1 Timotius 5:7 - Perjanjian Baru Bahasa Melayu Maluku Utara

⁷ Kase inga bae-bae la dorang iko samua hal ini, supaya orang tara bisa kase sala pa dorang.

1 Timotius 5:7 ပူးပေါင်းရင်းမြစ်များ

Filipi 2:15

supaya ngoni hidup deng hati bersi, deng tarada orang yang bisa kase sala pa ngoni. Kalu ngoni pe hidup macam bagitu, orang akan lia ngoni pe bae itu sama deng dong lia bintang-bintang yang kase tarang dunia ini. Itu akan jadi jelas pa orang-orang, ngoni memang Tuhan Allah pe ana-ana yang tarada sala di tenga-tenga orang yang jahat deng orang yang tara tau apa yang butul.

1 Timotius 1:3

Waktu kita so kase tinggal pa ngana di kota Efesus kong pigi di Makedonia, kita minta ngana tinggal di situ dulu karna di Efesus ada orang-orang yang kase ajar ajaran sesat, jadi ngana musti kase nasehat pa dorang la dong berenti kase ajar ajaran itu.

1 Timotius 4:11

Timotius, samua yang kita so bilang pa ngana, ngana kase tau deng kase ajar pa orang, la dorang iko samua itu.

1 Timotius 6:17

Timotius, ngana musti kase inga pa orang-orang kaya di dunia ini, supaya jang dorang basombong deng jang cuma baharap pa dong pe harta saja. Barang, harta di dunia ini, hari ini ada, tapi beso so abis. Dorang yang kaya itu musti baharap pa Tuhan Allah. Tuhan Allah kase pa torang apa yang torang perlu. Dia yang kase samua pa torang sampe talebe-lebe, supaya torang bole rasa samua itu.

2 Timotius 4:1

Yesus Kristus nanti mo datang ulang di dunia ini jadi Raja kong berkuasa. Dia yang mo adili orang-orang yang masi hidup deng yang so mati. Jadi skarang kita bilang deng butul-butul di Tuhan Allah deng Kristus Yesus pe muka, supaya ngana Timotius

Titus 1:13

Apa yang nabi so kase tau itu butul. Jadi ngana musti tegas kase inga pa dorang supaya dorang butul-butul iko ajaran yang butul saja.

Titus 2:15

Titus, ngana musti kase ajar samua itu pa orang-orang percaya. Ngana kase smangat pa dorang la dorang tamba percaya pa Tuhan, deng togor pa dorang yang sala. Tuhan so kase kuasa pa ngana untuk kase ajar pa dorang, jadi jang ada orang yang pandang enteng pa ngana.