1 Timotius 6:9 - Perjanjian Baru Bahasa Melayu Maluku Utara

⁹ Tapi orang-orang yang suka jadi kaya, dorang itu yang gampang tagoda biking barang yang jahat. Dorang pe keinginan yang bodo itu talalu tinggi. Dorang pe keinginan itu yang biking dorang cilaka. Itu sama deng binatang yang cari makanang tapi so takanal dodeso kamuka.

1 Timotius 6:9 ပူးပေါင်းရင်းမြစ်များ

Matius 13:22

Bibit yang jatu di tana yang ada rumpu baduri, itu sama deng orang-orang yang so dengar firman, tapi dong pe hati tara tenang tentang dong pe hidup, deng dong cuma cari harta. Jadi firman yang dorang dengar itu dorang tara biking, sampe firman itu tara bawa hasil apa-apa.

Matius 19:22

Waktu ana muda itu dengar Yesus bilang bagitu, dia pigi deng hati sedi, barang dia pe harta banya skali.

Matius 26:15

Pe sampe di sana, dia tanya pa dorang, “Kalu kita serakan Yesus pa ngoni, apa yang ngoni mo kase pa kita?” Kong dorang kase doi perak tiga pulu pa Yudas.

Matius 6:19

Yesus bilang lagi, “Jang ngoni kumpul harta di dunia, karna gai deng karat mo kase rusak, deng papancuri mo bulengkar kong ambe harta itu.

Markus 4:19

tapi dorang pe hati tara tenang tentang dong pe hidup, deng dorang cuma cari harta deng keinginan-keinginan yang laeng. Jadi firman yang dorang dengar itu dorang tara biking, sampe firman itu tara bawa hasil apa-apa.

Lukas 12:21

Bagitu yang akan mo jadi pa orang yang cuma tau kumpul harta untuk dia pe diri sandiri saja. Dia tara peduli deng Tuhan Allah pe mau, dia itu sama deng orang yang tarada arti apa-apa pa Tuhan Allah pe muka.”

Lukas 21:35

Karna hari itu mo datang pa samua orang di dunia tara sangka-sangka.

Kisah Para Rasul 8:20

Tapi Petrus bilang pa dia, “Tuhan Allah akan hukum pa ngana deng ngana pe doi itu! Barang, Tuhan Allah pe kuasa yang Dia so kase pa torang ini, ngana kira kata, ngana bisa bili!

Efesus 4:22

Jadi, buang suda ngoni pe kalakuang tara bae yang ngoni biking waktu ngoni bolong percaya pa Yesus Kristus, karna ngoni pe keinginan yang tara bae itu yang biking ngoni dapa tipu sampe ngoni pe hidup jadi rusak.

1 Timotius 1:9

Torang tau aturan-aturan yang ada di lima kitab Musa itu Tuhan Allah pe tujuan bukang untuk orang yang so hidup butul pa Dia pe muka, tapi untuk larang orang-orang yang bagini: yang malawang Tuhan Allah pe parenta, yang tara iko Tuhan Allah pe aturan, yang jaga biking dosa, yang cuma iko dorang pe mau sandiri, yang tara percaya pa Tuhan, yang bunu pa dorang pe papa deng mama deng pa orang laeng,

1 Timotius 3:7

Orang yang pimpin jemaat musti punya nama bae di luar jemaat, supaya jang ada orang yang mo carita busu tentang dia, deng dia tara gampang tagoda iko Iblis pe mau.

1 Timotius 6:10

Karna orang yang gila doi, dorang itu mo biking macam-macam kajahatan. Dorang itu so tara percaya lagi Yesus pe ajaran karna dorang berusaha mo jadi kaya. Jadi dia pe ahir kabawa, dorang dapa sengsara skali yang biking sampe dong pe hati saki.

1 Timotius 6:17

Timotius, ngana musti kase inga pa orang-orang kaya di dunia ini, supaya jang dorang basombong deng jang cuma baharap pa dong pe harta saja. Barang, harta di dunia ini, hari ini ada, tapi beso so abis. Dorang yang kaya itu musti baharap pa Tuhan Allah. Tuhan Allah kase pa torang apa yang torang perlu. Dia yang kase samua pa torang sampe talebe-lebe, supaya torang bole rasa samua itu.

2 Timotius 2:26

Deng bagitu, dorang jadi sadar lagi kong talapas dari Iblis pe kuasa yang so kuasai pa dorang, sampe dorang tara iko dia pe mau lagi.

Titus 2:12

Tuhan kase Dia pe bae itu, biking torang jadi sadar la kase tinggal torang pe kalakuang yang tara iko Tuhan Allah pe mau deng yang cuma iko dunia pe mau. Deng bagitu torang mampo kuasai diri dalam sagala hal, jadi orang yang hidup butul pa Tuhan Allah pe muka, deng setia pa Dia di dunia skarang ini.

2 Petrus 2:3

Guru-guru palsu itu gila doi, jadi dorang karang-karang carita la tipu pa ngoni samua, supaya dong dapa doi. Tapi dari dulu, Tuhan Allah so rencana untuk hukum pa dorang. Dorang itu pasti mo mati tapisa dari Tuhan Allah slama-lamanya.

Yudas 1:11

Cilaka suda dorang! Tuhan Allah akan kase hukuman pa dorang nanti karna dorang orang yang jahat macam deng Kain. Dorang me berdosa sama deng Bileam, yang bawa orang Israel biking dosa cuma karna golojo doi. Kong dorang me sama deng Korah yang malawang pa Tuhan Allah, jadi dorang akan dapa hukuman lagi.