1 Timotius 5:20 - Perjanjian Baru Bahasa Melayu Maluku Utara

²⁰ Kalu dia butul biking dosa, ngana musti togor pa dia di samua orang percaya pe muka. Deng bagitu, orang percaya laeng jadi tako biking dosa.

1 Timotius 5:20 ပူးပေါင်းရင်းမြစ်များ

Kisah Para Rasul 19:17

Waktu itu, samua orang Yahudi deng bukang Yahudi di Efesus dapa dengar kejadian itu, turus dorang samua jadi tako, kong dorang puji-puji Tuhan Yesus pe nama.

Kisah Para Rasul 5:11

Pe dengar kejadian itu, samua orang yang percaya pa Yesus deng orang laeng yang ada di kota itu, jadi tako skali.

Kisah Para Rasul 5:5

Waktu Ananias dengar Petrus bilang bagitu, Ananias langsung tabanting di tana kong mati. Samua orang yang dengar kejadian itu jadi tako skali.

2 Korintus 7:11

Coba ngoni inga sedi yang ngoni rasa waktu baca kita pe surat yang kamuka itu. Sedi itu yang Tuhan Allah mau, karna sedi itu biking ngoni berusaha untuk biking barang yang butul, bagini: ngoni dapa smangat untuk biking Tuhan pe mau, ngoni kase bersi ngoni pe nama dari apa yang orang tudu pa ngoni, ngoni mara pa orang-orang yang biking dosa, ngoni jadi tako kalu tara butul-butul iko pa Tuhan, ngoni ingin baku dapa deng torang, deng ngoni lagi tara tako untuk hukum pa orang-orang yang biking sala. Samua yang ngoni biking itu kase tunju ngoni tara sala.

Efesus 5:11

Jang ngoni iko orang yang hidup dalam galap pe kalakuang. Dorang pe kalakuang itu tara ada dia pe guna. Tapi lebe bae ngoni musti bilang suda yang dong biking itu sala.

1 Timotius 1:20

Dari dorang itu, ada Himeneus deng Aleksander. Kita so serakan dorang dua pa Iblis, setang-setang pe raja. Kita biking bagitu supaya dorang sadar kong berenti kase tara bae Tuhan Allah pe nama.

2 Timotius 4:2

kase tau Tuhan Allah pe firman pa orang-orang. Ngana musti salalu siap kase tau firman itu di tiap waktu, biar orang mau dengar atau tarada. Kalu dorang biking sala, ngana togor pa dorang la dorang berenti. Turus ngana kase kuat dong pe hati la dong iko ajaran yang butul. Deng sementara ngana biking samua itu, ngana musti kase ajar bae-bae pa dorang deng sabar.

Titus 1:13

Apa yang nabi so kase tau itu butul. Jadi ngana musti tegas kase inga pa dorang supaya dorang butul-butul iko ajaran yang butul saja.

Titus 2:15

Titus, ngana musti kase ajar samua itu pa orang-orang percaya. Ngana kase smangat pa dorang la dorang tamba percaya pa Tuhan, deng togor pa dorang yang sala. Tuhan so kase kuasa pa ngana untuk kase ajar pa dorang, jadi jang ada orang yang pandang enteng pa ngana.