pa Kita.

Yohanes 17:3

Kong hidup deng Bapa slama-lamanya itu, pe maksut bagini: dorang so kanal Bapa itu Tuhan Allah yang butul, tara ada yang laeng, deng dorang so kanal Yesus Kristus itu yang Bapa utus untuk datang di dunia ini.

Yohanes 19:35

Di situ, ada lagi orang yang lia samua itu deng dia pe mata kapala sandiri, kong dia kase tau samua itu. Dia tau yang dia kase tau itu butul, kong dia bilang samua itu supaya ngoni bole percaya.

Kisah Para Rasul 13:32

Jadi, skarang ini torang dua mo kase tau Kabar Bae tentang Yesus Kristus pa ngoni. Kabar Bae itu, yang Tuhan Allah janji pa torang pe orang tua dulu-dulu.

Kisah Para Rasul 13:41

‘Woe ngoni orang-orang yang jaga pandang enteng, perhatikan bae-bae. Kita mo biking hal-hal yang luar biasa, yang biking ngoni jadi herang skali. Tapi biar bagitu, ngoni akan mati, karna ngoni tara mau percaya, biar orang kase carita pa ngoni lagi. Ngoni cuma mo inga-inga soal itu kong mati.’ ”

Kisah Para Rasul 2:42

Orang-orang percaya itu jaga bakumpul sama-sama untuk baku kase kuat dorang pe percaya pa Yesus. Dorang rajin dengar ajaran tentang Yesus dari rasul-rasul. Dorang pela-pela roti kong makang sama-sama, supaya inga Tuhan Yesus pe sengsara deng kematian. Dorang me berdoa sama-sama.

Kisah Para Rasul 20:27

Barang, kita so salalu kase tau samua Tuhan Allah pe rencana pa ngoni.

Kisah Para Rasul 4:20

Barang, torang so lia deng dengar sandiri apa yang Yesus biking deng kase ajar, jadi mau tara mau torang musti kase tau samua itu pa orang-orang.”

Roma 15:27

Dorang ada sumbang itu deng hati sanang. Deng memang pantas dorang mo bantu pa dong pe sudara yang percaya, orang-orang Yahudi di Yerusalem. Barang, orang-orang bukang Yahudi, dorang dengar Kabar Bae tentang Yesus Kristus dari orang-orang Yahudi. Jadi pantas dorang balas orang Yahudi pe bae deng cara bantu dorang pe perlu.

1 Korintus 1:30

Barang, Tuhan Allah sandiri yang buka jalang untuk ngoni, supaya ngoni bole percaya pa Kristus Yesus. Deng bagitu, torang bole tau Tuhan Allah pe rencana yang bijaksana untuk kase slamat pa manusia. Yesus Kristus itu yang biking torang jadi orang yang tara sala pa Tuhan Allah pe muka deng yang biking torang jadi Dia pe umat, deng Yesus me yang tebus torang pe dosa-dosa.

1 Korintus 1:9

Tuhan Allah mo biking itu samua karna Dia itu setia. Dia yang pangge pa ngoni, supaya ngoni bole hidup satu hati deng Dia pe Anak Yesus Kristus, torang pe Tuhan.

1 Korintus 15:1

Sudara-sudara, skarang kita mo kase inga lagi Kabar Bae tentang Yesus Kristus yang kita perna kase tau pa ngoni. Ngoni so tarima deng tetap kuat percaya Kabar Bae itu.

Efesus 3:6

Tuhan Allah pe rencana itu bagini: ngoni orang-orang yang bukang Yahudi akan percaya Kabar Bae tentang Yesus Kristus, jadi ngoni me bole sama-sama deng orang-orang Yahudi jadi Dia pe ana-ana yang tarima samua yang Tuhan Allah so janji. Ngoni orang bukang Yahudi deng torang orang Yahudi so jadi satu sama deng jadi satu badan. Kong torang samua itu mo dapa yang Tuhan Allah janji pa torang yang so percaya pa Kristus Yesus.

Filipi 1:7

Memang tara sala kalu kita pe perasaan sanang macam bagitu pa ngoni samua, karna ngoni samua salalu ada di kita pe hati. Barang, ngoni samua so ambe bagian untuk biking tugas yang Tuhan kase pa kita waktu kita ada di dalam penjara ini, deng waktu kita di luar penjara. Ngoni bantu pa kita, waktu kita bela Kabar Bae tentang Yesus Kristus dari orang-orang yang tantang Kabar Bae itu, deng waktu kita berusaha kase yakin pa orang-orang, Kabar Bae tentang Yesus Kristus itu butul. Tugas itu Tuhan kase pa kita karna Dia pe bae.

Filipi 2:1

Sudara-sudara, ngoni so percaya pa Yesus Kristus, jadi Dia so biking ngoni pe hati kuat. Ngoni pe hati sanang karna Dia sayang pa ngoni. Ngoni so hidup satu hati satu deng yang laeng karna Roh Kudus yang pimpin pa ngoni. Ngoni me baku-baku sayang, deng ada rasa kasiang satu deng yang laeng.

Filipi 3:10

Skarang, yang kita paling ingin itu, kita mo kanal butul-butul pa Yesus Kristus, deng mo rasa kuasa yang kase hidup ulang pa Dia waktu Dia mati. Kita so siap menderita deng mati karna kase tau Kabar Bae tentang Yesus Kristus, sama deng dulu Dia me perna menderita deng mati.

Kolose 1:13

Tuhan Allah so kase bebas pa torang dari Iblis pe kuasa galap, kong so kase pinda pa torang di tarang, supaya Dia pe Anak yang Dia sayang Berkuasa sebagai Raja pa torang.

1 Tesalonika 1:10

deng ngoni me tunggu-tunggu Anak Allah yang mo datang ulang dari sorga. Dia itu suda Yesus, yang biar so mati tapi Tuhan Allah so kase hidup ulang pa Dia. Yesus itu suda yang kase slamat pa torang yang percaya pa Dia dari Tuhan Allah pe hukuman nanti.

Ibrani 2:12

Itu sama deng yang tatulis dulu di Kitab Suci waktu Yesus bilang pa Tuhan Allah bagini, “Bapa, Kita mo kase tau tentang Bapa pa Kita pe sudara-sudara yang percaya. Kong waktu Kita bakumpul sama-sama deng dorang, Kita manyanyi puji pa Bapa.”

Ibrani 3:1

Sudara-sudara yang so jadi Tuhan Allah pe umat, yang so dapa pangge untuk hidup sama-sama deng Dia di sorga, coba ngoni pikir bae-bae tentang Yesus Kristus yang torang so percaya. Dia itu Tuhan Allah pe Utusan deng Dia lagi Imam Basar, karna Dia biking sampe torang manusia deng Tuhan Allah pe hubungan bisa jadi bae ulang.

Ibrani 3:14

Barang, kalu torang tetap pegang turus apa yang torang so percaya dari pertama sampe waktu dunia ini kiamat, torang akan dapa bagian dari samua yang ada pa Yesus Kristus.

1 Petrus 5:1

Skarang kita mo kase nasehat pa ngoni yang jadi penatua di jemaat-jemaat karna kita me penatua. Kita ini perna lia deng mata kapala sandiri waktu Yesus Kristus dapa siksa. Kong nanti waktu Yesus Kristus datang ulang yang kedua kali kase tunju Dia pe kuasa yang luar biasa pa samua orang, kita me akan tarima bagian itu. Jadi ini kita pe nasehat:

2 Petrus 1:16

Torang so kase tau pa ngoni tentang torang pe Tuhan Yesus Kristus pe kuasa, deng tentang Dia mo datang ulang di dunia ini. Yang torang kase tau itu bukang carita-carita dulu-dulu yang torang karang sandiri, tapi tong tau samua itu karna torang so lia Dia pe hebat deng torang pe mata kapala sandiri.

1 Yohanes 1:1

Surat ini torang tulis tentang Yesus Kristus. Dia itu Firman yang biking orang bole dapa hidup deng Tuhan Allah slama-lamanya. Firman itu memang so ada dari pertama dunia bolong jadi. Torang so dengar deng so lia pa Dia deng torang pe mata kapala sandiri. Torang me so pegang pa Dia deng tong pe tangan sandiri.

1 Yohanes 1:5

Ini berita yang torang so dengar dari Yesus, kong torang kase tau pa ngoni bagini: Tuhan Allah itu tarang, jadi pa Dia sama skali tarada galap.

1 Yohanes 1:7

Tapi kalu torang hidup di tarang, sama deng Tuhan Allah ada di tarang, pasti torang so hidup satu hati satu deng yang laeng. Dia kase bersi pa torang dari torang pe dosa samua, karna Yesus, Dia pe Anak so mati di kayu salib.