1 Timotius 6:4 - Perjanjian Baru Bahasa Melayu Maluku Utara

⁴ dia itu biking diri mangarti, padahal dia tara tau apa-apa. Dia cuma suka baku malawang tentang arti dari kata-kata karna dia pe pikiran tara butul. Dia yang biking sampe orang baku mangiri, bakalae, kase tara bae orang pe nama, deng baku curiga.

1 Timotius 6:4 ပူးပေါင်းရင်းမြစ်များ

Kisah Para Rasul 15:2

Pe dengar itu, Paulus deng Barnabas tara setuju kong malawang karas dorang pe ajaran itu. Dia pe ahir kabawa, orang-orang yang percaya di Antiokhia ambe keputusan la suru pa Paulus, Barnabas deng orang-orang percaya yang laeng, pigi di jemaat di Yerusalem. Di Yerusalem, dorang mo baku dapa deng Yesus pe utusan-utusan yang orang sebut rasul-rasul, deng pa penatua-penatua, supaya dorang samua bicara tentang masala itu.

Kisah Para Rasul 18:15

Tapi ini, ngoni cuma baku beda pendapat tentang ngoni pe agama, cuma soal kata, nama-nama deng ngoni pe aturan agama Yahudi. Jadi ngoni sandiri suda yang kase selesai masala itu. Kita tara mau iko campur.”

Kisah Para Rasul 8:9

Di kota itu, ada satu orang dia pe nama Simon. Dia itu so lama jaga pake tiop-tiop, sampe biking orang-orang di daera Samaria taherang-herang pa dia. Dia biking diri sama deng dia itu paling hebat.

Roma 12:16

Ngoni musti hidup satu hati deng ngoni pe sudara-sudara yang percaya. Jang basombong tapi musti batamang deng sapa saja, biar orang itu orang laeng anggap dia tara arti. Kong jang ngoni anggap ngoni pe diri so pande!

Roma 13:13

Torang musti hidup deng kalakuang yang bae, kalakuang yang orang-orang jaga biking siang-siang. Jang babapesta kong mabo-mabo sampe biking hal sabarang, jang baseks sabarang, jang iko napsu sama deng binatang, jang suka bakalae deng jang suka mangiri.

Roma 14:1

Ada orang-orang yang so percaya pa Tuhan tapi dorang pe percaya bolong kuat. Dorang itu bolong talalu tau bagimana mo hidup butul pa Tuhan Allah pe muka. Ngoni musti tarima pa dorang, jang baku malawang deng dorang tentang dong pe pendapat.

Roma 2:8

Tapi ada lagi orang-orang yang cuma pikir dong pe diri sandiri saja. Dorang tara mau iko Tuhan Allah pe ajaran, dorang cuma iko dong pe mau sandiri yang suka biking jahat. Tuhan Allah mo mara skali, kong hukum pa dorang.

1 Korintus 11:16

Tapi kalu ada orang yang mo baku malawang tentang masala parampuang mo tutu kapala, torang mo kase tau pa dorang, torang deng Tuhan Allah pe jemaat-jemaat lagi pe biasa so bagitu suda.

1 Korintus 11:18

Yang pertama yang kita dengar, waktu ngoni bakumpul untuk baibada, ngoni baku pisa-pisa. Kong amper samua yang kita dengar itu kita percaya.

1 Korintus 3:18

Kalu ngoni anggap ngoni pe diri pande, itu ngoni so tipu ngoni pe diri sandiri, karna ngoni cuma pande di manusia pe muka saja. Lebe bae, ngoni tarima Tuhan Allah pe ajaran. Deng bagitu, biar manusia di dunia anggap ngoni bodo, tapi Tuhan Allah anggap ngoni pande.

1 Korintus 3:3

Barang sampe skarang, ngoni pe kalakuang masi iko manusia pe mau. Kita bilang bagitu, barang ada dari ngoni yang jaga baku mangiri, deng baku-baku ambe. Itu dia pe tanda ngoni masi iko manusia pe mau.

2 Korintus 11:20

Kong bukang cuma itu saja, ngoni me kase biar utusan-utusan yang bilang kata, dong itu hebat, dong biking pa ngoni macam deng orang karja yang tara dapa bayar. Dorang makang doi dari ngoni, dorang kuasai pa ngoni, dorang basombong kong injang-injang pa ngoni, deng dorang tampeleng pa ngoni.

Galatia 5:15

Tapi kalu ngoni cuma bakalae deng baku malawang, ngoni musti ati-ati, jang sampe ngoni sama deng binatang yang baku-baku gigi sampe baku abis.

Galatia 5:26

Deng tara usa suda torang jadi pangbasombong, tara usa suda torang baku pancing mara, kong tara usa suda torang baku mangiri.

Galatia 6:3

Karna kalu ada orang yang pikir kata, dia pe diri itu lebe penting dari orang laeng, padahal tara bagitu, dia itu so kase foya pa dia pe diri sandiri.

Filipi 1:15

Memang butul, ada babarapa orang yang jaga kase tau ajaran tentang Yesus Kristus karna dorang mangiri pa kita, deng dorang cuma suka orang dengar dong pe ajaran saja. Tapi, ada lagi yang jaga kase tau ajaran tentang Yesus Kristus karna dong pe tujuan bae.

Filipi 2:14

Apa saja yang ngoni biking, biking suda itu kong jang mengelu-mengelu deng jang baku-baku malawang,

Filipi 2:3

Jang ngoni biking satu barang cuma untuk kase sanang ngoni pe diri sandiri, atau supaya ngoni dapa puji. Tapi lebe bae, ngoni hidup tara basombong. Yang satu musti anggap yang laeng lebe penting dari dia pe diri.

Kolose 2:18

Jadi jang ngoni dengar pa orang-orang yang bilang kata, Tuhan Allah mo hukum pa ngoni karna ngoni tara iko dorang pe aturan agama. Dorang bapuasa banya-banya supaya orang lia kata, dorang hebat kong suru ngoni iko. Deng dorang suru pa ngoni semba pa malaekat-malaekat. Dorang suka bicara sombong tentang dong pe penglihatan-penglihatan yang dong dapa dari Tuhan. Dorang jaga kase sombong deng dong pe diri, itu karna yang dorang biking itu cuma iko manusia pe pikiran.

2 Tesalonika 2:4

Orang jahat itu akan malawang pa Tuhan Allah deng pa samua yang manusia semba. Dia bilang kata, dia Yang Paling Berkuasa dari samua itu. Dia maso di Ruma Ibada Pusat kong bilang pa samua orang kata, dia itu Tuhan Allah.

1 Timotius 1:4

Dorang me jang dengar carita dulu-dulu deng lagi carita tentang orang tua dulu-dulu pe asal usul yang tara abis-abis. Karna orang yang carita itu, dia pe ahir kabawa salalu baku mara. Apalagi itu tara bantu orang la percaya pa Tuhan Allah.

1 Timotius 1:7

Dorang itu cuma suka jadi guru agama untuk kase ajar aturan-aturan di lima kitab Musa, padahal dorang sandiri tara mangarti apa yang dorang ajar, deng dorang tara mangarti kitab-kitab itu pe arti yang dorang kase ajar deng smangat.

1 Timotius 3:6

Orang yang pimpin jemaat tara bole orang yang baru percaya pa Yesus Kristus, supaya jang dorang makang puji. Karna kalu dorang makang puji, dorang jadi sombong, kong Tuhan Allah mo hukum pa dorang sama deng Tuhan Allah hukum pa Iblis, setang-setang pe raja.

2 Timotius 2:14

Timotius, kase inga pa orang-orang percaya apa yang kita so bilang pa ngana. Bilang pa dorang sunggu-sunggu pa Tuhan Allah pe muka, dorang tara bole baku malawang tentang kata-kata pe arti, karna tarada guna, deng cuma mo biking kaco pa orang-orang yang dengar.

2 Timotius 2:23

Jang ngana taiko-iko baku malawang hal-hal yang tara butul deng tara dia pe guna, karna ngana tau, baku malawang bagitu cuma mo biking orang baku mara.

2 Timotius 3:4

Dorang suka bahianat, tara bapikir panjang, biking diri tau, deng lebe suka basanang-sanang iko dong pe mau sandiri daripada iko Tuhan Allah pe mau.

Titus 3:9

Jang ngana baku malawang tentang asal-usul orang tua dulu-dulu deng tentang hal-hal laeng yang tarada dia pe guna. Ngana me tara bole baku malawang deng bakalae tentang aturan yang ada di lima kitab Musa, karna itu tarada dia pe guna deng cuma buang-buang waktu saja.

Yakobus 1:19

Sudara-sudara yang kita sayang, ngoni musti inga hal-hal ini: kalu ada orang sementara bicara, ngoni dengar bae-bae dulu pa dia, jang ngoni capat bicara deng jang ngoni capat mara.

2 Petrus 2:12

Tapi guru-guru palsu itu bahina hal-hal yang dorang sandiri tara mangarti, dorang asal bicara saja, sama deng binatang yang tara akal, atau sama deng binatang yang lahir cuma untuk dapa tangka deng dapa bunu. Jadi, sama deng binatang liar dapa bunu dari manusia, bagitu lagi guru-guru palsu akan dapa hukum dari Tuhan Allah karna dong pe kalakuang yang jahat.

2 Petrus 2:18

Barang, dorang kalu bicara, makang puji skali, padahal yang dong bicara itu tara ada guna. Dorang buju orang-orang yang baru percaya pa Tuhan supaya dorang biking barang yang tara bae iko manusia pe napsu saja. Padahal orang-orang yang dapa buju itu bolong lama talapas dari dong pe percaya yang sala.

Yudas 1:10

Tapi orang-orang yang bawa ajaran tara butul itu, dorang bicara tara bae tentang samua ajaran yang dong tara mangarti. Dorang itu pe kalakuang sama deng binatang. Dorang itu tara bapikir, tapi iko saja apa yang dong pe badan pe mau. Itu yang nanti biking dong dapa hukuman tapisa deng Tuhan Allah slama-lamanya.

Yudas 1:16

Orang-orang itu cuma mengelu-mengelu deng suka kase sala orang laeng. Dorang hidup cuma iko dong pe keinginan tara bae. Dorang pe bicara angka-angka dong pe diri sandiri, kong suka cari muka deng baambe hati di orang la dorang dapa untung.

Wahyu 3:17

Ngoni bilang ngoni kaya, ngoni pe hidup lengkap, ngoni tara perlu apa-apa lagi! Padahal ngoni tara tau, pa Tuhan Allah pe muka, ngoni pe hati buta, miskin skali deng talanjang lagi. Kasiang skali ngoni!