1 Timotius 5:2 - Perjanjian Baru Bahasa Melayu Maluku Utara

² Bagitu lagi deng parampuang-parampuang yang lebe tua dari ngana. Kalu dorang sala, ngana musti bicara pa dorang bae-bae sama deng dorang itu ngana pe mama sandiri. Pa nona-nona me bagitu, ngana kase nasehat pa dorang bae-bae sama deng dorang itu ngana pe ade sandiri. Deng samua yang ngana biking ini, ngana pe hati musti bersi.

1 Timotius 5:2 ပူးပေါင်းရင်းမြစ်များ

Matius 12:50

Karna sapa saja yang biking Kita pe Bapa di Sorga pe mau, dia itu suda Kita pe sudara laki-laki, dia itu suda Kita pe sudara parampuang, deng dia itu suda Kita pe mama.”

Filipi 4:8

Jadi sudara-sudara, ini kita pe nasehat terahir yang kita mo bilang pa ngoni. Ngoni musti pikir turus-turus samua yang ada guna macam bagini: samua yang butul, samua yang pantas orang hormati, samua yang adil, samua yang tara biking ngoni berdosa, samua yang bae, samua yang bagus yang orang suka mo kase carita, deng samua yang pantas untuk orang puji. Ngoni musti pikir turus samua itu.

1 Tesalonika 5:22

Kong ngoni musti bajao dari samua hal yang jahat.

1 Timotius 4:12

Jang kase biar orang pandang enteng pa ngana gara-gara ngana masi muda. Tapi lebe bae, ngana jadi conto pa orang percaya pake ngana pe bicara, ngana pe kalakuang, ngana pe sayang pa orang laeng, ngana pe percaya pa Tuhan, deng lagi ngana pe cara hidup yang bersi pa Tuhan Allah pe muka.

1 Timotius 5:1

Timotius, kalu ada laki-laki yang lebe tua dari ngana biking sala, jang ngana togor deng karas pa dia. Tapi nasehat pa dia palang-palang, bicara bae-bae sama deng ngana bicara pa ngana pe papa sandiri. Bagitu lagi deng ana laki-laki muda, ngana musti nasehat pa dorang bae-bae sama deng dorang itu ngana pe ade sandiri.

1 Timotius 5:3

Ngana musti hormati janda-janda deng perhatikan dong pe keperluan, lebe-lebe yang so tarada orang yang bantu pa dorang.

2 Timotius 2:22

Orang muda banya yang dong pe keinginan tara bae, jadi jaga ngana pe diri bae-bae la jang iko sama deng dorang. Tapi ngana musti berusaha hidup butul pa Tuhan Allah pe muka, percaya pa Yesus, sayang pa orang laeng, deng hidup baku bawa bae-bae deng orang yang percaya pa Tuhan deng hati yang bersi.