1 Timotius 4:6 - Perjanjian Baru Bahasa Melayu Maluku Utara

⁶ Timotius, ngana musti kase ajar hal-hal itu turus pa orang-orang percaya supaya dorang jang iko ajaran sesat. Kalu ngana kase ajar samua itu, ngana so jadi Kristus Yesus pe pelayan yang bae. Ngana pe percaya me akan jadi kuat karna ngana iko turus ajaran yang butul yang orang ajar pa ngana dari dulu.

1 Timotius 4:6 ပူးပေါင်းရင်းမြစ်များ

Matius 13:52

Kong Yesus bilang pa dorang, “Jadi tiap guru agama yang ahli lima kitab Musa, kong dia lagi tau ajaran tentang Tuhan Allah Berkuasa sebagai Raja, dia itu sama deng tuang ruma yang kase kaluar harta yang baru deng harta yang lama dari dia pe tampa simpang harta.”

Lukas 1:3

Kita sandiri so priksa bae-bae samua carita itu yang dorang tulis mulai dari pertama. Jadi abis itu kita ambe keputusan untuk tulis carita tentang samua yang so perna jadi itu dari awal sampe ahir, kong kirim pa bapa Teofilus.

Kisah Para Rasul 1:15

Satu kali bagini, waktu orang-orang yang percaya pa Yesus bakumpul sama-sama, dorang itu pe banya mangkali saratus dua pulu orang. Turus Petrus badiri pa dong pe tenga-tenga kong bilang,

Kisah Para Rasul 20:31

Jadi, ngoni musti jaga bae-bae, deng jang lupa, selama tiga taong, siang deng malam kita tara berenti-berenti kase nasehat pa ngoni, sampe kita pe aer mata me malele.

Kisah Para Rasul 20:35

Deng karja karas bagitu, kita so kase conto pa ngoni la ngoni me karja karas untuk bantu pa orang-orang yang tara mampo. Torang musti inga yang Tuhan Yesus so bilang, karna Dia sandiri yang bilang, ‘Kalu torang dapa apa-apa dari orang, torang pasti sanang, tapi yang lebe sanang itu torang yang bakase apa-apa pa orang laeng.’ ”

Roma 15:15

Tapi biar bagitu, kita tara malu kase inga pa ngoni di surat ini babarapa ajaran, barang memang itu tugas yang Tuhan Allah kase pa kita, karna Dia pe bae pa kita.

1 Korintus 4:17

Itu suda yang biking sampe kita utus Timotius pa ngoni, la dia kase inga ulang pa ngoni, bagimana kita pe cara hidup yang iko pa Kristus Yesus. Cara hidup itu yang kita so kase ajar pa samua jemaat di samua tampa yang kita pigi. Timotius itu kita so anggap kita pe ana. Dia kita sayang, deng dia lagi setia pa Tuhan.

2 Korintus 11:23

Dorang bilang dorang itu orang-orang yang jaga biking apa yang Yesus Kristus suru. Tapi kita, kita ini orang yang jaga biking apa yang Yesus Kristus suru, lebe dari dorang itu. (Kita bicara ini sama deng orang yang so tara waras bicara!) Tapi sebenarnya kita ini yang karja karas lebe dari dorang itu, sampe banya kali kita maso penjara, banya kali kita dapa pukul deng dapa siksa sampe tara mampo hitung, kong banya kali lagi kita amper mati.

2 Korintus 3:6

Dia itu yang so biking torang mampo biking apa yang Dia suru, untuk kase tau Tuhan Allah pe janji yang baru pa orang-orang, janji antara Tuhan Allah deng manusia. Janji yang baru itu bukang bagantong dari apa yang so tatulis dalam aturan-aturan di lima kitab Musa, karna aturan-aturan itu kalu torang tara bisa iko samua, nanti waktu torang mati, torang tapisa deng Tuhan Allah slama-lamanya. Tapi janji yang baru itu bagantong dari Roh Kudus. Tuhan Allah kase Dia pe Roh pa torang, la torang ada kuasa iko Tuhan Allah pe mau, deng torang bole hidup deng Tuhan Allah slama-lamanya.

2 Korintus 6:4

Mala samua yang torang biking, torang biking bae-bae supaya jelas torang ini orang yang karja untuk Tuhan Allah, macam deng bagini: biar torang dapa siksa, susa deng sengsara, torang batahang turus.

Efesus 6:21

Sudara-sudara, kita mau ngoni me tau kita pe keadaan deng apa yang kita biking di sini. Jadi, kita kirim Tikhikus pigi pa ngoni supaya dia kase tau pa ngoni kita pe keadaan ini. Tikhikus itu, torang pe sudara yang sama-sama percaya deng yang torang sayang, kong dia lagi setia layani pa Tuhan.

Filipi 2:20

Kita suru dia pigi pa ngoni itu, karna yang satu hati deng satu pikiran deng kita, cuma Timotius saja. Dia itu yang butul-butul pikir ngoni pe bae.

Filipi 2:22

Tapi Timotius itu so berusaha karas bantu pa kita kase tau Kabar Bae tentang Yesus Kristus, sama deng ana bantu dia pe papa. Karna ngoni sandiri so lia Timotius bagitu, ngoni so tau Timotius itu bae.

Filipi 3:16

Tapi yang penting itu, torang hidup iko turus apa yang Tuhan Allah so kase tunju pa torang sampe skarang.

Kolose 2:19

Orang-orang macam bagitu so tara butul-butul lagi iko pa Yesus Kristus. Padahal Yesus Kristus itu Kapala dari samua Dia pe umat. Dia yang biking pa torang jadi satu, deng supaya torang pe percaya pa Tuhan lebe tamba kuat. Ini bole kase sama deng kapala deng badan yang jadi satu karna ada sendi-sendi yang tara biking tapisa satu deng yang laeng.

Kolose 3:16

Ngoni musti inga turus-turus Yesus Kristus pe ajaran, deng simpang itu bae-bae di ngoni pe hati, supaya ajaran itu bisa bawa hasil yang basar pa ngoni pe hidup. Pake suda hikmat yang Tuhan Allah kase pa ngoni untuk baku kase ajar deng baku kase inga Dia pe ajaran. Pake lagi lagu-lagu mazmur, lagu-lagu yang puji pa Tuhan, deng lagu-lagu laeng yang Roh Kudus kase pa ngoni. Ngoni manyanyi suda deng hati yang bilang tarimakasi banya pa Tuhan Allah.

Kolose 4:7

Sudara-sudara, nanti Tikhikus yang kase tau kita pe kabar pa ngoni. Tikhikus itu torang pe sudara yang percaya, yang torang sayang. Dia setia biking apa yang Yesus Kristus suru, deng dia itu torang pe tamang karja yang sama-sama karja untuk Tuhan.

1 Tesalonika 3:2

turus Timotius torang pe sudara yang sama-sama percaya, torang utus pigi pa ngoni. Timotius itu torang pe tamang karja yang sama-sama kase tau Tuhan Allah pe Kabar Bae tentang Yesus Kristus. Torang utus pa Timotius la kase kuat ngoni pe hati deng kase smangat pa ngoni supaya ngoni lebe tamba percaya pa Yesus.

1 Timotius 1:10

yang baseks sabarang, laki-laki yang baseks deng laki-laki, yang jaga pancuri orang kong jual untuk biking dia jadi orang karja, yang pangbafoya, yang jadi saksi yang tara butul, deng yang jaga biking hal-hal yang tara baku cocok deng ajaran yang butul.

1 Timotius 4:16

Ngana musti jaga bae-bae ngana pe cara hidup, deng jaga supaya ngana cuma ajar ajaran yang butul. Ngana musti biking samua itu turus. Kalu ngana biking samua itu, Tuhan Allah mo kase slamat pa ngana deng orang-orang yang dengar pa ngana.

1 Timotius 6:3

Ajaran ini dari Yesus Kristus torang pe Tuhan. Kalu iko ajaran itu, torang hidup iko Tuhan Allah pe mau. Tapi ada orang yang tara percaya torang pe ajaran itu, kong bawa ajaran yang sesat. Sapa yang kase ajar ajaran yang sesat,

2 Timotius 1:6

Tempo hari waktu kita taru tangan untuk kase berdoa pa ngana, Tuhan Allah kase karunia satu pa ngana untuk biking Tuhan Allah pe karja. Jadi kita kase inga pa ngana supaya pake bae-bae karunia itu untuk biking Tuhan Allah pe karja.

2 Timotius 3:10

Tapi ngana Timotius, ngana so iko samua yang kita ajar pa orang, kita pe cara hidup deng kita pe tujuan hidup. Ngana so lia sandiri kita pe percaya pa Yesus deng kita pe sayang pa orang. Ngana me tau, kita pe sabar deng kita pe setia biking kita pe tugas.

2 Timotius 4:3

Ngana musti rajin biking itu karna akan ada dia pe waktu, orang-orang tara mau dengar lagi ajaran yang butul. Mala dorang cuma mo pangge guru-guru agama yang dorang suka. Guru-guru itu mo bilang pa dorang hal-hal yang dorang suka dengar saja supaya cuma iko dorang pe mau.

Titus 2:1

Tapi Titus, ngana kase ajar suda pa orang-orang la dorang iko ajaran yang butul.

1 Petrus 2:2

Ngoni musti suka skali Tuhan pe Firman, sama deng bayi yang baru lahir yang suka skali minum dia pe mama pe aer susu. Deng bagitu, ngoni pe percaya pa Tuhan mo lebe tatamba kuat kong ngoni akan dapa slamat dari dosa-dosa.

2 Yohanes 1:9

Tiap orang yang so tara iko Yesus Kristus pe ajaran, kong iko ajaran laeng, dia itu so tara hidup satu hati deng Tuhan Allah. Tapi orang yang iko Yesus Kristus pe ajaran, dia itu so hidup satu hati deng Tuhan Allah, torang pe Bapa, deng Yesus Kristus, Anak Allah.

Yudas 1:5

Samua yang kita bilang ini ngoni so tau, tapi kita akan kase inga lagi: Tuhan Allah pasti kase hukuman pa orang yang biking jahat. Dulu, Tuhan Allah kase bebas pa orang-orang Israel dari bangsa Mesir yang jaja pa dorang, tapi abis itu, dari dorang ada yang tara percaya lagi pa Tuhan, jadi Dia kase mati pa dorang itu.