1 Timotius 5:13 - Perjanjian Baru Bahasa Melayu Maluku Utara

¹³ Jadi kalu jemaat so bantu pa janda-janda yang umur bolong anam pulu taong, jang sampe dorang jadi pamalas deng suka kaluar maso orang pe ruma kong bacarita orang pe busu, suka campur orang laeng pe urusan, deng bacarita barang yang tara bae.

1 Timotius 5:13 ပူးပေါင်းရင်းမြစ်များ

Lukas 10:7

Kalu ada orang yang so tarima pa ngoni, ngoni tinggal suda di ruma itu. Jang ngoni pinda-pinda tampa. Makang deng minum apa saja yang dong kase pa ngoni, karna sapa yang bakarja, dia pantas mo dapa upah dari dia pe karja itu.

Kisah Para Rasul 20:20

Biar bagitu me, kita tetap kase tau deng kase ajar Tuhan pe mau pa ngoni di orang banya pe muka deng dari ruma ka ruma. Kita tolong bagitu pa ngoni la ngoni pe percaya tamba kuat.

Kisah Para Rasul 20:30

Mala dari ngoni sandiri nanti ada yang mo ajar ajaran yang tara butul supaya orang-orang yang percaya pa Tuhan Yesus jadi tara percaya lagi kong iko pa dorang.

1 Timotius 5:12

Deng bagitu, dorang so langgar dong pe janji dulu untuk layani jemaat. Karna itu, Tuhan Allah akan hukum pa dorang.

Titus 1:11

Orang-orang yang bagitu, ngana musti larang pa dorang supaya jang dong ajar lagi ajaran yang tara butul itu. Barang, dorang so biking kaco banya keluarga deng dong pe ajaran itu. Padahal dorang itu mangajar cuma karna mau dapa doi.

Yakobus 3:10

Torang pe mulu cuma satu saja, tapi kata-kata yang kaluar, ada yang puji pa Tuhan, deng ada lagi yang kutuk pa manusia. Sudara-sudara, sebenarnya torang tara bole bagitu!

1 Petrus 4:15

Tapi jang sampe ada dari ngoni yang dapa siksa gara-gara bunu orang, pancuri orang pe barang, jadi orang jahat, atau suka campur orang laeng pe urusan.

3 Yohanes 1:10

Jadi, kalu kita ka sana di situ, kita mo kase tau turus tarang pa ngoni tentang samua yang dia biking, karna dia so carita tara bae untuk mo kase jatu pa torang. Tapi samua itu bolong cukup pa dia. Barang, waktu sudara-sudara yang percaya datang, dia tara mau tarima pa dorang. Mala, dia larang pa orang-orang di jemaat situ untuk tarima pa sudara-sudara yang datang itu. Kalu dorang tarima pa orang yang datang itu, dia user pa dorang dari jemaat.