1 Timotius 5:18 - Perjanjian Baru Bahasa Melayu Maluku Utara

¹⁸ Kita bilang bagitu karna di dalam Kitab Suci ada conto yang tatulis bagini, “Sementara sapi bakarja karas untuk torang, jang torang ika dia pe mulu. Kase biar sapi itu pe mulu tara taika, supaya dia bole makang.” Ada lagi di dalam Kitab Suci yang tatulis bagini, “Sapa yang bakarja, dia itu yang pantas dapa upah.”

1 Timotius 5:18 ပူးပေါင်းရင်းမြစ်များ

Matius 10:10

Ngoni me jang bawa tas bakal, baju ganti, sandal atau tongkat. Karna orang yang bakarja kase tau Kabar Bae dari Tuhan, pantas untuk tarima apa yang dia perlu untuk dia pe hidup.

Lukas 10:7

Kalu ada orang yang so tarima pa ngoni, ngoni tinggal suda di ruma itu. Jang ngoni pinda-pinda tampa. Makang deng minum apa saja yang dong kase pa ngoni, karna sapa yang bakarja, dia pantas mo dapa upah dari dia pe karja itu.

Roma 10:11

Di Kitab Suci ada tatulis bagini, “Sapa saja yang percaya pa Tuhan Allah, dia tara akan kecewa.”

Roma 11:2

Tuhan Allah tara buang Dia pe umat yang Dia so pili dari dulu. Itu jelas kalu ngoni inga Tuhan Allah pe jawaban dulu pa nabi Elia, waktu dia mengelu pa Tuhan Allah tentang orang Israel. Carita itu ada tatulis di Kitab Suci.

Roma 4:3

Karna di Kitab Suci ada tatulis bagini, “Abraham percaya pa Tuhan Allah, deng karna dia pe percaya itu, Tuhan Allah tarima pa dia jadi orang yang tara sala pa Tuhan Allah pe muka.”

Roma 9:17

Di Kitab Suci ada tulis tentang apa yang Tuhan Allah bilang pa raja Mesir bagini, “Kita angka pa ngana jadi raja, Kita pe maksut supaya waktu ngana malawang pa Kita, Kita bisa kase tunju Kita pe kuasa, sampe samua orang di dunia ini bole puji pa Kita.”

1 Korintus 9:14

Bagitu me Tuhan Allah so bilang, orang yang biking dia pe tugas kase tau Kabar Bae tentang Yesus Kristus, dia musti dapa dia pe hidup hari-hari dari dia pe karja itu.

Galatia 3:8

Di Kitab Suci, torang bole tau, dari dulu Tuhan Allah so rencana mo biking orang-orang bukang Yahudi itu jadi orang yang tara sala pa Dia pe muka, asal dorang percaya pa Yesus Kristus. Tuhan Allah so kase tau Kabar Bae tentang Yesus Kristus itu lebe kamuka pa Abraham bagini, “Dari ngana, samua suku bangsa di dunia mo dapa berkat.”

Yakobus 4:5

Jang ngoni kira kata tarada arti deng apa yang tatulis di Kitab Suci ini, “Tuhan Allah pe Roh yang Dia taru di torang pe hati, Roh itu mau torang pe sayang cuma untuk Tuhan Allah saja. Dia cemburu kalu torang iko dunia pe mau.”