1 Timotius 5:14 - Perjanjian Baru Bahasa Melayu Maluku Utara

¹⁴ Karna itu, kita bilang, janda-janda yang masi muda lebe bae dorang kawing lagi, supaya dorang bole dapa ana, kong urus dong pe ruma tangga sandiri. Deng bagitu, Iblis tara dapa jalang untuk kase tara bae torang yang percaya pe nama.

1 Timotius 5:14 ပူးပေါင်းရင်းမြစ်များ

Roma 14:13

Nanti Tuhan Allah mo adili pa torang samua, jadi jang torang baku kase sala lagi. Tapi lebe bae torang ati-ati supaya jang torang biking barang yang biking sampe torang pe sudara jatu dalam dosa!

2 Korintus 11:12

Kita tetap tara akan minta apa-apa dari ngoni, supaya orang-orang yang bilang kata, dorang itu Tuhan pe utusan-utusan yang hebat, tara ada alasan untuk kase puji dong pe diri, kata, dorang itu ada karja untuk layani pa ngoni sama deng torang layani pa ngoni.

1 Timotius 2:8

Karna itu, kita mau orang-orang percaya berdoa di mana-mana, yang laki-laki angka tangan kong puji pa Tuhan deng hati yang bersi. Dorang tara bole mara deng tara bole baku malawang deng orang laeng.

1 Timotius 4:3

Dorang kase ajar kata, orang tara bole kawing, deng tara bole makang makanang yang dorang bilang haram. Padahal, Tuhan Allah so biking samua makanang la torang makang. Jadi kalu torang yang percaya yang iko ajaran yang butul itu mo makang, bole, asal makang deng bilang tarimakasi pa Tuhan Allah.

1 Timotius 5:11

Tapi kalu janda-janda yang dong pe umur bolong sampe anam pulu taong, jang dulu daftar pa dorang untuk dapa bantuan. Barang, kalu dorang ingin kawing, dorang mo kawing lagi. Deng dorang so tarada waktu mo layani Yesus Kristus pe jemaat deng bae-bae.

1 Timotius 6:1

Tiap orang karja yang so percaya pa Yesus, dorang itu musti hormati pa dong pe tuang yang so bili pa dorang. Deng bagitu, orang-orang yang tara percaya pa Yesus tara dapa alasan mo kase tara bae Tuhan Allah pe nama deng torang pe ajaran.

Titus 2:5

dorang hidup iko Tuhan pe ajaran, dorang pe hati bersi pa Tuhan pe muka, dorang mampo ator dong pe ruma tangga bae-bae, dorang pe hati bae, deng dorang dengar-dengaran pa dong pe laki. Kalu dorang pe hidup bagitu, orang tara dapa alasan untuk kase tara bae Tuhan Allah pe firman.

Titus 2:8

Ngana musti pande pake kata-kata yang pas supaya orang tarima pa ngana kong tara dapa alasan mo kase sala pa torang. Orang yang malawang pa torang akan jadi malu sandiri.

Ibrani 13:4

Samua orang musti hargai dong pe perkawinan. Laki bini musti setia, tara bole baku suka deng orang laeng. Barang, Tuhan Allah akan hukum pa orang-orang yang baseks sabarang deng pa orang yang baku suka deng orang pe laki atau orang pe bini.