1 Timotius 5:1 - Perjanjian Baru Bahasa Melayu Maluku Utara

¹ Timotius, kalu ada laki-laki yang lebe tua dari ngana biking sala, jang ngana togor deng karas pa dia. Tapi nasehat pa dia palang-palang, bicara bae-bae sama deng ngana bicara pa ngana pe papa sandiri. Bagitu lagi deng ana laki-laki muda, ngana musti nasehat pa dorang bae-bae sama deng dorang itu ngana pe ade sandiri.

1 Timotius 5:1 ပူးပေါင်းရင်းမြစ်များ

Matius 23:8

Tapi ngoni, jang ngoni ingin orang hormati pa ngoni deng orang pangge pa ngoni ‘bapa guru’! Barang, ngoni pe Guru itu cuma satu, kong ngoni samua itu basudara.

Kisah Para Rasul 14:23

Pe abis bilang bagitu, Paulus deng Barnabas tunju penatua-penatua untuk tiap-tiap jemaat. Dorang bapuasa deng berdoa, kong serakan penatua-penatua itu pa Tuhan yang dong percaya itu supaya Dia pake pa dorang.

Kisah Para Rasul 15:4

Pe sampe di kota Yerusalem, rasul-rasul, penatua-penatua deng samua jemaat tarima deng bae pa dorang dua. Di situ, dorang dua kase carita samua yang Tuhan Allah so bantu dong dua biking.

Kisah Para Rasul 15:6

Turus, rasul-rasul deng penatua-penatua bakumpul untuk biking rapat la mo bicara masala itu.

Kisah Para Rasul 20:17

Waktu Paulus di kota Miletus, dia suru orang pigi di kota Efesus la pangge pa penatua-penatua jemaat di situ supaya dorang datang baku dapa deng dia di Miletus.

Roma 13:7

Jadi ngoni bayar suda apa yang pantas ngoni bayar pa samua orang: ngoni musti bayar pajak, deng bayar yang laeng lagi pa pemerinta yang ada hak mo tarima itu. Deng ngoni musti dengar-dengaran kong musti hormati pa sapa saja yang pimpin pa ngoni.

Galatia 6:1

Sudara-sudara, kalu ngoni dapa ngoni pe sudara satu yang percaya ada biking dosa, lebe bae ngoni yang Roh Kudus kuasai kase nasehat pa dia bae-bae supaya jang dia biking bagitu lagi, kong dia bole bale ulang di jalang yang butul. Ngoni me musti jaga-jaga supaya ngoni sandiri jang sampe tagoda untuk biking dosa sama deng orang itu.

1 Timotius 5:17

Penatua-penatua jemaat yang biking dong pe tugas deng butul, dorang itu pantas dapa hormati deng kase honor dua kali lipa, lebe-lebe lagi deng dorang yang rajin kase tau Kabar Bae dari Tuhan Allah deng mangajar di jemaat.

1 Timotius 5:2

Bagitu lagi deng parampuang-parampuang yang lebe tua dari ngana. Kalu dorang sala, ngana musti bicara pa dorang bae-bae sama deng dorang itu ngana pe mama sandiri. Pa nona-nona me bagitu, ngana kase nasehat pa dorang bae-bae sama deng dorang itu ngana pe ade sandiri. Deng samua yang ngana biking ini, ngana pe hati musti bersi.

Titus 2:2

Ngana kase ajar pa laki-laki yang so tua supaya dorang mampo batahang diri, deng dong pe kalakuang musti bae yang biking orang hormati pa dorang. Dorang musti tau bawa diri bae-bae, percaya kuat pa Tuhan, deng sayang pa orang laeng. Biar susa me, dorang musti tetap iko pa Tuhan.

Titus 2:6

Bagitu lagi deng laki-laki yang masi muda, kase nasehat pa dorang supaya dorang kuasai dorang pe hidup dalam sagala hal.

Yakobus 3:17

Tapi orang yang dapa pande dari Tuhan, torang tau persis bagini: pertama, dia pe hati bersi, turus dia suka dame, suka baku bawa bae deng orang, dengar-dengaran, ada rasa kasiang, deng jaga biking hal-hal bae. Dia me tara barát sabla deng tara munafik.

Yakobus 5:14

Kong kalu ada dari ngoni yang saki, lebe bae dia pangge penatua-penatua di jemaat, supaya dorang kase berdoa kong goso pa dia deng minya pake Tuhan pe nama.

1 Petrus 5:1

Skarang kita mo kase nasehat pa ngoni yang jadi penatua di jemaat-jemaat karna kita me penatua. Kita ini perna lia deng mata kapala sandiri waktu Yesus Kristus dapa siksa. Kong nanti waktu Yesus Kristus datang ulang yang kedua kali kase tunju Dia pe kuasa yang luar biasa pa samua orang, kita me akan tarima bagian itu. Jadi ini kita pe nasehat:

2 Yohanes 1:1

Ibu yang Tuhan Allah pili iko pa Dia deng ibu pe ana-ana, yang butul-butul kita sayang. Salam dari kita, penatua di jemaat. Bukang cuma kita yang sayang pa ngoni, tapi samua orang yang iko Tuhan pe ajaran me sayang pa ngoni.

3 Yohanes 1:1

Kita pe tamang Gayus, yang butul-butul kita sayang. Salam dari kita Yohanes, penatua di jemaat.

Wahyu 4:4

Ada lagi dua pulu ampa kursi raja laeng yang kuliling kursi raja itu. Di dua pulu ampa kursi raja itu, dua pulu ampa pemimpin ada dudu. Dorang pake baju puti kong di dorang pe kapala ada makota mas.