1 Yohanes 1:1 - Perjanjian Baru Bahasa Melayu Maluku Utara

¹ Surat ini torang tulis tentang Yesus Kristus. Dia itu Firman yang biking orang bole dapa hidup deng Tuhan Allah slama-lamanya. Firman itu memang so ada dari pertama dunia bolong jadi. Torang so dengar deng so lia pa Dia deng torang pe mata kapala sandiri. Torang me so pegang pa Dia deng tong pe tangan sandiri.

1 Yohanes 1:1 ပူးပေါင်းရင်းမြစ်များ

Lukas 1:2

Dorang tulis samua itu sama deng dorang dengar langsung dari orang-orang yang so lia deng mata kapala sandiri. Orang-orang itu yang lia dari pertama waktu samua itu jadi, kong kase turus carita itu pa orang-orang laeng.

Lukas 24:39

Coba ngoni lia Kita pe tangan deng kaki, ini memang Kita. Coba ngoni lia deng raba pa Kita. Kita ada daging deng tulang, beda deng spok.”

Yohanes 19:35

Di situ, ada lagi orang yang lia samua itu deng dia pe mata kapala sandiri, kong dia kase tau samua itu. Dia tau yang dia kase tau itu butul, kong dia bilang samua itu supaya ngoni bole percaya.

Yohanes 20:27

Kong Dia bilang pa Tomas, “Tomas, lia Kita pe tangan ini kong ngana cucu suda ngana pe jari pa Kita pe tangan. Ngana kase maso ngana pe tangan pa Kita pe lambung ini. Jadi jang bilang ngana tara percaya lagi Kita so hidup ulang, tapi percaya suda.”

Yohanes 5:26

Barang, sama deng Bapa ada kuasa untuk kase hidup orang, bagitu lagi Dia kase kuasa itu pa Dia pe Anak untuk kase hidup pa orang.

Yohanes 8:58

Yesus jawab, “Dengar bae-bae yang Kita bilang pa ngoni ini. Waktu Abraham bolong lahir, Kita ini so kamuka ada.”

Kisah Para Rasul 1:3

Pa dorang itu, waktu Yesus mati kong hidup ulang, Dia kase tunju Dia pe diri ulang-ulang la dorang tau butul-butul, Dia memang so hidup ulang. Dia kase tunju Dia pe diri pa dorang selama ampa pulu hari kong bicara pa dorang tentang bagimana Tuhan Allah Berkuasa sebagai Raja.

Kisah Para Rasul 4:20

Barang, torang so lia deng dengar sandiri apa yang Yesus biking deng kase ajar, jadi mau tara mau torang musti kase tau samua itu pa orang-orang.”

Ibrani 2:3

Ajaran itu memang penting skali torang iko, tapi lebe penting lagi ajaran dari Tuhan Yesus yang Dia bilang langsung pa torang manusia! Ajaran itu tentang Dia yang kase slamat pa torang, kong ajaran itu bagus skali! Jadi kalu torang tara peduli, jang kira torang mo lolos dari hukuman! Yesus sandiri yang pertama kase tau ajaran itu, kong dorang yang dengar itu kase tau pa torang. Jadi, deng dorang pe kesaksian itu, torang bisa tau, ajaran itu memang butul.

1 Yohanes 4:14

Torang ini so lia pa Anak Allah deng torang pe mata kapala sandiri kong so kase tau pa ngoni, butul Tuhan Allah torang pe Bapa so utus Dia pe Anak untuk kase slamat pa manusia yang ada di dunia ini.

1 Yohanes 5:7

Ada tiga bukti yang biking torang tau butul Yesus itu datang dari Tuhan Allah:

Wahyu 1:11

Suara itu bilang pa kita bagini, “Yohanes, tulis suda samua yang Kita mo kase tunju pa ngana ini di satu kitab, kong kirim di tuju jemaat ini: jemaat di kota Efesus, kota Smirna, kota Pergamus, kota Tiatira, kota Sardis, kota Filadelfia deng di kota Laodikia.”

Wahyu 1:8

Tuhan Allah bilang bagini, “Kita ini, Alfa deng Omega, yang pe arti, mulai dari pertama dunia ini bolong ada, Kita so ada, kong Kita so ada skarang, deng sampe dunia abis, Kita tetap ada. Kita Yang Paling Berkuasa.”

Wahyu 19:13

Dia pake juba yang so colo di dara. Deng Dia pe nama ‘Firman Allah’.

Wahyu 2:8

Anak Manusia yang dari sorga bilang lagi pa kita, “Yohanes, tulis suda untuk malaekat yang jaga pa jemaat di kota Smirna. Ngana tulis bagini: Ini pasáng dari Yang Pertama deng Yang Ahir, yang so perna mati, kong so hidup ulang: