1 Timotius 3:8 - Perjanjian Baru Bahasa Melayu Maluku Utara

⁸ Bagitu lagi diaken-diaken yang jaga bantu di jemaat. Dorang pe cara hidup musti bagini: kalakuang bae yang biking orang hormati pa dorang, tara munafik, tara pangmabo, deng tara gila doi.

1 Timotius 3:8 ပူးပေါင်းရင်းမြစ်များ

Roma 3:13

“Dorang pe kata-kata pe tara bae, itu sama deng bobou busu yang kaluar dari kubur yang ada tabuka. Dorang pe mulu tukang bafoya.” “Dorang pe kata-kata jahat, sama deng ular pe bisa.”

Filipi 1:1

Sudara-sudara yang so jadi Tuhan Allah pe umat di kota Filipi, deng ngoni yang pimpin jemaat, deng diaken-diaken. Salam dari kita Paulus deng Timotius. Torang dua ini yang jaga biking apa yang Kristus Yesus suru.

1 Timotius 3:12

Diaken itu pe bini musti cuma satu saja, deng dia musti tau urus dia pe ana-ana deng dia pe keluarga sandiri.

1 Timotius 3:2

Karna itu, ada sarat-sarat untuk orang-orang yang pimpin jemaat. Dorang itu pe cara hidup musti bagini: hidup butul, dia pe bini cuma satu, dia bisa batahang diri, dia tau ator hal bae-bae, dia sopan, dia suka tarima orang di dia pe ruma, dia pande mangajar,

1 Timotius 3:3

dia tara pangmabo, dia tara pangmara tapi bae-bae, dia suka baku bawa bae deng orang, deng dia tara gila doi.

1 Timotius 5:23

Kita tau ngana jaga puru saki deng ada saki laeng lagi. Jadi jang ngana cuma minum aer puti, tapi minum anggur sadiki la kase ilang ngana pe rasa saki.

Titus 1:7

Barang, orang yang pimpin jemaat, dia pe karja itu urus Tuhan Allah pe jemaat. Dia pe cara hidup musti butul, tara sombong, tara pangmara, tara pangmabo, tara pukul-pukul orang, deng tara gila doi.

Titus 2:3

Bagitu lagi deng parampuang-parampuang yang so tua, ngana kase ajar pa dorang supaya dorang pe cara hidup iko Tuhan Allah pe mau. Dorang tara bole biking busu orang pe nama, deng tara bole jadi pangmabo. Dorang musti kase ajar yang bae pa orang-orang.

Yakobus 3:10

Torang pe mulu cuma satu saja, tapi kata-kata yang kaluar, ada yang puji pa Tuhan, deng ada lagi yang kutuk pa manusia. Sudara-sudara, sebenarnya torang tara bole bagitu!

1 Petrus 5:2

jaga bae-bae pa orang-orang percaya yang Tuhan Allah so kase untuk ngoni jaga, sama deng gembala jaga dia pe domba. Jaga pa dorang deng hati sanang iko Tuhan Allah pe mau. Jang jaga pa dorang cuma karna terpaksa atau karna mau dapa gaji saja. Tapi ngoni jaga pa dorang karna butul-butul ngoni mo tolong pa dorang.