1 Timotius 5:11 - Perjanjian Baru Bahasa Melayu Maluku Utara

¹¹ Tapi kalu janda-janda yang dong pe umur bolong sampe anam pulu taong, jang dulu daftar pa dorang untuk dapa bantuan. Barang, kalu dorang ingin kawing, dorang mo kawing lagi. Deng dorang so tarada waktu mo layani Yesus Kristus pe jemaat deng bae-bae.

1 Timotius 5:11 ပူးပေါင်းရင်းမြစ်များ

1 Timotius 4:3

Dorang kase ajar kata, orang tara bole kawing, deng tara bole makang makanang yang dorang bilang haram. Padahal, Tuhan Allah so biking samua makanang la torang makang. Jadi kalu torang yang percaya yang iko ajaran yang butul itu mo makang, bole, asal makang deng bilang tarimakasi pa Tuhan Allah.

1 Timotius 5:12

Deng bagitu, dorang so langgar dong pe janji dulu untuk layani jemaat. Karna itu, Tuhan Allah akan hukum pa dorang.

1 Timotius 5:14

Karna itu, kita bilang, janda-janda yang masi muda lebe bae dorang kawing lagi, supaya dorang bole dapa ana, kong urus dong pe ruma tangga sandiri. Deng bagitu, Iblis tara dapa jalang untuk kase tara bae torang yang percaya pe nama.

1 Timotius 5:9

Janda yang jemaat daftar mo bantu itu, dia pe sarat bagini: umur anam pulu taong ka atas, selama dia masi baruma tangga, dia setia deng laki satu,

Yakobus 5:5

Ngoni hidup basanang-sanang deng bafoya-foya di dunia ini. Ngoni so biking puas ngoni pe diri sandiri sampe mo dapa hukum, itu sama deng binatang yang orang piara sampe gode kong tinggal mo potong.

2 Petrus 2:18

Barang, dorang kalu bicara, makang puji skali, padahal yang dong bicara itu tara ada guna. Dorang buju orang-orang yang baru percaya pa Tuhan supaya dorang biking barang yang tara bae iko manusia pe napsu saja. Padahal orang-orang yang dapa buju itu bolong lama talapas dari dong pe percaya yang sala.

Wahyu 18:3

Kota itu mo ancor karna orang-orang di kota itu pe kalakuang yang tara bae yang pengaru samua suku bangsa biking barang tara bae. Itu sama deng parampuang tara bae so kase minum anggur pa laki-laki, kong dong mabo sampe baseks sabarang. Raja-raja di dunia datang biking kajahatan sama-sama deng orang-orang Babel, sama deng laki-laki yang baku suka deng parampuang tara bae. Orang-orang yang bajual di kota itu so jadi kaya, karna orang-orang Babel pe keinginan mo babili barang-barang mahal talalu tinggi.”

Wahyu 18:7

Orang-orang di kota Babel talalu makang puji deng suka hidup mewa. Jadi dorang musti dapa siksa deng dapa hukuman iko deng dong pe hidup dulu itu. Karna dulu, dorang angka-angka dong pe diri sandiri, dong bilang bagini, ‘Kita ini sama deng raja parampuang yang dudu di kursi raja! Kita akan tara jadi janda! Deng kita me tara akan mamanangis!’

Wahyu 18:9

Nanti raja-raja di dunia yang so jadi kaya di kota Babel, deng yang so biking dosa sama deng orang yang baku suka deng parampuang tara bae itu, akan manangis deng badodora, karna lia asap dari kota Babel yang tabakar itu.