1 Timotius 5:22 - Perjanjian Baru Bahasa Melayu Maluku Utara

²² Kong jang ngana capat-capat taru ngana pe tangan untuk lantik pa orang yang mo layani di jemaat. Kalu ada orang yang biking dosa, jang ngana taiko biking dosa sama deng dorang. Ngana musti jaga ngana pe hidup supaya tetap bersi.

1 Timotius 5:22 ပူးပေါင်းရင်းမြစ်များ

Kisah Para Rasul 13:3

Pe abis dong bapuasa deng berdoa, dorang taru dorang pe tangan pa Barnabas deng Saulus kong kase berdoa pa dong dua. Abis itu, dorang utus pa Barnabas deng Saulus untuk biking tugas yang Tuhan Allah suru.

Kisah Para Rasul 18:6

Tapi orang-orang Yahudi itu tara suka yang Paulus bilang itu, kong dorang tantang deng hina pa dia. Karna itu, Paulus kase kabas abu dari dia pe baju, itu tanda dia so tara mo bapusing lagi deng dorang. Kong Paulus bilang, “Nanti ngoni sandiri yang mo tanggung hukuman dari Tuhan Allah, barang ngoni tara percaya Yesus itu Raja yang Tuhan Allah janji mo kase slamat pa manusia. Kita pe tugas mo kase tau Kabar Bae tentang Yesus Kristus pa ngoni so selesai. Karna itu, kita so tara mo tanggung jawab lagi pa ngoni. Jadi mulai skarang, kita mo pigi pa orang-orang yang bukang Yahudi la mo kase tau pa dorang Kabar Bae itu.”

Kisah Para Rasul 20:26

Jadi, kita bilang pa ngoni skarang, kalu nanti dari ngoni ada yang mati tapi bolong percaya pa Tuhan Yesus, itu bukang kita pe sala.

Kisah Para Rasul 6:6

Dorang tuju itu dapa kase mangada pa rasul-rasul. Kong rasul-rasul itu me kase berdoa deng taru dong pe tangan di atas tuju orang itu, dorang minta pa Tuhan Allah tolong pa dong tuju itu untuk biking dong pe tugas.

Efesus 5:11

Jang ngoni iko orang yang hidup dalam galap pe kalakuang. Dorang pe kalakuang itu tara ada dia pe guna. Tapi lebe bae ngoni musti bilang suda yang dong biking itu sala.

1 Timotius 3:10

Jemaat musti cari tau dulu calon-calon diaken itu pe cara hidup. Kalu dorang tara sala apa-apa, baru pili pa dorang jadi diaken untuk layani jemaat.

1 Timotius 3:2

Karna itu, ada sarat-sarat untuk orang-orang yang pimpin jemaat. Dorang itu pe cara hidup musti bagini: hidup butul, dia pe bini cuma satu, dia bisa batahang diri, dia tau ator hal bae-bae, dia sopan, dia suka tarima orang di dia pe ruma, dia pande mangajar,

1 Timotius 3:6

Orang yang pimpin jemaat tara bole orang yang baru percaya pa Yesus Kristus, supaya jang dorang makang puji. Karna kalu dorang makang puji, dorang jadi sombong, kong Tuhan Allah mo hukum pa dorang sama deng Tuhan Allah hukum pa Iblis, setang-setang pe raja.

1 Timotius 4:12

Jang kase biar orang pandang enteng pa ngana gara-gara ngana masi muda. Tapi lebe bae, ngana jadi conto pa orang percaya pake ngana pe bicara, ngana pe kalakuang, ngana pe sayang pa orang laeng, ngana pe percaya pa Tuhan, deng lagi ngana pe cara hidup yang bersi pa Tuhan Allah pe muka.

1 Timotius 4:14

Ngana musti pake bae-bae karunia yang Roh Kudus so kase pa ngana tempo hari. Karunia itu ngana tarima waktu penatua-penatua jemaat taru tangan kase berdoa pa ngana untuk utus pa ngana. Waktu itu, Tuhan Allah kase tau hal ini pa dorang, kong dorang kase tau pa ngana.

2 Timotius 1:6

Tempo hari waktu kita taru tangan untuk kase berdoa pa ngana, Tuhan Allah kase karunia satu pa ngana untuk biking Tuhan Allah pe karja. Jadi kita kase inga pa ngana supaya pake bae-bae karunia itu untuk biking Tuhan Allah pe karja.

2 Timotius 2:2

Ngana so dengar samua ajaran yang kita ajar pa orang banya. Ngana musti kase ajar ajaran itu pa orang laeng yang ngana bisa percaya deng yang pande mangajar. Deng bagitu dorang jadi tau kong ajar lagi ajaran itu pa orang laeng.

Ibrani 6:2

ajaran tentang baptisan, ajaran tentang taru tangan di atas orang untuk kase berdoa, ajaran tentang orang yang so mati nanti mo hidup ulang, deng ajaran tentang orang yang tara percaya nanti mo dapa hukuman dari Tuhan Allah slama-lamanya.

2 Yohanes 1:11

Barang, sapa yang tarima deng kase salam pa orang itu, itu sama saja deng dia so biking yang jahat sama deng orang itu biking.

Wahyu 18:4

Abis itu, kita dengar lagi suara laeng dari sorga yang bilang bagini, “Ee ngoni Kita pe umat! Kaluar dari kota itu, supaya ngoni tara tapengaru deng dorang yang jaga biking dosa, supaya hukuman yang dong mo dapa, jang kanal pa ngoni.