1 Timotius 5:23 - Perjanjian Baru Bahasa Melayu Maluku Utara

²³ Kita tau ngana jaga puru saki deng ada saki laeng lagi. Jadi jang ngana cuma minum aer puti, tapi minum anggur sadiki la kase ilang ngana pe rasa saki.

1 Timotius 5:23 ပူးပေါင်းရင်းမြစ်များ

Kisah Para Rasul 18:5

Waktu Silas deng Timotius so datang dari daera Makedonia, Paulus kase tau Tuhan Allah pe Kabar Bae siang deng malam. Dia bilang pa orang-orang Yahudi, Yesus itu Mesias suda, Raja yang Tuhan Allah janji, deng yang dorang ada tunggu-tunggu.

Efesus 5:18

Jang ngoni bamabo, karna itu yang biking ngoni tara bisa kuasai ngoni pe diri, sampe ngoni biking banya macam barang yang tara bae. Tapi lebe bae ngoni kase ngoni pe diri untuk Roh Kudus kuasai.

1 Timotius 3:3

dia tara pangmabo, dia tara pangmara tapi bae-bae, dia suka baku bawa bae deng orang, deng dia tara gila doi.

1 Timotius 3:8

Bagitu lagi diaken-diaken yang jaga bantu di jemaat. Dorang pe cara hidup musti bagini: kalakuang bae yang biking orang hormati pa dorang, tara munafik, tara pangmabo, deng tara gila doi.

1 Timotius 4:4

Barang, samua yang Tuhan Allah biking itu bae, tarada yang haram, asal torang tarima deng bilang tarimakasi pa Tuhan Allah.

Titus 1:7

Barang, orang yang pimpin jemaat, dia pe karja itu urus Tuhan Allah pe jemaat. Dia pe cara hidup musti butul, tara sombong, tara pangmara, tara pangmabo, tara pukul-pukul orang, deng tara gila doi.

Titus 2:3

Bagitu lagi deng parampuang-parampuang yang so tua, ngana kase ajar pa dorang supaya dorang pe cara hidup iko Tuhan Allah pe mau. Dorang tara bole biking busu orang pe nama, deng tara bole jadi pangmabo. Dorang musti kase ajar yang bae pa orang-orang.